پی آئی اے کی نجکاری آخری مراحل میں داخل ہوچکی ہے، وزیر خزانہ
اشاعت کی تاریخ: 7th, October 2025 GMT
وفاقی وزیرِ خزانہ محمد اورنگزیب کا کہنا ہے کہ پی آئی اے کی نجکاری آخری مرحلے میں داخل ہو چکی ہے جبکہ اسلام آباد ایئرپورٹ کی آؤٹ سورسنگ اور ڈسکوز کی نجکاری بھی زیر غور ہے۔
ایکسپریس نیوز کے مطابق اکیومن کی بانی و سی ای او جیکولین نووگراٹز کی سربراہی میں وفد نے وزیر خزانہ سینیٹر محمد اورنگزیب سے ملاقات کی، جس میں سرمایہ کاری، موسمیاتی لچک اور معاشی اصلاحات پر تبادلہ خیال کیا گیا۔
وزارت خزانہ کے اعلامیہ کے مطابق وفد کی قیادت اکیومن کی بانی و سی ای او جیکولین نووگراٹز نے کی، وزیر خزانہ نے پاکستان کی معاشی استحکام اور جاری اصلاحات سے آگاہ کیا۔
وزیر خزانہ نے ٹیکس نیٹ بڑھانے کیلئے اے آئی، ڈیٹا اینالٹکس اور ڈیجیٹل انضمام پر زور دیا۔
اس موقع پر مہمان وفد کو توانائی لاگت، سرمایہ کاری ماحول اور پبلک پرائیویٹ پارٹنرشپ پر بھی بریفنگ دی گئی۔
وزیر خزانہ محمد اورنگزیب نے کہا کہ ٹیکس ٹو جی ڈی پی شرح 11 فیصد تک بڑھانے کا ہدف مقرر کیا ہے، پاکستان کے چین کے ساتھ 24 نئے مشترکہ منصوبے طے پائے ہیں۔
محمد اورنگزیب نے کہا کہ پی آئی اے کی نجکاری آخری مرحلے میں داخل ہو چکی ہے، اسلام آباد ایئرپورٹ کی آوٴٹ سورسنگ اور ڈسکوز کی نجکاری زیرِ غور ہے۔
انہوں نے کہا کہ پاکستان کا نجی شعبہ ملکی معیشت کا انجن ہے، حکومت برآمدات پر مبنی ترقیاتی ماڈل کی طرف بڑھ رہی ہے، مالی نظم و ضبط اور ٹیرف اصلاحات سے معاشی استحکام ممکن ہے، پاکستان رواں سال کے اختتام سے قبل پہلا پانڈا بانڈ جاری کرے گا۔
وفاقی وزیر خزانہ کا کہنا تھا کہ حکومت کی تمام ادائیگیاں آئندہ مالی سال کے اختتام تک ڈیجیٹل ہو جائیں گی، بیرونی منافع و ڈیوڈنڈ کی ادائیگیاں معمول کے مطابق جاری ہیں، 500 ملین ڈالر یوروبانڈ کی ادائیگی معمول کے لین دین کے طور پر مکمل کی گئی ہے۔
محمد اورنگزیب نے کہا کہ پاکستان کو ماحولیاتی تبدیلی اور آبادی جیسے دو بڑے چیلنجز درپیش ہیں۔
اکیومن نے موسمیاتی لچکدار زراعت اور غربت مٹانے کی کوششوں کو سراہا۔ سی ای او اکیومن جیکولین نووگراٹز نے کہا کہ پاکستان کے تجربات واقعی غیر معمولی رہے۔
وزارت خزانہ کے اعلامیہ کے مطابق پاکستان میں اکیومن کا 90 ملین ڈالر کا ایگریکلچر رزیلینس فنڈ زیرِ عمل ہے، فنڈ کا مقصد پائیدار زراعت اور موسمیاتی مطابقت کے منصوبوں کی مالی معاونت ہے۔
.
ذریعہ
ذریعہ: Express News
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ