وزیراعظم شہباز شریف کا پاک-ملائیشیا تعلقات کو پائیدار شراکت داری میں بدلنے کا عزم
اشاعت کی تاریخ: 6th, October 2025 GMT
وزیراعظم محمد شہباز شریف نے کہا ہے کہ پاکستان اور ملائیشیا کے درمیان تاریخی اور برادرانہ تعلقات کو پائیدار معاشی شراکت داری میں بدلنے کے خواہاں ہیں۔
’دونوں ممالک کے درمیان کاروباری روابط کا فروغ مشترکہ مفاد میں ہے، جبکہ نجی شعبہ دوطرفہ تجارت اور سرمایہ کاری کے فروغ میں کلیدی کردار ادا کرسکتا ہے۔‘
یہ بھی پڑھیں: پاکستان ملائیشیا کو 200 ملین ڈالرز کا گوشت برآمد کرے گا، وزیراعظم شہباز شریف کی ملائیشین ہم منصب کے ہمراہ گفتگو
وزیراعظم نے یہ بات پیر کو کوالالمپور میں ’پاکستان ملائیشیا بزنس اینڈ انویسٹمنٹ کانفرنس‘ سے خطاب کرتے ہوئے کہی، جس میں ملائیشیا کے وزیراعظم انور ابراہیم بھی شریک تھے۔
Addressed the Pakistan–Malaysia Business and Investment Conference in Kuala Lumpur this evening.
Grateful to my dear brother Prime Minister Anwar Ibrahim for joining this important forum.
I invited Malaysian companies to seize the immense opportunities Pakistan offers; a nation… pic.twitter.com/n3ddyp4z61
— Shehbaz Sharif (@CMShehbaz) October 6, 2025
انہوں نے کہا کہ پاکستان اور ملائیشیا کے درمیان دہائیوں پر محیط گہرے تعلقات اعتماد اور بھائی چارے کی بنیاد پر استوار ہیں۔
وزیراعظم انور ابراہیم کے ساتھ ملاقات میں باہمی تجارتی اور اقتصادی تعاون کے فروغ پر اتفاق ہوا۔
شہباز شریف نے کہا کہ پاکستان کی معیشت کی بنیاد زراعت ہے، جو ملائیشیا سمیت کئی ممالک کو زرعی مصنوعات برآمد کرتا ہے۔
پاکستان دنیا کا پانچواں بڑا دودھ اور کپاس پیدا کرنے والا ملک ہے جبکہ آم کی پیداوار میں چوتھے نمبر پر ہے۔ پاکستانی آم، پھل اور سبزیاں بین الاقوامی منڈیوں میں اعلیٰ معیار کی وجہ سے خاص مقام رکھتی ہیں۔
انہوں نے کہا کہ سیاحت کے شعبے میں بھی بے پناہ مواقع موجود ہیں۔ گلگت بلتستان، ہنزہ، نانگا پربت اور کے ٹو جیسے مقامات دنیا بھر کے سیاحوں کے لیے پرکشش ہیں۔
’پاکستان اور ملائیشیا کی کمپنیاں سیاحت کے فروغ کے لیے شراکت داری سے فائدہ اٹھا سکتی ہیں، جو دونوں ممالک کے لیے گیم چینجر ثابت ہوگا۔‘
مزید پڑھیں: ملائیشیا اور پاکستان میں قیدیوں کے تبادلے کا معاہدہ حتمی مرحلے میں داخل
وزیراعظم نے بتایا کہ پاکستان کی معیشت بہتری کی سمت گامزن ہے، مہنگائی اور پالیسی ریٹ میں نمایاں کمی آئی ہے، اور آئندہ 2 سال میں ملک کو آئی ایم ایف پروگرام کی ضرورت نہیں رہے گی۔
’اگر پاکستان اور ملائیشیا مل کر آگے بڑھیں تو آئی ایم ایف کو خدا حافظ کہہ سکتے ہیں۔‘
انہوں نے وزیراعظم انور ابراہیم کی قیادت کو سراہتے ہوئے کہا کہ ان کی بصیرت اور وژن نے ملائیشیا کو نمایاں ترقی دی ہے، اور وہ دونوں ملکوں کے کاروباری تعلقات میں مرکزی کردار ادا کر سکتے ہیں۔
مزید پڑھیں:ملائیشیا آمد پر بے حد خوش ہوں، دوطرفہ تعلقات کو مزید تقویت ملے گی، وزیراعظم شہباز شریف
شہباز شریف نے کہا کہ پاکستان اور ملائیشیا آئی ٹی، الیکٹرانکس، تیل و گیس اور معدنیات کے شعبوں میں باہمی تعاون بڑھا سکتے ہیں۔
’بلوچستان میں ریکو ڈک سمیت معدنی وسائل میں سرمایہ کاری کے پرکشش مواقع دستیاب ہیں، جبکہ ملائیشیا کی کمپنیاں پاکستان کے ذریعے خلیجی منڈیوں تک رسائی حاصل کر سکتی ہیں۔‘
انہوں نے ملائیشیا کے وزیراعظم کا پاکستان سے حلال گوشت کے درآمدی کوٹے کو 200 ملین ڈالر تک بڑھانے پر شکریہ ادا کرتے ہوئے یقین دلایا کہ پاکستان اپنے وعدوں کی تکمیل کرے گا۔
مزید پڑھیں:ملائیشیا کے وزیراعظم انور ابراہیم کو نشان پاکستان سے نواز دیا گیا
وزیراعظم نے زور دیا کہ حکومت سرمایہ کاری کے لیے سازگار ماحول فراہم کر رہی ہے، تاہم نجی شعبے کو جوائنٹ وینچرز، بی ٹو بی پارٹنرشپ اور ٹیکنالوجی کے اشتراک کے ذریعے آگے آنا ہوگا تاکہ دونوں ملکوں کو یکساں فائدہ پہنچے۔
اس موقع پر ملائیشیا کے وزیراعظم انور ابراہیم نے کہا کہ پاکستان کے ساتھ تجارتی تعلقات میں وسعت چاہتے ہیں، آسیان کے پلیٹ فارم سے علاقائی معاشی ترقی کے مواقع حاصل کیے جا سکتے ہیں۔
انہوں نے کہا کہ تجارت کے فروغ سے خطے میں معاشی آزادی ممکن ہے، اور وقت کے ساتھ آسیان ممالک میں پاکستان جیسے شراکت داروں کی شمولیت خوش آئند ہوگی۔
مزید پڑھیں: پاکستان اور ملائیشیا کے درمیان تجارتی حجم 1.8 بلین ڈالر سے تجاوز کر گیاہے، محمد اظہر مزلان
انور ابراہیم نے کہا کہ دونوں ممالک کے درمیان تعاون کے وسیع امکانات ہیں، پاکستانی کمپنیوں کے لیے ملائیشیا کی منڈیاں کھلی ہیں، جبکہ ہزاروں ملائیشین طلبا پاکستان میں زیر تعلیم ہیں۔
ملائیشین وزیراعظم نے کہا کہ وہ شہباز شریف کے وژن کو سراہتے ہیں، جس نے پاکستان کی ترقی میں اہم کردار ادا کیا ہے۔
انہوں نے یقین دلایا کہ ملائیشیا پاکستان میں سرمایہ کاری کو فروغ دینے کے لیے بھرپور اقدامات کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انورابراہیم بزنس اینڈ انویسٹمنٹ کانفرنس دو طرفہ تجارت سرمایہ کاری شہباز شریف قائداعظم کوالالمپور محمد علی جناح ملائیشیا وزیر اعظم
ذریعہ
ذریعہ: WE News
کلیدی لفظ: انورابراہیم بزنس اینڈ انویسٹمنٹ کانفرنس دو طرفہ تجارت سرمایہ کاری شہباز شریف کوالالمپور محمد علی جناح ملائیشیا وزیراعظم انور ابراہیم ملائیشیا کے وزیراعظم پاکستان اور ملائیشیا نے کہا کہ پاکستان سرمایہ کاری شہباز شریف مزید پڑھیں کے درمیان سکتے ہیں انہوں نے کے فروغ کے لیے
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم