ریاض میں فائر اینڈ ریسکیو ورلڈ چیمپیئن شپ، 21 ممالک کی شرکت متوقع
اشاعت کی تاریخ: 15th, October 2025 GMT
دنیا بھر کے فائر فائٹرز اور ریسکیو اہلکاروں کی مہارت دکھانے والا منفرد عالمی مقابلہ ’فائر اینڈ ریسکیو ورلڈ چیمپیئن شپ‘ اس سال پہلی بار سعودی عرب کے دارالحکومت ریاض میں منعقد ہوگا۔
یہ بھی پڑھیں:سعودی عرب: آرامکو کا توانائی شعبے میں مصنوعی ذہانت کے استعمال میں توسیع کا اعلان
یہ چیمپیئن شپ 26 اکتوبر سے یکم نومبر تک جاری رہے گی، جس میں 21 ممالک کے کھلاڑی حصہ لیں گے۔ مقابلوں میں انفرادی اور ٹیم کی بنیاد پر مختلف ایونٹس ہوں گے۔
یہ ایونٹ سعودی عرب کی جنرل ڈائریکٹوریٹ آف سول ڈیفنس اور انٹرنیشنل اسپورٹ فیڈریشن آف فائر فائٹرز اینڈ ریسکیورز (ISFFR) کے تعاون سے منعقد کیا جا رہا ہے۔ یہ پہلا موقع ہے کہ عرب دنیا میں اس عالمی سطح کے مقابلے کی میزبانی کی جا رہی ہے۔
فائر اینڈ ریسکیو ورلڈ چیمپیئن شپ کا آغاز 2002 میں روس کے شہر ماسکو سے ہوا تھا۔ ابتدائی طور پر اس میں چند ممالک نے حصہ لیا، لیکن وقت کے ساتھ ساتھ یہ مقابلہ پھیلتا گیا اور اب 25 سے زائد ممالک کے کھلاڑی اس میں حصہ لیتے ہیں۔
یہ بھی پڑھیں:سعودی عرب: سیاحت و مہمان نوازی کے شعبے میں اساتذہ کی تربیت کے لیے خصوصی پروگرام کا آغاز
ریاض میں ہونے والے ایونٹ میں فائر فائٹرز اپنی جسمانی طاقت، رفتار اور مہارت کا مظاہرہ کریں گے۔ اہم مقابلوں میں ہک لیڈر چڑھائی، 100 میٹر رکاوٹ دوڑ، 4×100 میٹر ریلے اور عملی فائر فائٹنگ مظاہرے شامل ہوں گے۔ تمام مقابلے عالمی اینٹی ڈوپنگ اصولوں کے مطابق ہوں گے۔
یہ مقابلہ نہ صرف کھیل بلکہ ایک ان فائر فائٹرز کو خراجِ تحسین پیش کرنے کا ذریعہ بھی ہے جو اپنی جان خطرے میں ڈال کر دوسروں کی زندگیاں بچاتے ہیں۔
سعودی عرب کی میزبانی اس بات کی علامت ہے کہ مملکت عالمی سطح پر خصوصی نوعیت کے ایونٹس منظم کرنے کی بھرپور صلاحیت رکھتی ہے، جو وژن 2030 کے اہداف کے مطابق ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب فائر اینڈ ریسکیو ورلڈ چیمپیئن شپ فائر فائٹر.
ذریعہ
ذریعہ: WE News
کلیدی لفظ: فائر اینڈ ریسکیو ورلڈ چیمپیئن شپ فائر فائٹر فائر فائٹرز
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ