سندھ بھر میں خطرناک عمارتوں، غیرقانونی اور خلاف ضابطہ تعمیرات کے خلاف سخت کارروائی کے احکامات
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) ڈائریکٹر جنرل سندھ بلڈنگ کنٹرول اتھارٹی (ایس بی سی اے) مزمل حسین ہالیپوٹو نے صوبائی وزیر بلدیات سید ناصر حسین شاہ کی ہدایت پر صوبہ سندھ بھر میں خطرناک عمارتوں اور غیرقانونی و بے ضابطہ تعمیرات کے خلاف فوری اور سخت کارروائی کے احکامات جاری کیے ہیں۔
انہوں نے واضح کیا کہ قیمتی انسانی جانوں کا تحفظ اولین ترجیح ہے اور اس حوالے سے کسی بھی قسم کی غفلت ہرگز برداشت نہیں کی جائے گی۔ڈائریکٹر جنرل نے تمام بلڈنگ انسپکٹرز، سینئر انسپکٹرز، اسسٹنٹ ڈائریکٹرز اور ڈپٹی ڈائریکٹرز کو ہدایت دی ہے کہ وہ اپنی اپنی حدود میں موجودہ صورتحال کا ذاتی طور پر معائنہ کریں اور خطرناک عمارتوں کے ساتھ ساتھ غیرقانونی تعمیرات کی نشاندہی کریں۔
مزمل حسین ہالیپوٹو نے ہدایت دی کہ غیرقانونی اور غیرمجاز تعمیرات کو موقع پر ہی روک کر فوری طور پر مسمار کیا جائے، جبکہ خطرناک عمارتوں کی نشاندہی کے بعد ان کی رپورٹ ٹیکنیکل کمیٹی برائے خطرناک عمارات (TCDB) کو فوری طور پر بھیجی جائے تاکہ بروقت کارروائی عمل میں لائی جا سکے۔
ایس بی سی اے کی تازہ ترین رپورٹ کے مطابق کراچی میں مجموعی طور پر 540 عمارتوں کو خطرناک قرار دیا گیا ہے۔ ان میں سب سے زیادہ 407 عمارتیں ضلع ساؤتھ میں واقع ہیں۔ اس کے علاوہ 70 عمارتیں ضلع سینٹرل، 24 کیماڑی، 14 ایسٹ، 18 کورنگی، 5 ملیر اور 2 ضلع ویسٹ میں شامل ہیں۔ متعدد عمارتیں پہلے ہی مکینوں سے خالی کرا کے سیل کی جا چکی ہیں جبکہ مزید عمارتوں کو ضلعی انتظامیہ کی مدد سے خالی کرانے کا عمل تیزی سے جاری ہے۔
ڈائریکٹر جنرل نے کہا کہ یہ سلسلہ تسلسل کے ساتھ جاری رہے گا اور مکینوں کے انخلا کے بعد ان عمارتوں کو مرحلہ وار منہدم بھی کیا جائے گا۔ڈائریکٹر جنرل نے یہ بھی حکم دیا ہے کہ ہر فیلڈ افسر اپنی روزانہ کی رپورٹ ایک فیلڈ بُک میں درج کرے جس پر ان کے سینیئر افسر کے دستخط ہوں، اور اس کے ساتھ ایک تحریری ضمانت بھی جمع کرائے کہ اس کی حدود میں کوئی غیرقانونی تعمیرات موجود نہیں۔ یہ رپورٹس متعلقہ ڈائریکٹر کے پاس ریکارڈ کے لیے جمع ہوں گی اور ہر ماہ کی 15ویں ورکنگ ڈے کو فیلڈ افسران کو اپنی مکمل رپورٹ بمعہ معائنہ جات، انہدامی کارروائیوں، عدالتوں میں کیسز، شکایات اور بلڈنگ پلانز کے حوالے سے پیش کرنی ہوگی۔ یہ رپورٹس ایڈیشنل ڈائریکٹر جنرل کے ذریعے ڈائریکٹر جنرل سیکریٹریٹ پہنچیں گی اور بعد ازاں ڈائریکٹوریٹ آف ویجیلنس کی جانب سے ان کا جائزہ لے کر تصدیق کی جائے گی۔
آئی ٹی سیکشن کو ہدایت کی گئی ہے کہ وہ روزانہ کی بنیاد پر خطرناک عمارتوں اور مسمار کی گئی غیرقانونی تعمیرات کا ریکارڈ مرتب کرے جبکہ ایڈمنسٹریشن سیکشن کو حکم دیا گیا ہے کہ وہ ہر فیلڈ افسر کی کارکردگی کا گریڈنگ سسٹم تشکیل دے جو ان کے ذاتی پروفائل میں شامل کیا جائے گا۔ مقررہ وقت پر رپورٹ جمع نہ کرانے والے یا غفلت برتنے والے افسران کے خلاف ای اینڈ ڈی رولز کے تحت سخت کارروائی کی جائے گی۔
مزمل حسین ہالیپوٹو نے واضح کیا کہ روزانہ کی بنیاد پر خطرناک عمارتوں کی نگرانی، بروقت معائنہ اور غیرقانونی تعمیرات کے خلاف فوری کارروائی فیلڈ افسران کی بنیادی ذمہ داری ہے اور کسی بھی کوتاہی پر سخت کارروائی عمل میں لائی جائے گی۔انہوں نے عوام سے بھی اپیل کی کہ وہ خطرناک اور خستہ حال عمارتوں یا غیرقانونی تعمیرات کی نشاندہی کریں تاکہ حادثات سے بچا جا سکے اور انسانی جانوں کا تحفظ یقینی بنایا جا سکے۔ شہری ایس بی سی اے کے ہیلپ لائن نمبرز 99232355 اور 99230393 پر رابطہ کر سکتے ہیں یا ایس بی سی اے کی آفیشل ویب سائٹ www.
ذریعہ
ذریعہ: Jasarat News
کلیدی لفظ: غیرقانونی تعمیرات خطرناک عمارتوں ڈائریکٹر جنرل سخت کارروائی ایس بی سی اے جائے گی کے خلاف
پڑھیں:
وسیم خان باسکٹ بال کی عالمی تنظیم فیبا ایشیا کے ایگزیکٹو ڈائریکٹر مقرر
پاکستان کرکٹ بورڈ کے سابق چیف ایگزیکٹو وسیم خان کو باسکٹ بال کی عالمی تنظیم فیبا ایشیا کا ایگزیکٹو ڈائریکٹر مقرر کر دیا گیا ہے، وہ جنوری 2027 میں باضابطہ طور پر اپنی ذمہ داریاں سنبھالیں گے۔
فیبا ایشیا کے مطابق وسیم خان نے عہدے کی منتقلی کے عمل کے لیے تنظیم کے ساتھ کام شروع کر دیا ہے اور وہ موجودہ ایگزیکٹو ڈائریکٹر ہاگوپ کھاجیرین سے ذمہ داریاں سنبھالنے سے قبل مکمل رہنمائی اور انتظامی امور کا جائزہ لیں گے۔
یہ بھی پڑھیں: جنرل مینیجر آئی سی سی وسیم خان کا عہدے سے الگ ہونے کا فیصلہ
وسیم خان فیبا ایشیا کے ایگزیکٹو ڈائریکٹر کی حیثیت سے پورے ایشیا میں باسکٹ بال کے فروغ، انتظامی معاملات اور ترقیاتی منصوبوں کی نگرانی کریں گے، جس کے دائرہ کار میں براعظم کی 44 قومی باسکٹ بال فیڈریشنز شامل ہیں۔
برطانوی نژاد پاکستانی اسپورٹس منتظم وسیم خان کو کھیلوں کے انتظامی شعبے میں وسیع تجربہ حاصل ہے۔ وہ اس سے قبل انٹرنیشنل کرکٹ کونسل میں جنرل منیجر کرکٹ کے عہدے پر فائز رہے، جہاں سے انہوں نے رواں سال استعفیٰ دیا تھا۔
اس سے پہلے وسیم خان 2019ء سے ستمبر 2021ء تک پاکستان کرکٹ بورڈ کے چیف ایگزیکٹو رہے۔ اپنے دور میں انہوں نے پاکستان کرکٹ کے اہم مرحلے میں انتظامی امور سنبھالے، بڑی ٹیموں کے دورہ پاکستان کی واپسی میں کردار ادا کیا اور ملکی ڈومیسٹک کرکٹ نظام میں اصلاحات کی نگرانی کی۔
یہ بھی پڑھیں: باسکٹ بال ٹیم کی کامیابی کا جشن ہنگامہ آرائی میں بدل گیا، فیفا شٹل بس نذرِ آتش
وسیم خان اس سے قبل انگلینڈ کے لیسٹرشائر کاؤنٹی کرکٹ کلب کے چیف ایگزیکٹو اور برطانیہ میں نوجوانوں کی کرکٹ کے فروغ کے لیے کام کرنے والی تنظیم ‘چانس ٹو شائن’ سے بھی وابستہ رہے۔
ان کی تقرری کو بین الاقوامی کھیلوں کی انتظامیہ میں پاکستانی نژاد افراد کے لیے ایک اہم پیش رفت قرار دیا جا رہا ہے، کیونکہ وہ کرکٹ کے بعد باسکٹ بال کے عالمی نظام میں بھی اعلیٰ انتظامی عہدہ سنبھالنے والے چند پاکستانی نژاد کھیلوں کے منتظمین میں شامل ہوگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایگزیکٹو ڈائریکٹر باسکٹ بال پی سی بی فیبا وسیم خان
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم