بھارت کی کسی بھی جارحیت کا فوری اور فیصلہ کن جواب دیا جائے گا، کور کمانڈرز کانفرنس میں دوٹوک پیغام
اشاعت کی تاریخ: 8th, October 2025 GMT
چیف آف آرمی اسٹاف فیلڈ مارشل سید عاصم منیر کی زیرصدارت کور کمانڈرز کانفرنس میں اس عزم کا اعادہ کیا گیا ہے کہ بھارت کی کسی بھی جارحیت کا فوری اور فیصلہ کن جواب دیا جائے گا۔ اب کی بار دشمن کی جغرافیائی برتری کے کسی بھی تصور کو نیست و نابود کردیں گے۔
آرمی چیف کی زیر صدارت 272ویں کور کمانڈرز کانفرنس میں دہشتگردی اور بھارتی اشتعال انگیزیوں پر گہری تشویش کا اظہار کیا گیا۔
اجلاس کا آغاز حالیہ دہشتگرد حملوں میں شہید ہونے والے جوانوں کے لیے فاتحہ خوانی سے ہوا، جن حملوں میں بھارتی سرپرستی میں کام کرنے والے دہشت گرد گروہوں کا ہاتھ تھا۔
آرمی چیف نے غیر ملکی پشت پناہی سے سرگرم دہشتگردوں کے خلاف جنگ اور حالیہ سیلاب کے بعد سول انتظامیہ و دیگر قانون نافذ کرنے والے اداروں کے ساتھ مل کر کیے گئے ریسکیو و ریلیف آپریشنز میں پاک فوج کے جذبے، عزم اور حوصلے کو سراہا۔
فورم میں انسداد دہشتگردی آپریشنز، ابھرتے ہوئے خطرات اور آپریشنل تیاریوں کا جامع جائزہ لیا گیا۔
شرکا نے اس عزم کا اعادہ کیا کہ مسلح افواج پاکستان کے دشمنوں کے تمام تر عزائم کو ہر سطح پر ناکام بنانے کے لیے ہمہ وقت تیار ہیں۔ دہشتگردی اور جرائم کا وہ گٹھ جوڑ جسے مخصوص سیاسی سرپرستی حاصل ہے اور جو ریاستی مفادات و عوامی سلامتی کے لیے شدید خطرہ بن چکا ہے، اب کسی صورت برداشت نہیں کیا جائے گا۔
فورم نے بھارتی سیاسی و عسکری قیادت کی جانب سے حالیہ غیر ذمہ دارانہ، بلاجواز اور اشتعال انگیز بیانات پر شدید تشویش کا اظہار کیا۔ شرکاء کا کہنا تھا کہ ایسی بیان بازی بھارت کی روایتی جنگی جنون کو سیاسی فائدے کے لیے استعمال کرنے کی روش کا تسلسل ہے۔ اس طرح کی غیر ضروری جنگی مہم جوئی سے خطے میں کشیدگی بڑھے گی اور امن و سلامتی کو خطرہ لاحق ہو گا۔
فورم نے اس عزم کا اظہار کیا کہ بھارت کی کسی بھی جارحیت کا فوری اور فیصلہ کن جواب دیا جائے گا، تاکہ جغرافیے سے جڑی اُس کی خود ساختہ سلامتی کی خوش فہمی کو توڑا جا سکے۔ کسی بھی خیالی ’نیو نارمل‘ کو فوری اور مؤثر جواب کے نئے معمول سے جواب دیا جائے گا۔
شرکا نے اس عزم کا اظہار کیا کہ بھارتی پشت پناہی میں کام کرنے والے دہشت گرد نیٹ ورکس، جیسے فتنہ الخوارج اور فتنہ الہندوستان کے خلاف تمام شعبوں میں جامع انسداد دہشتگردی آپریشنز جاری رکھے جائیں گے۔
فورم نے پاکستان کی حالیہ اعلیٰ سطحی سفارتی سرگرمیوں کی اہمیت کو تسلیم کیا اور علاقائی و عالمی امن کے لیے اپنی وابستگی کو دہرایا۔
اجلاس میں پاکستان اور سعودی عرب کے درمیان ہونے والے تاریخی اسٹریٹجک مشترکہ دفاعی معاہدے کا خیر مقدم کیا گیا، جو اسٹریٹجک تعلقات کو مضبوط بنانے اور مختلف شعبوں میں تعاون کو فروغ دینے کے ساتھ ساتھ بیرونی جارحیت کے خلاف مشترکہ ردعمل کے لیے ہے۔
یہ معاہدہ مشترکہ اقدار، باہمی احترام اور مشرق وسطیٰ اور جنوبی ایشیا میں امن و سلامتی کے لیے مشترکہ ویژن کی عکاسی کرتا ہے۔
فورم نے کشمیری عوام کے حق خود ارادیت کے لیے پاکستان کی غیر متزلزل حمایت کو دہراتے ہوئے کہاکہ یہ اقوام متحدہ کی سلامتی کونسل کی قراردادوں کے مطابق ہے۔
اسی طرح فلسطینی کاز کے لیے پاکستان کی غیر مشروط حمایت کا اعادہ بھی کیا گیا اور امید ظاہر کی گئی کہ غزہ میں جلد از جلد جنگ بندی ہو اور انسانی امداد کی فراہمی ممکن ہو۔
فورم نے مسئلہ فلسطین پر پاکستان کے اصولی مؤقف کی توثیق کرتے ہوئے دو ریاستی حل کی حمایت کا اعادہ کیا، جس میں 1967 سے پہلے کی سرحدوں پر مشتمل ایک خودمختار فلسطینی ریاست قائم کی جائے، جس کا دارالحکومت القدس الشریف ہو۔
اجلاس کے اختتامی کلمات میں آرمی چیف نے تمام کمانڈرز کو آپریشنل تیاری، نظم و ضبط، جسمانی فٹنس، جدت اور مؤثر ردعمل میں اعلیٰ ترین معیار برقرار رکھنے کی ہدایت کی۔
فیلڈ مارشل عاصم منیر نے اس امر پر مکمل اعتماد ظاہر کیا کہ پاک فوج مکمل طور پر تیار ہے اور روایتی، غیر روایتی، ہائبرڈ اور غیر متوازن خطرات سمیت ہر قسم کے خطرے سے نمٹنے کی بھرپور صلاحیت رکھتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارت جارحیت فیلڈ مارشل عاصم منیر کور کمانڈرز کانفرنس وی نیوز.
ذریعہ
ذریعہ: WE News
کلیدی لفظ: بھارت جارحیت فیلڈ مارشل عاصم منیر کور کمانڈرز کانفرنس وی نیوز کور کمانڈرز کانفرنس جواب دیا جائے گا کا اظہار کیا اس عزم کا فوری اور بھارت کی کا اعادہ فورم نے کیا گیا کسی بھی کے لیے کیا کہ
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ