معاشی اصلاحات کے مثبت نتائج سامنے آ رہے ہیں، شہباز شریف
اشاعت کی تاریخ: 15th, November 2025 GMT
وزیراعظم شہباز شریف نے کہا ہے کہ تازہ معاشی اعداد و شمار واضح کر رہے ہیں کہ حکومت کی اصلاحات درست سمت میں جا رہی ہیں، اور معاشی ترقی کی رفتار ہر گزرتے دن کے ساتھ بہتر ہو رہی ہے۔ ان کا کہنا تھا کہ اس بہتری کے اثرات کاروباری برادری اور عوام دونوں محسوس کر رہے ہیں۔
وزیراعظم نے ایف بی آر اصلاحات سے متعلق ہفتہ وار اجلاس کی صدارت کی، جس میں وزیر خزانہ، وزیر موسمیاتی تبدیلی، وزیر پٹرولیم، صوبائی چیف سیکریٹریز اور چیئرمین ایف بی آر نے شرکت کی۔
اجلاس میں بریفنگ دی گئی کہ حالیہ ٹیرف اصلاحات کے باوجود ریونیو پر کوئی منفی اثر نہیں پڑا بلکہ درآمدی ٹیکس اور ڈیوٹی وصولی میں 25 فیصد اضافہ ہوا ہے۔ حیران کن طور پر یہ اضافہ اس وقت دیکھا گیا جب قابل ڈیوٹی مصنوعات کی مقدار میں صرف 3.
مزید بتایا گیا کہ ڈیوٹی فری امپورٹس میں 41.5 فیصد اضافہ ہوا، جو ظاہر کرتا ہے کہ خام مال اور انٹرمیڈیٹ اشیا کی درآمد بڑھی ہے—جس سے ملک میں پیداواری سرگرمیوں میں بہتری کی نشاندہی ہوتی ہے۔
حکام کے مطابق ٹیرف میں کمی اور ٹیکس نظام کی بہتری کا بنیادی مقصد صنعتوں کی لاگت کم کرنا، مقامی مینوفیکچرنگ کو فروغ دینا اور برآمدات میں اضافہ ہے، تاکہ سرمایہ کاری کا ماحول مزید بہتر بنایا جا سکے۔
وزیراعظم نے ٹیکس چوری روکنے اور تمباکو، ٹائلز سمیت دیگر شعبوں میں موجود خامیوں کو ختم کرنے کے لیے مرحلہ وار مؤثر اقدامات کی ہدایت کی۔ انہوں نے ایف بی آر اور فنانس ٹیم کو سراہتے ہوئے کہا کہ اصلاحات پر عمل درآمد کی رفتار مزید تیز کی جائے تاکہ ملک معاشی مشکلات سے نکل کر پائیدار ترقی کی راہ پر گامزن ہو سکے۔
ذریعہ
ذریعہ: Daily Mumtaz
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم