جی ایچ کیو حملہ کیس کی سماعت اڈیالہ جیل میں ہو گی‘ حکومتِ پنجاب نے15 ستمبر کا حکم نامہ واپس لے لیا
اشاعت کی تاریخ: 7th, October 2025 GMT
راولپنڈی(اپنے سٹاف رپورٹر سے )حکومتِ پنجاب نے15 ستمبر 2025 کو جاری ہونے والے حکم نامہ کو واپس لے لیاہے جس میں جی ایچ کیو محلہ کیس کی سماعت سینٹرل جیل اڈیالہ کی بجائے انسداد گردی کی خصوصی عدالت راولپنڈی میں ہو گی جس کے بعد جی ایچ کیو حملہ کیس کی سماعت عدالت میں ہوئیں ،گزشتہ روز پنجاب حکومت نے نیا حکم نامی جاری کیا جس میں کہا گیا ہے کہ 15 ستمبر کا حکم منسوخ قراردیدیا گیا ہے اب جی ایچ کیو حملہ کیس کی سماعت اڈیالہ جیل میں ہی ہو گی،نوٹیفکیشن تمام متعلقہ حکام کو ارسال کردیا گیا ہے،ایڈووکیٹ جنرل پنجاب، پراسیکیوٹر جنرل اور رجسٹرار لاہور ہائیکورٹ اورانسداد دہشت گردی عدالت راولپنڈی کے جج کو بھی نوٹفیکیش کاپی ارسال کی گئی ہے، آئی جی پنجاب اور آئی جی جیل خانہ جات کو عملدرآمد کی ہدایت کی گئی ہے،ڈپٹی کمشنر اور سی پی او راولپنڈی کو بھی مطلع کردیا گیاسپرنٹنڈنٹ سینٹرل جیل اڈیالہ راولپنڈی کو نوٹیفکیشن بھجوادیا گیا ہے،نوٹیفکیشن جاری ہونے کے بعد اب آ ج منگل 7اکتوبر کوجی ایچ کیو حملہ کیس کی سماعت اڈیالہ جیل میں ہو گی ،استغاثہ کے 3 گواہوں کو طلب کیا گیا ہیگواہوں میں ڈی ایس پی مرزا جاوید،انسپکٹر ناظم شاہ اور انسپکٹر یعقوب شاہ شامل ہیں جو اپنا اپنا بیان ریکارڈ کروائیں گے،کیس کی سماعت انسداد دہشتگردی کی خصوصی عدالت کے جج امجد علی شاہ کرینگے۔
.ذریعہ: Nawaiwaqt
کلیدی لفظ: جی ایچ کیو حملہ کیس کی سماعت میں ہو گیا ہے
پڑھیں:
گراؤنڈز نیلامی کیس: حکمِ امتناع برقرار، سماعت ملتوی
اسلام آباد(صغیر چوہدری )اسلام آباد ہائیکورٹ نے وفاقی دارالحکومت کے 10 کرکٹ اور 10 فٹ بال گراؤنڈز کی نیلامی پر جاری حکم امتناع میں 28 نومبر تک توسیع کر دی۔ عدالت نے سی ڈی اے کی جانب سے جواب جمع نا کرانے پر برہمی کا اظہار کرتے ہوئے سی ڈی اے اور میٹروپولیٹن کارپوریشن کو دوبارہ نوٹس جاری کر کے جواب جمع کرانے کی ہدایت کی ہے
اسلام آباد ہائی کورٹ کے جسٹس انعام امین منہاس نے راولپنڈی اسلام آباد سپورٹس جرنلسٹس ایسوسی ایشن کے صدر ابو بکر بن طلعت کی درخواست پر سماعت کی۔ درخواست گزار اپنے وکیل بیرسٹر عمر اعجاز گیلانی کے ہمراہ عدالت میں پیش ہوئے۔سی ڈی اے کی طرف سے خاتون وکیل سبین عدالت میں پیش، ایم سی آئی کی طرف سے کوئی پیش نہ ہوا۔ سی ڈی اے کی جانب سے جواب جمع نہ کروانے پر عدالت نے برہمی کا اظہار کرتے ہوئے پوچھا آپ نے ابھی تک جواب جمع کیوں نہیں کرایا؟ آئندہ سماعت سے قبل ہر صورت تحریری جواب جمع کرائیں۔ صدر رسجا نے بیرسٹر عمر اعجاز گیلانی اور ان کی لیگل ٹیم کے ذریعے اسلام آباد ہائی کورٹ میں دائر درخواست میں موقف اختیار کیا ہے کہ سی ڈی اے کے پاس گراؤنڈز کی نیلامی کا اختیار ہی نہیں۔ اسلام آباد لوکل گورنمنٹ ایکٹ کے تحت پلے گراؤنڈز کو کمرشل مقاصد کے لیے آؤٹ سورس نہیں کیا جا سکتا۔ گراؤنڈز میں کھیلنے کے لیے رقم کا تقاضا کیا گیا تو شہریوں کی رسائی محدود ہو جائے گی۔ کھیل کے میدانوں کی نیلامی سے کرکٹ اور فٹ بال گراؤنڈز عام شہریوں کے لیے بند ہونے کا خدشہ ہے۔ اسلام آباد میں کرکٹ اور فٹ بال گراؤنڈز کی دیکھ بھال میٹروپولیٹن کارپوریشن کی ذمہ داری ہے۔ درخواست میں استدعا کی گئی ہے کہ سی ڈی اے کی جانب سے اسلام آباد کے گراؤنڈز کی نیلامی کو غیر قانونی قرار دیا جائے۔ عدالت قرار دے کہ گراؤنڈز کی دیکھ بھال اور وہاں کھیلوں کی سہولیات کی فراہمی ایم سی آئی کا اختیار ہے۔ واضح رہے کہ سی ڈی اے کے ڈائریکٹر سپورٹس اینڈ ٹورزم نے گراؤنڈز کی اوپن آکشن کے لیے چار جولائی کو اشتہار جاری کیا تھا۔ سی ڈی اے اشتہار کے مطابق گراؤنڈز کو پانچ سال کے لیے نیلام کیا جائے گا، نیلامی 50 لاکھ سے سٹارٹ ہو گی۔ عدالت نے گراؤنڈز کی نیلامی پر حکم امتناع برقرار رکھتے ہوئے سماعت ملتوی کر دی
آزاد کشمیر: وزیراعظم انوارالحق کے خلاف تحریک عدم اعتماد پر رائے شماری کے لیے اسمبلی اجلاس طلب