صیہونیت کا حامی ہونے کا الزام، استنبول میں برطانوی فنکار روبی ولیمز کا کنسرٹ منسوخ
اشاعت کی تاریخ: 6th, October 2025 GMT
برطانوی گلوکار روبی ولیمز کا آئندہ کنسرٹ ترک حکام نے عوامی تحفظ کے پیشِ نظر منسوخ کر دیا۔ یہ کنسرٹ 7 اکتوبر کو ہونا تھا جو حماس کے اسرائیلی جنوبی علاقوں پر حملے کی دوسری برسی کے موقع پر رکھا گیا تھا۔
ترکی کی سوشل میڈیا مہمات اور غزہ کے حق میں سرگرم این جی اوز کئی دنوں سے اس تقریب کے خلاف آواز بلند کر رہے تھے۔ ناقدین نے ولیمز پر صیہونیت کا حامی ہونے کا الزام لگایا اور ان کی موجودگی کو ناپسند کیا۔
یہ بھی پڑھیے: ہالی ووڈ کے 76 اداکاروں، فنکاروں کا امریکی صدر کو خط، غزہ میں فوری جنگ بندی کا مطالبہ
51 سالہ ولیمز کو ترکی میں ایک بار پھر تنقید کا سامنا ہے، خاص طور پر ان کے یہودی خاندانی پس منظر اور 2015 میں اسرائیل میں ہونے والے ان کے کنسرٹ کی وجہ سے، جس پر فلسطین کے حامی گروہوں نے پہلے بھی اعتراض کیا تھا۔
ایونٹ کی ٹکٹنگ کمپنی نے اعلان کیا کہ کنسرٹ استنبول گورنر کے دفتر کی درخواست پر منسوخ کیا گیا۔ تاہم گورنر آفس نے اس معاملے پر فی الحال کوئی تبصرہ نہیں کیا۔
روبی ولیمز نے انسٹاگرام پر اپنے مداحوں سے معذرت کرتے ہوئے کہا کہ ان کے چاہنے والوں کی حفاظت سب سے پہلے ہے، اور یہ فیصلہ ان کے اختیار سے باہر تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
غزہ فلسطین فنکار کنسرٹ.
ذریعہ
ذریعہ: WE News
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ