ملکی دفاع کیلئے فوج ہروقت تیار ہے:مدثر ناہرا
اشاعت کی تاریخ: 8th, October 2025 GMT
قلعہ دیدار سنگھ (نمائندہ خصوصی) مرکزی رہنما مسلم لیگ (ن)سابق ایم این اے حاجی مدثر قیوم ناہرا نے کہا کہ فوج کسی بھی ملک کا سب سے اہم ادارہ ہوتا ہے جو اندرونی اور بیرونی خطرات سے نمٹنے کیلئے ہمہ وقت تیار رہتاہے۔ پاکستان جیسے ترقی پذیر ملک میں تو فوج بہت زیادہ اہمیت کی حامل ہے۔ تخلیق پاکستان سے لے کر آج تک پاکستان کو بیرونی سازشوں کا سامنا رہا۔ جن میں بعض اوقات اندرونی خلفشار پیدا کرنے کی کوشش کی گء مگر ان تمام سازشوں کا مقابلہ ہمیشہ پاکستانی فوج نے ہمت اور جذبہ سے کیا۔ پاکستانی افواج نے نہایت کم وقت میں اپنی صلاحیتوں کا لوہا منوایا۔ الحمدللہ آج ہمارے دشمن پر ہماری فوج کا رعب و دبدبہ اس قدر غالب ہے کہ وہ پاکستان سے کسی فوجی مہم جوئی کا سوچ بھی نہی سکتے۔ حاجی مدثر قیوم ناہرا نے نمائندہ"حسیب پندھیر"سے گفتگو کرتے ہوئے مزید کہ وزیر اعظم میاں محمد شہباز شریف کا ملائیشیا کا دورہ کامیاب ترین ہیخواہش ہے کہ پاکستان اور ملائیشیا کے درمیان علمی تعاون مزید مضبوط ہو۔ دونوں برادر ممالک نوجوان آبادی سے مالامال ہیں۔ ہماری ذمہ داری ہے کہ ہم اپنے نوجوانوں کو انسانیت کی خدمت کے لیے زیادہ سے زیادہ مواقع فراہم کریں۔حاجی مدثر قیوم ناہرا نے مزید کہا ملائیشیا کی انٹرنیشنل اسلامک یونیورسٹی کی جانب سے وزیراعظم محمد شہباز شریف کو"بین الاقوامی اسلامی یونیورسٹی ملائیشیا کی جانب سے ڈاکٹریٹ کی اعزازی ڈگری ملک پاکستان کے لیے باعثِ اعزاز ہے۔ امید ہے کہ وزیر اعظم کی وہاں موجودگی، اسلامی یونیورسٹی اور پاکستان کی معروف اعلیٰ تعلیمی درسگاہوں کے مابین تعلیمی شراکت اور تعاون کو مزید مضبوط کرے گی۔حاجی مدثر قیوم ناہرا نے مزید کہا آج مسلم امہ کو تنازعات ،غربت اور باہمی انتشار جیسے بے پناہ چیلنجز کا سامنا ہے۔ امت مسلمہ اپنی اقدار اور اسلامی اصولوں پر عمل پیرا ہو کر اقوام عالم میں اپنا کھویا ہوا مقام دوبارہ حاصل کر سکتی ہے۔
.ذریعہ: Nawaiwaqt
کلیدی لفظ: حاجی مدثر قیوم ناہرا نے
پڑھیں:
معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں: وزیراعظم
اویس کیانی :وزیراعظم محمد شہباز شریف نے کہا ہے کہ ملکی معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں، کاروبار میں آسانی اور سرمایہ کاری میں اضافے کیلئے اقدامات حکومت کی اولین ترجیح ہیں۔
وزیراعظم محمد شہباز شریف کی زیر صدارت ملکی صنعتی ترقی پر قائم نجی شعبے کی کمیٹی کا پہلا جائزہ اجلاس ہوا، اجلاس کو صنعتی ترقی کے حوالے سے سفارشات پیش کی گئیں، وزیرِ اعظم نے خیرمقدم کیا۔
وزیر اعظم شہباز شریف سے گورنر خیبرپختونخواہ کی ملاقات
وزیراعظم نے کہا کہ ملکی صنعتی ترقی کیلئے نجی شعبے کی تجاویز کلیدی اہمیت رکھتی ہیں، کاروباری حضرات کی جانب سے صنعتی ترقی کیلئے عرق ریزی سے تجاویز تیار کی گئیں جو لائق تحسین ہیں۔
انہوں نے کہا کہ ان تجاویز کا بغور مشاہدہ کرکے عملدرآمد کا لائحہ عمل تیار کیا جائے گا، پاکستانی کاروباری برادری نے مشکل وقت میں حکومتی پالیسیوں کا ساتھ دیا اور ملک کو معاشی بحرانوں سے نکالنے میں معاونت کی۔
لاہور میں 256ٹریفک حادثات؛ ایک شخص جاں بحق 285 زخمی
وزیراعظم شہباز شریف نے کہا کہ اللہ کے فضل و کرم سے ملک کی معاشی سمت بہتر اور ملک ترقی کی جانب گامزن ہے، مگر ملکی ترقی کیلئے ہمیں مزید محنت کرنا ہے۔
اجلاس میں وفاقی وزراء احسن اقبال، جام کمال خان، احد خان چیمہ، علی پرویز ملک، وزیرِ اعظم کے مشیر محمد علی، وزیرِ مملکت بلال اظہر کیانی، معاون خصوصی ہارون اختر اور ثاقب شیرازی کی قیادت میں صنعتی ورکنگ گروپ میں شامل صنعتکاروں نے شرکت کی۔
بادامی باغ ؛ پلاٹ کے تنازع پر 2 افراد قتل
اجلاس کو پاکستان کی صنعتی ترقی اور ملک میں سرمایہ کاری میں اضافے کیلئے پالیسی تجاویز پیش کی گئیں، اجلاس کو ملکی صنعت کی مسابقت میں اضافے کیلئے خطے کے ممالک سے موازنہ بھی پیش کیا گیا۔
وزیرِاعظم کی ان تجاویز کی تعریف اور معیشت کے دیگر شعبوں کے حوالے سے سفارشات کے ساتھ ان تجاویز کو ملا کر قومی پالیسی فریم ورک میں شامل کرنے کی ہدایت کی۔
وزیراعظم اور شاہ اردن کے درمیان ملاقات، دوطرفہ تعلقات، دفاعی تعاون سمیت دیگر امور پر تبادلہ خیال