سندھ کے عوام صوبائی حکومت کی نااہلی سے تنگ آ چکے: ن لیگ
اشاعت کی تاریخ: 5th, October 2025 GMT
—فائل فوٹو
حکمراں جماعت مسلم لیگ ن سندھ کے ترجمان اسد عثمانی نے کہا ہے کہ سندھ کے باشعور عوام صوبائی حکومت کی نااہلی سے تنگ آ چکے ہیں۔
کراچی سے جاری بیان میں اسد عثمان نے کہا ہے کہ پوری سندھ حکومت مریم نواز سے خوفزدہ ہے، وزیرِ اعلیٰ پنجاب اپنے صوبے کے عوام کی خدمت میں مصروف عمل ہیں۔
میئر کراچی مرتضیٰ وہاب نے کہا ہے کہ پنجاب حکومت سے مناظرے کے لیے تیار ہوں۔
انہوں نے کہا کہ سندھ کے وزراء کے پاس کرنے کو کچھ نہیں ہے تو مریم نواز پر جھوٹی تنقید کر رہے ہیں، صوبے کے عوام سندھ حکومت کی نااہلی سے تنگ آ چکے ہیں۔
ن لیگی ترجمان نے کہا کہ سندھ کے وزراء کوئی ایک ایسا کام بتائیں، جس سے عوام کو ریلیف ملا ہو، وفاقی حکومت جب سندھ میں کام کرنا شروع کرتی ہے تو اس کو بھی رکوا دیا جاتا ہے۔
اسد عثمانی نے کہا کہ مسلم لیگ ن ہمیشہ پورے ملک میں ترقی و خوش حالی کے لیے کوشاں رہتی ہے، ن لیگی قیادت نے ہمیشہ کشکول توڑا ہے۔
مسلم لیگ ن کے سینئر رہنما خواجہ سعد رفیق نے کہا ہے کہ جلاؤ گھیراؤ کی سیاست ملکی مفاد میں نہیں، ن لیگ نے عوام کی بلاتفریق خدمت کی ہے۔
اُن کا کہنا ہے کہ جب بھی سندھ میں سیلاب یا کوئی آفت آئی شہباز شریف اور نواز شریف اپنے سندھ کے عوام کے ساتھ موجود رہے۔
ن لیگی ترجمان نے کہا کہ کراچی میں امن و امان کا معاملہ ہو یا پاور پلانٹ کا مسلم لیگ ن نے حل کیا، کراچی میں لیاری ایکسپریس وے ہو گرین بس ن لیگ ہی لائی۔
انہوں نے کہا کہ سندھ کی عوام بھی اب ن لیگ کی طرف دیکھ رہے ہیں، جس کی وجہ سے پی پی پی خوفزدہ ہے، سندھ کی باشعور عوام اب سندھ میں بھی ن لیگ کی حکومت چاہتے ہیں۔
.ذریعہ: Jang News
کلیدی لفظ: نے کہا ہے کہ مسلم لیگ ن نے کہا کہ کہ سندھ کے عوام سندھ کے
پڑھیں:
فلسطین میں جاری اسرائیلی سفاکیت پر مسلم حکمرانوں کی خاموشی قابلِ افسوس ہے، عبدالواسع
پشاور میں خطاب کرتے ہوئے صوبائی امیر کا کہنا تھا کہ جماعت اسلامی اور الخدمت فاؤنڈیشن ہر سطح پر فلسطینی عوام کے ساتھ کھڑی ہیں۔ عبدالواسع نے نوجوانوں پر زور دیا کہ وہ نومبر میں ہونے والے جماعت اسلامی پاکستان کے اجتماعِ عام کی تیاری بھرپور جوش و جذبے کے ساتھ کریں۔ اسلام ٹائمز۔ جماعت اسلامی خیبر پختونخوا وسطی کے امیر عبدالواسع نے کہا ہے کہ صوبائی حکومت کی جانب سے تعلیمی اداروں اور ہسپتالوں کی نجکاری کا فیصلہ عوام دشمنی، غیرمنصفانہ اور ناکام پالیسیوں کا نتیجہ ہے، حکومت عوامی خدمت کے اداروں کو سرمایہ داروں کے حوالے کر کے مہنگائی سے دوچار غریبوں پر ظلم کی مرتکب ہورہی ہے۔ صوبائی حکومت فوری طور پر سرکاری اداروں کی نجکاری کے فیصلے پر نظرثانی کرے اور تعلیم و صحت کے نظام میں بنیادی اصلاحات اور شفاف انتظام یقینی بنائے۔ ان خیالات کا اظہار جماعت اسلامی کے صوبائی امیر عبدالواسع نے مرکز اسلامی پشاور میں تحریکِ محنت پاکستان کے اجتماعِ ارکان و نوجوانان سے خطاب کرتے ہوئے کیا۔ انہوں نے کہا کہ تحریکِ محنت کا مقصد ملک بھر میں دینی و تحریکی لٹریچر کو عام کر کے فکری بیداری اور دعوتِ اسلامی کا فروغ ہے،جو آج کے فکری انتشار کے دور میں نہایت اہمیت کی حامل ہے۔
انہوں نے غزہ میں جاری اسرائیلی جارحیت کی سخت ترین الفاظ میں مذمت کرتے ہوئے کہا کہ غزہ اور فلسطین میں جاری اسرائیلی سفاکیت اور بربریت پر مسلم حکمرانوں کی خاموشی قابلِ افسوس ہے، انہوں نے کہا کہ جماعت اسلامی اور الخدمت فاؤنڈیشن ہر سطح پر فلسطینی عوام کے ساتھ کھڑی ہیں۔ عبدالواسع نے نوجوانوں پر زور دیا کہ وہ نومبر میں ہونے والے جماعت اسلامی پاکستان کے اجتماعِ عام کی تیاری بھرپور جوش و جذبے کے ساتھ کریں، تاکہ یہ اجتماع عوامی بیداری، اسلامی انقلاب اور عدل و انصاف کے نظام کے قیام کی سمت کی جانب ایک فیصلہ کن قدم ثابت ہو۔
بھارتی جیل میں قید پاکستانی شہری واہگہ بارڈر کے راستے وطن روانہ