ایشیا کپ فائنل: پاکستان کا بھارت کو جیت کے لیے 147 رنز کا ہدف
اشاعت کی تاریخ: 28th, September 2025 GMT
پاکستان اور بھارت کے درمیان دبئی میں کھیلے جا رہے ایشیا کپ فائنل میں پاکستان کی ٹیم پہلی اننگز میں 146 رنز بنا کر آؤٹ ہوگئی۔ اب بھارت کو ایشیا کپ جیتنے کے لیے 147 رنز کا ہدف درکار ہے۔
پاکستان کی بیٹنگ کا آغاز شاندار تھا اور ابتدائی اوورز میں فخر زمان اور صاحبزادہ فرحان نے جارحانہ کھیل پیش کیا۔ دونوں اوپنرز نے 84 رنز کی شراکت قائم کی۔ فاران نے 38 گیندوں پر 57 رنز بنائے جن میں 5 چوکے اور 3 چھکے شامل تھے جبکہ فخر زمان نے 35 گیندوں پر 46 رنز اسکور کیے۔ تاہم ان کے آؤٹ ہونے کے بعد پاکستانی بیٹنگ لائن یکے بعد دیگرے پویلین لوٹتی رہی۔
پاکستان کے مڈل آرڈر بلے باز مکمل طور پر ناکام رہے۔ صائم ایوب نے 14 رنز بنائے جبکہ کپتان سلمان آغا صرف 8 رنز ہی بنا سکے۔ محمد حارث اور حسین طلعت بھی خاطر خواہ کارکردگی نہ دکھا سکے اور صفر اور ایک رن بنا کر آؤٹ ہوئے۔ اختتامی اوورز میں کوئی بھی بلے باز کریز پر نہ جم سکا اور پوری ٹیم 19.
???? TOSS & PLAYING XI ????
Pakistan have been asked to bat first in the #AsiaCup2025 final ????
Unchanged team for today ????????#PAKvIND | #BackTheBoysInGreen pic.twitter.com/Iyxn4xYwXb
— Pakistan Cricket (@TheRealPCB) September 28, 2025
بھارت کی جانب سے کلدیپ یادیو سب سے کامیاب باؤلر رہے جنہوں نے 4 اوورز میں 30 رنز دے کر 4 کھلاڑیوں کو پویلین بھیجا۔ اکسر پٹیل اور ورون چکرورتی نے دو، دو وکٹیں حاصل کیں جبکہ جسپریت بمراہ نے بھی 2 کھلاڑیوں کو آؤٹ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ فائنل بھارت پاکستان دبئی کرکٹ اسٹیڈیم سلمان علی آغا سوریا کمار یادوذریعہ: WE News
کلیدی لفظ: ایشیا کپ فائنل بھارت پاکستان دبئی کرکٹ اسٹیڈیم سلمان علی ا غا سوریا کمار یادو اوورز میں ایشیا کپ
پڑھیں:
پی سی بی نے سہ فریقی ٹی20 سیریز کے لیے کمنٹری پینل اور براڈکاسٹرز کے ناموں کا اعلان کردیا
پاکستان کرکٹ بورڈ نے پاکستان ٹی20 سہ فریقی سیریز 2025 کے لیے کمنٹری پینل اور عالمی براڈکاسٹرز کے ناموں کا اعلان کردیا ہے۔
سیریز کے دوران پاکستانی شائقینِ کرکٹ کو ملکی اور غیر ملکی مشہور کمنٹیٹرز کی آوازیں سننے کو ملیں گی۔ اعلان کے مطابق عامر سہیل، رمیز راجہ، عروج مشتاق، بازید خان، رسل آرنلڈ اور پومی امبانگوا کمنٹری کے فرائض انجام دیں گے۔
یہ بھی پڑھیے: آئی پی ایل نے عرفان پٹھان کو کمنٹری پینل سے باہر کیوں کردیا؟ اہم وجہ سامنے آگئی
پریزنٹیشن کے شعبے میں بھی شاندار لائن اپ شامل ہے، جہاں زینب عباس اور سکندر بخٹ میچوں کے دوران پریزینٹرز کی ذمہ داریاں نبھائیں گے۔ پی سی بی کا کہنا ہے کہ بہترین کوریج اور معیاری براڈکاسٹنگ کے لیے مختلف ممالک میں قابلِ اعتماد نشریاتی اداروں کو شامل کیا گیا ہے۔
پاکستان میں سیریز کی نشریات پی ٹی وی اسپورٹس اور پاکستان کرکٹ کے آفیشل یوٹیوب چینل پر دستیاب ہوں گی۔ بین الاقوامی سطح پر ویلو ٹی وی شمالی امریکا میں، سپر اسپورٹس سب صحارن افریقہ میں، ڈائیلاگ ٹی وی اور ٹی وی سپریم سری لنکا میں، ٹی اسپورٹس بنگلادیش میں، کرک بز مشرق وسطیٰ اور جنوبی ایشیا میں، جبکہ ایسٹرو جنوبی ایشیا میں براہ راست نشریات فراہم کرے گا۔ برطانیہ کے شائقین کرکٹ PCB Live کے ذریعے میچز دیکھ سکیں گے۔
پی سی بی کے مطابق اس جامع براڈکاسٹنگ نیٹ ورک کے تحت دنیا بھر کے تماشائی ٹرائی نیشن سیریز کے ہر لمحے سے لطف اندوز ہو سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس سہ فریقی ٹی20 کرکٹ کمنٹری
امریکہ کی جانب سے سلامتی کونسل میں غزہ امن و استحکام کیلئے قرارداد متعارف