لاہور ٹیسٹ: نعمان علی اور شاہین آفریدی کی تباہ کن بولنگ، پاکستان نے جنوبی افریقا کو ہرادیا
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور: قذافی اسٹیڈیم میں کھیلے گئے سنسنی خیز ٹیسٹ میچ میں پاکستان نے جنوبی افریقا کو 93 رنز سے شکست دے کر سیریز کا شاندار آغاز کر دیا۔
پاکستانی اسپنر نعمان علی نے میچ میں 10 شکار کرتے ہوئے فتح میں مرکزی کردار ادا کیا، جب کہ شاہین آفریدی نے اپنی شاندار سوئنگ سے مخالف ٹیم کی بیٹنگ لائن درہم برہم کر دی۔
جنوبی افریقی ٹیم 277 رنز کے ہدف کے تعاقب میں صرف 183 رنز پر آل آؤٹ ہوگئی۔ چوتھے روز کھیل کے آغاز پر ہی ٹونی ڈی زورزی محض 16 رنز پر شاہین آفریدی کا شکار بنے جب کہ 55 کے مجموعے پر ٹرسٹان اسٹبس نعمان علی کے ہاتھوں پویلین لوٹے۔
اس موقع پر رائن ریکلٹن اور ڈیوالڈ بریوس نے 73 رنز کی شراکت قائم کی اور میچ کو ایک موقع پر دلچسپ بنا دیا۔
نعمان علی نے ڈیوالڈ بریوس کو 54 رنز پر بولڈ کرکے جنوبی افریقی امیدوں کا چراغ بجھا دیا، جس کے فوراً بعد ریکلٹن بھی 45 رنز پر آؤٹ ہوگئے۔ کھانے کے وقفے کے بعد پاکستانی بولرز نے نپی تلی بولنگ سے باقی بلے بازوں کو بھی زیادہ دیر کریز پر ٹکنے نہ دیا، اور پوری ٹیم 183 رنز پر ڈھیر ہوگئی۔
پاکستان کی جانب سے نعمان علی اور شاہین آفریدی نے 4، 4 وکٹیں حاصل کیں، جب کہ ساجد خان نے 2 کھلاڑیوں کو پویلین کی راہ دکھائی۔ نعمان علی کو ان کی بہترین کارکردگی پر مین آف دی میچ قرار دیا گیا۔
.
ذریعہ
ذریعہ: Jasarat News
کلیدی لفظ: شاہین آفریدی نعمان علی
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی