صمود فلو ٹیلا اور غزہ پر حملے، اسرائیل کیخلاف جماعت اسلامی کے ٹائونز کا احتجاج، ریلیاں
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹرجماعت اسلامی سندھ کی مرکزی ہدایات کے تحت بدھ کو شہر قائد کے آٹھوں ٹاؤنز میں اہل غزہ اور فلسطین سے یکجہتی کے شاندار مظاہرے اور ریلیاں نکالی گئیں۔ گلشن اقبال، جناح، ماڈل کالونی، لانڈھی، نیو کراچی، گلبرگ، ناظم آباد اور لیاقت آباد ٹاؤنز میں ٹاؤن چیئرمینز اور وائس چیئرمینز کی قیادت میں ہزاروں مرد و خواتین، اساتذہ، طلبہ، سرکاری ملازمین اور مقامی نمائندے شریک رہے۔ شرکا نے صمود فلوٹیلا پر اسرائیلی حملے اور غزہ میں جاری اسرائیلی مظالم کی شدید مذمت کرتے ہوئے عالمی برادری، خصوصاً مسلم حکمرانوں اور پاکستانی حکومت سے فوری اور عملی اقدامات کی اپیل کی۔ ریلیوں میں امتیازی طور پر چیئرمین گلشن اقبال ڈاکٹر فواد احمد، وائس چیئرمین ابراہیم صدیقی، ڈائریکٹر ایجوکیشن شیر علی، چیئرمین یوسی 11 نعمان حمید، چیئرمین ماڈل کالونی ظفر احمد خان، چیئرمین لانڈھی عبدالجمیل خان، چیئرمین نیو کراچی محمد یوسف، وائس چیئرمین شعیب بن ظہیر، نائب امیر ضلع شمالی احمر احمد، چیئرمین گلبرگ نصرت اللہ، چیئرمین ناظم آباد سید محمد مظفر اور لیاقت آباد کے چیئرمین فراز حسیب نے مشترکہ طور پر غزہ کے مظلومین کے حق میں مضبوط و غمگین پیغام دیا اور بین الاقوامی قوانین، انسانی ہمدردی اور فوری نوعیت کی انسانی راہداری کھولنے کا مطالبہ دہرایا گیا۔ مظاہروں کا مرکزی مقصد صمود فلوٹیلا پر اسرائیلی حملے کی مذمت، گرفتار کارکنان کی فوری رہائی، غزہ میں فوری جنگ بندی اور انسانی راہداری کھولنے کے لیے عالمی دباؤ بڑھانا تھا۔ ہر ریلی میں مقامی انتظامیہ کے افسران، سرکاری اسکولوں کے طلبہ و اساتذہ، ضلعی کارکن اور مقامی شہری بڑی تعداد میں شریک رہے۔ ذیل میں ہر ٹاؤن کی تفصیل پیشِ خدمت ہے، گلشن اقبال ٹاؤن کے چیئرمین ڈاکٹر فواد احمد اور وائس چیئرمین ابراہیم صدیقی کی قیادت میں گلشن اقبال ٹاؤن آفس سے سوک سینٹر تک ریلی نکالی گئی۔ ریلی میں ٹاؤن افسران، ملازمین اور شہریوں نے شرکت کی۔ چیئرمین ڈاکٹر فواد احمد نے کہا کہ پاکستانی عوام بیت المقدس کی آزادی اور فلسطینی عوام کے حق کے ساتھ کھڑے ہیں؛ صمود فلوٹیلا پر حملہ بین الاقوامی قوانین کی خلاف ورزی ہے اور دنیا کو فوری طور پر مداخلت کرنی چاہیے۔جناح ٹاؤن میونسپل کارپوریشن کے تحت اسکولوں کے طلبہ و اساتذہ نے ڈائریکٹر ایجوکیشن شیر علی کی قیادت میں پلے کارڈز اور نعروں کے ساتھ پرامن احتجاج کیا۔ چیئرمین یوسی 11 نعمان حمید بھی مظاہرے میں موجود رہے اور انہوں نے کہا کہ تعلیمی ادارے بھی مظلوم فلسطینیوں کے ساتھ کھڑے ہیں اور بچوں میں ہمدردی کی یہ تربیت وقت کی ضرورت ہے۔ماڈل کالونی ٹاؤن کے چیئرمین ظفر احمد خان کی قیادت میں ٹاؤن آفس سے احتجاجی ریلی نکالی گئی۔ ظفر احمد خان نے خطاب میں کہا کہ 7 اکتوبر کو شروع ہونے والی اسرائیلی بربریت انسانی تاریخ کی بدترین مثال ہے؛ حکومت پاکستان کو اپنے روایتی اصولی موقف پر قائم رہ کر ایک آزاد فلسطینی ریاست کے لیے عملی اقدامات کرنے چاہئیں۔لانڈھی ٹاؤن کے چیئرمین عبدالجمیل خان نے غزہ پر جاری جارحیت کی مذمت کی اور عالمی برادری سے مطالبہ کیا کہ وہ اسرائیل کے خلاف فوری طور پر کارروائی کرے؛ انہوں نے کہا کہ معصوم بچوں اور عورتوں کا قتلِ عام عالمی ضمیر کو جھنجوڑتا ہے اور مسلم اْمہ کو متحد ہو کر مظلوم فلسطینیوں کی حمایت کرنی چاہیے۔نیو کراچی ٹاؤن کے چیئرمین محمد یوسف کی قیادت میں ایک بڑی ریلی نکالی گئی جس میں وائس چیئرمین شعیب بن ظہیر اور نائب امیر ضلع شمالی احمر احمد سمیت اسکولوں کے استاد، طلبہ اور عام شہری شریک ہوئے۔ چیئرمین محمد یوسف نے کہا کہ دو ریاستی حل آج عملی طور پر ناکام ہو چکا ہے؛ فلسطینیوں کا بنیادی حقِ خود ارادیت مکمل طور پر تسلیم کیے بغیر پائیدار امن ممکن نہیں۔گلبرگ ٹاؤن چیئرمین نصرت اللہ کی سربراہی میں ٹاؤن آفس سے ریلی نکالی گئی، جس میں ٹاؤن کے تمام محکمہ جاتی افسران، اسکولوں کے اساتذہ اور بچے بھی شامل تھے۔ نصرت اللہ نے کہا کہ یکجہتی محض رسمی اظہار نہیں بلکہ ایمان کا تقاضا ہے اور ملک بھر کی جماعتیں مظلوم فلسطینیوں کے ساتھ ہیں۔ناظم آباد ٹاؤن کے چیئرمین سید محمد مظفر نے مختلف اسکولز اور یوسی کی نمائندہ شخصیات کے ہمراہ ریلی کی قیادت کی۔ اْنہوں نے عالمی برادری اور مسلم حکمرانوں سے اپیل کی کہ وہ فوری طور پر غزہ میں انسانی صورتحال کو سدھارنے کے لیے ٹھوس اقدامات کریں۔ ریلی کے آخر میں شہدائے فلسطین کے لئے دعائیں کی گئیں اور ایک قرارداد منظور کی گئی۔ لیاقت آباد ٹاؤن کے چیئرمین فراز حسیب، وائس چیئرمین اسحاق تیموری اور دیگر نمائندوں کے ہمراہ سندھی ہوٹل سے مرکزی کیمپ تک ریلی نکالی گئی۔ فراز حسیب نے اظہارِ خیال میں غزہ کی صورتحال کو ہولناک قرار دیتے ہوئے کہا کہ جنیوا کنونشن اور بین الاقوامی قوانین کی کھلم کھلا خلاف ورزی ہو رہی ہے اور اقوامِ متحدہ سمیت بین الاقوامی ادارے اپنی ذمہ داری نبھائیں۔ پاکستانی حکومت سے واضح مطالبہ کہ وہ قائداعظم کے اصولی موقف پر قائم رہتے ہوئے فلسطین کے حقوق کی حمایت کرے اور ٹرمپ پلان یا کسی بھی ایسے معاہدے کی حمایت سے بچے جو فلسطینی حقِ خود ارادیت کو محدود کرے۔ مسلم حکمرانوں سے اپیل کہ وہ محض زبانی مذمت کے بجائے عملی اقدامات کریں اور اقوامِ متحدہ، او آئی سی کے ذریعے اسرائیل پر دباؤ بڑھائیں۔ہر ٹاؤن میں شرکا نے بینرز، پلے کارڈز اور فلسطینی پرچم اٹھائے رکھے تھے جن پر ’’فلسطین زندہ باد‘‘، ’’اسرائیل مردہ باد‘‘ اور ’’غزہ کے ساتھ یکجہتی‘‘ جیسے نعرے درج تھے۔ ریلیاں پرامن رہیں اور آخر میں شہدائے فلسطین کے لیے دعائیں اور قرآنی آیات کا ورد کیا گیا۔ کئی جگہوں پر چھوٹے کیمپس قائم کر دیے گئے جہاں شہریوں کو مارچ کی معلومات اور یکجہتی کے نوٹس تقسیم کیے گئے۔ جماعتِ اسلامی کے قائدین نے مشترکہ الفاظ میں کہا کہ صمود فلوٹیلا پر حملہ بین الاقوامی قانون اور انسانی قدروں کی کھلی توہین ہے۔ انہوں نے پاکستانی عوام سے اپیل کی کہ وہ مظلوم فلسطینی عوام کے ساتھ مسلسل یکجہتی کا اظہار کریں اور حکومتی سطح پر فلسطین کے حقِ خود ارادیت کے لیے موثر سفارتی کوششیں دہرائیں۔ جماعتِ اسلامی کے تحت منعقدہ یہ وسیع تحریک نہ صرف مقامی سطح پر فلسطینی عوام کے ساتھ اظہار یکجہتی تھی بلکہ ایک واضح سیاسی و اخلاقی پیغام بھی تھی جس میں اسلامی و بین الاقوامی برادری، خصوصاً مسلم حکمرانوں اور پاکستانی حکومت سے عملی اور فوری مداخلت کا مطالبہ کیا گیا۔ ہر ٹاؤن کی قیادت نے وعدہ کیا کہ یہ مظاہرے، یکجہتی اور عوامی شعور جاری رکھا جائے گا جب تک غزہ میں انسانی بحران کا مستقل حل نہ نکل آئے۔
ذریعہ: Jasarat News
کلیدی لفظ: ٹاو ن کے چیئرمین صمود فلوٹیلا پر ریلی نکالی گئی مظلوم فلسطینی وائس چیئرمین بین الاقوامی کی قیادت میں گلشن اقبال اسکولوں کے فلسطین کے نے کہا کہ میں ٹاو ن کے ساتھ ٹاو ن ا ہے اور کے لیے
پڑھیں:
سینیٹر مشتاق احمد کو اسرائیل نے رہا کردیا
تصویر:سوشل میڈیااسرائیلی فورسز نے صمود فلوٹیلا میں شامل جماعت اسلامی کے سابق سینیٹر مشتاق احمد کو رہا کردیا۔
نائب وزیراعظم و وزیر خارجہ اسحاق ڈار نے سماجی رابطے کی ویب سائٹ ’ایکس‘ پر اپنی پوسٹ میں سابق سینیٹر کی رہائی کی تصدیق کرتے ہوئے کہا کہ مجھے یہ بتاتے ہوئے خوشی ہو رہی ہے کہ سابق سینیٹر مشتاق احمد کو رہا کر دیا گیا ہے۔
انہوں نے کہا کہ سینیٹر مشتاق اب عمان میں پاکستانی سفارت خانے میں محفوظ ہیں، سفارتخانہ مشتاق احمد کی خواہش اور سہولت کے مطابق ان کی واپسی میں سہولت فراہم کرنے کے لیے تیار ہے۔
غزہ کی طرف امداد لے کر جانے والے گلوبل صمود فلوٹیلا پر اسرائیلی فوج نے حملہ کر دیا اور پاکستان کے سابق سینیٹر مشتاق احمد سمیت متعدد افراد کو حراست میں لے لیا ہے۔
انہوں نے مزید کہا کہ تمام دوست ممالک کا شکریہ جنہوں نے پاکستان کی وزارت خارجہ کا ساتھ دیا اور مدد کی۔
واضح رہے کہ سابق سینیٹر مشتاق احمد صمود فلوٹیلا کے اس قافلے میں شامل تھے جو غزہ کے محصور عوام تک انسانی امداد پہنچانے کی کوشش کر رہا تھا۔
اردن کی سرکاری خبر ایجنسی کے مطابق اسرائیل سے رہائی کے بعد صمود فلوٹیلا کے 131 کارکن اردن پہنچ گئے ہیں۔
ایس آئی ایف سی کے تعاون سے ترکیہ کے ساتھ پانچ ارب ڈالر کا تجارتی ہدف مقرر