معذور کوٹے میں میرٹ کی خلاف ورزی، امیدوارعدالت پہنچ گئے
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
251008-2-12
حیدرآباد(اسٹاف رپورٹر)جامشورو ضلع میں معذور کوٹے پر بھرتیوں میں میرٹ کی خلاف ورزی اور پسندیدہ امیدواروں کو بھرتی کرنے کے خلاف کوٹری کے رہائشی عبد اللطیف سندھ ہائی کورٹ سرکٹ بینچ حیدرآباد پہنچ گئے عدالت میں دائر درخواست پر عدالت نے چیف سیکریٹری سندھ، سیکریٹری ایمپاورمنٹ آف پرسنز وِد ڈس ایبیلٹیز، کمشنر حیدرآباد اور ڈپٹی کمشنر جامشورو کو نوٹس جاری کرتے ہوئے جواب طلب کر لیا ۔ اس سلسلے میں سندھ ہائی کورٹ سرکٹ بینچ حیدرآباد کے جسٹس عبدالمبین لاکو اور جسٹس ارباب علی ایکڑو پر مشتمل ڈویژنل بینچ میں عبد اللطیف کی جانب سے وکیل ایڈووکیٹ واجد علی خاصخیلی کے توسط سے دائر درخواست میں موقف اختیار کیا گیا کہ سندھ ہائی کورٹ سکھر بینچ نے معذور کوٹے پر ملازمتوں کی فراہمی سے متعلق ایک اہم فیصلہ جاری کیا تھا مگر جامشورو ضلع کے ڈپٹی کمشنر نے عدالتی احکامات کو نظرانداز کرتے ہوئے اپنے پسندیدہ امیدواروں سے انٹرویو لے کر انہیں ملازمتوں کے احکامات جاری کر دیئے جبکہ اصل اہل امیدوار عبد اللطیف کو نظرانداز کیا گیا درخواست گزار نے کہا کہ وہ معذور کوٹے پر بھرتی کے لیے اہل امیدوار ہے۔
ذریعہ
ذریعہ: Jasarat News
کلیدی لفظ: معذور کوٹے
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار