پہلا ٹی ٹوئنٹی: بنگلادیش نے افغانستان کو 4 وکٹوں سے شکست دیدی
اشاعت کی تاریخ: 2nd, October 2025 GMT
ٹی 20 سیریز کے پہلے میچ میں بنگلادیش نے افغانستان کو 4 وکٹوں سے شکست دے دی۔
شارجہ میں کھیلے میچ میں بنگلا دیش نے 152 رنز کا ہدف 19 ویں اوور میں 6 وکٹوں کے نقصان پر حاصل کیا۔
بنگلادیش کی جانب سے پرویز حسین ایمان 54 اور تنزید حسن 51 رنز بنا کر نمایاں رہے۔ نورالحسن 23 اور رشاد حسین 14 رنز بنا کر ناٹ آؤٹ پویلین لوٹے۔
کپتان جاکر علی 6 جبکہ شمیم حسین ، سیف حسن اور تنظیم حسن ثاقب بغیر کوئی رن بنائے آؤٹ ہوئے۔
افغانستان کی جانب کپتان راشد خان نے 4 وکٹیں حاصل کیں۔ نور احمد اور فرید احمد نے 1، 1 کھلاڑی کو آؤٹ کیا۔
اس سے قبل ٹاس جیت کر پہلے بیٹنگ کرتے ہوئے افغانستان نے مقررہ 20 اوورز میں 9 وکٹوں کے نقصان پر 151 رنز بنائے۔
افغانستان کی جانب سے رحمان اللہ گربز 40 رنز بنا کر نمایاں رہے۔ محمد نبی 38، عظمت اللہ عمر زئی 18، ابراہیم زدران 15، صدیق اللہ اٹل 10، نور احمد 6، کپتان راشد خان 4، محمد اسحاق 1 اور درویش رسولی 0 کے انفرادی اسکور پر آؤٹ ہوئے۔
شرف الدین اشرف 17 رنز بنا کر ناٹ آؤٹ پویلین لوٹے۔
بنگلادیش کی جانب سے رشاد حسین اور تنظیم حسن ثاقب نے 2، 2 کھلاڑیوں کو آؤٹ کیا۔ نسم احمد، مستفیض الرحمان اور تسکین احمد نے 1، 1 وکٹ حاصل کی۔
.
ذریعہ
ذریعہ: Express News
کلیدی لفظ: کی جانب
پڑھیں:
کے پی اسمبلی میں حکومتی ناراض ارکان کا مذاکرات سے انکار
پشاور:خیبرپختونخوا اسمبلی میں ناراض حکومتی ارکان کے ساتھ مفاہمت نہ ہوسکی ناراض ارکان نے کسی بھی قسم کے مذاکرات سے انکار کرتے ہوئے آئندہ کے لائحہ عمل کے لیے آج اجلاس طلب کرلیا۔
ایکسپریس نیوز کے مطابق خیبرپختونخوا اسمبلی میں حکومتی ارکان کا ناراض گروپ اپنے مطالبات پر ڈٹ گیا، ناراض ارکان سے سابق اسپیکر اسد قیصر اور سابق صوبائی وزیر شوکت یوسفزئی نے بھی رابطہ کیا ہے لیکن ناراض ارکان نے حکومت کے علاقہ کسی سے بھی مذاکرات سے انکار کردیا۔
ناراض ارکان کا کہنا ہے کہ ہمیں وزیراعلی سہیل آفریدی کی جانب سے یقین دہانی چاہیے، ایک ناراض رکن نے بتایا کہ ہمارا کوئی فارورڈ بلاک نہیں اگر فارورڈ بلاک بنتا ہے تو یہ عمران خان کے خلاف ہوگا ہم حکومت کے پالیسیوں سے ناراض ہیں مرکزی قیادت کو بتایا دیا گیا ہے اور انھیں خط بھی لکھا گیا ہے لیکن پارٹی چیئرمین کی جانب سے کوئی جواب نہیں ملا، ناراض ارکان نے آئندہ کے لائحہ عمل کے لیے اجلاس آج دوبارہ طلب کرلیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ