معیشت کی بحالی کیلئے مضبوط ادارہ جاتی اصلاحات ناگزیر ہیں،سید امان شاہ
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
251007-06-23
کراچی(پ ر) عوام پاکستان پارٹی بلوچستان کے صوبائی کنوینئر اور معروف قبائلی شخصیت سید امان شاہ نے ملکی معیشت پر گفتگو کرتے ہوئے کہا ہے کہ پاکستان اس وقت شدید معاشی دباؤ کا شکار ہے اور اس صورتحال سے نکلنے کیلئے ہمیں وقتی فیصلوں کے بجائے طویل المدتی پالیسی سازی پر توجہ دینا ہوگی۔ ان کا کہنا تھا کہ بدقسمتی سے ماضی میں اقتصادی فیصلے سیاسی مفادات کی نذر ہوتے رہے جس کی وجہ سے آج ملک قرضوں کے بوجھ تلے دب چکا ہے۔ سید امان شاہ نے کہا کہ بلوچستان کی ترقی اور خوشحالی کے بغیر پاکستان کی معیشت کبھی بھی مستحکم نہیں ہوسکتی۔ قدرتی وسائل سے مالا مال اس خطے کو اگر جدید انفراسٹرکچر، تعلیمی مواقع اور سرمایہ کاری کی سہولیات فراہم کی جائیں تو یہ نہ صرف ملکی معیشت کو سہارا دے سکتا ہے بلکہ خطے میں استحکام اور خوشحالی کی ضمانت بھی بن سکتا ہے۔انہوں نے کہا کہ نوجوان پاکستان کا سب سے بڑا سرمایہ ہیں لیکن بدقسمتی سے انہیں روزگار اور کاروبار کے مواقع فراہم نہیں کیے جارہے۔ اگر حکومت ہنر مندی کے فروغ، چھوٹے اور درمیانے درجے کے کاروبار کو سپورٹ کرنے اور غیر ملکی سرمایہ کاروں کو پرکشش ماحول دینے کیلئے عملی اقدامات کرے تو پاکستان کو معاشی بحران سے نکالا جاسکتا ہے۔ انہوں نے کہا کہ عوام پاکستان پارٹی عوامی امنگوں کی نمائندہ جماعت ہے اور وہ ہر سطح پر معاشی انصاف، وسائل کی منصفانہ تقسیم اور ترقی کے یکساں مواقع کے حق میں آواز بلند کرتی رہے گی۔
ذریعہ: Jasarat News
پڑھیں:
بروقت انصاف آئینی ذمہ داری و اخلاقی فریِضہ ہے: چیف جسٹس پاکستان
اسلام آباد: (نیوزڈیسک) چیف جسٹس پاکستان یحییٰ آفریدی نے کہا کہ بروقت انصاف آئینی ذمہ داری اور اخلاقی فریضہ ہے۔
چیف جسٹس پاکستان کی زیر صدارت عدالتی اصلاحات پر آٹھواں انٹرایکٹو سیشن منعقد ہوا جس میں جسٹس محمد علی مظہر، رجسٹرار سپریم کورٹ سمیت دیگر نے شرکت کی۔
اجلاس میں بریفنگ دی گئی کہ ریفارم ایکشن پلان کی 86 میں سے 36 اصلاحات مکمل، 45 پر کام جاری ہے، کیس کیٹیگرائزیشن اور ریکارڈ ڈیجیٹائزیشن میں نمایاں پیش رفت ہوئی۔
1 لاکھ 26 ہزار ریکارڈز ڈیجیٹائز، مزید کام مقررہ مدت میں مکمل ہوگا، ای کورٹس کے لئے وزارت آئی ٹی اور ڈیجیٹل اتھارٹی سے اشتراک کا فیصلہ کیا گیا، اجلاس میں عدالتوں کی مکمل ڈیجیٹائزیشن کے ماسٹر پلان پر بریفنگ دی گئی۔
چیف جسٹس یحییٰ آفریدی نے کہا کہ شفافیت اور مالی نظم و ضبط عدلیہ کی مضبوطی کے لئے لازم ہے، بروقت انصاف آئینی ذمہ داری اور اخلاقی فریضہ ہے، چیف جسٹس نے تمام محکموں کو زیر التوا کام تیز رفتاری سے مکمل کرنے کی ہدایت کی۔
پاک روس سیکیورٹی مشاورتی اجلاس، علاقائی امن و تعاون پر گفتگو