سہیل آفریدی کےعشق کا بھوت خود عمران خان اتاریں گے، سعدرفیق
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور:پاکستان مسلم لیگ ن کے سینئر رہنما اور سابق وفاقی وزیر خواجہ سعد رفیق کا کہنا ہے کہ وقت آنے پر نو منتخب وزیراعلیٰ خیبرپختونخوا سہیل آفریدی کے عشق کا بھوت خود عمران خان ہی اتاریں گے۔
اس حوالے سے اپنے بیان میں انہوں نے بتایا کہ شیر افضل مروت سے پہلی اتفاقیہ ملاقات چند ماہ پیشتر اسپیکر چیمبر میں ہوئی، وہاں دیگر اراکین اسمبلی بھی موجود تھے۔
شیر افضل مروت جا رہے تھے اور میں آ رہا تھا، مصافحہ کے بعد میں نے ان سے کہا کہ اگر آپ ب ±را نہ مانیں تو ایک بات کہ دوں، جس پر وہ بولے ضرور تو عرض کیا جب عمران خان جیل سے واپس آئیں گے تو جس شخص کو سب سے پہلے پی ٹی آئی سے نکالیں گے وہ شخصیت آپ ہوں گے۔
سابق وفاقی وزیر کا کہنا ہے کہ دو ماہ نہیں گزرے تھے کہ پارلیمنٹ لاجز میں گزرتے ہوئے پھر آمنا سامنا ہوگیا، تب تک عمران خان شیر افضل مروت کو پارٹی سے نکال چ ±کے تھے، ہم نے ایک دوسرے کو دیکھتے ہی ہنسنا شروع کردیا۔
شیر افضل بولے آپ کی پیشگوئی وقت سے پہلے ہی پوری ہو گئی، میں نے پوچھا اتنا جلدی کیسے ہوا؟ تو انہوں نے بتایا میرا اخراج عمران خان کی ہمشیرہ اور اہلیہ کی باہمی گروپنگ نہ جوائن کرنے کا شاخسانہ ہے۔
خواجہ سعد رفیق کہتے ہیں کہ ’مڈل کلاس سے تعلق رکھنے والے خیبر پختونخوا کے نئے وزیراعلیٰ بھولے بادشاہ لگتے ہیں، وہ بھی عشقِ عمران میں مبتلا ہیں۔
یہ کم بخت مڈل کلاسیے سیاسی کارکن اسٹریٹ فائٹر ہوتے ہیں، لیڈر اور جماعت کے عشق میں لڑتے لڑتے تنِ تنہا تلوار سونت کر مخالف کی صفوں میں گھ ±س جاتے ہیں اور سب سے پہلے مارے جاتے ہیں لیکن اگر خوش قسمتی سے بچ کر واپس آ جائیں تو اپنے مار دیتے ہیں۔
ان غیر منظم اور نیم جمہوری جماعتوں میں سازشی جیتتے ہیں تلخ سچ بولنے والے نہیں، مڈل کلاسیوں کو تھپکی لڑنے کےلیے دی جاتی ہے حکمرانی کےلیے نہیں، وقت آنے پر سہیل آفریدی کے عشق کا بھوت خود عمران خان ہی اتاریں گے۔
ذریعہ: Jasarat News
کلیدی لفظ: شیر افضل
پڑھیں:
قانونی راستے اپنا لئے ملاقات نہ ہوئی، احتجاج کے سوا کیا آپشن : سہیل آفریدی
اسلام آباد (نوائے وقت رپورٹ) اپوزیشن نے بانی پی ٹی آئی سے جیل میں ملاقات نہ کرانے پر سخت تنقید کی ہے اور ہری پور کے ضمنی الیکشن کے نتائج پر بھی اعتراضات اٹھا دیئے۔ پی ٹی آئی رہنما تیمور جھگڑا نے کہا ہے کہ وزیراعلیٰ دوسرا بڑا عہدہ ہے وزیراعلیٰ خیبر پی کے سہیل آفریدی کو بانی پی ٹی آئی سے ملنے نہیں دیا جا رہا۔ ہری پور میں 25 ہزار کی لیڈ لی تھی۔ مصطفیٰ نواز کھوکھر نے کہا عوام سے ووٹ کا حق چھین لیا گیا ہے۔ وزیراعلیٰ خیبر پی کے سہیل آفریدی نے کہا ہے کہ تمام آئینی اور قانونی راستے اپنا چکے مگر بانی پی ٹی آئی سے ملاقات نہیں ہوئی۔ اب ہمارے پاس احتجاج کے سوا کونسا راستہ رہ جاتا ہے۔ وفاق سے 5300 ارب روپے کی کرپشن کا حساب لیں گے۔ آئی ایم ایف چارج شیٹ لگاتا ہے کہ 5300 ارب کی کرپشن ہوئی۔ قبائلی اضلاع کے انضمام کے بعد صوبے کو این ایف سی میں اپنا حصہ نہیں دیا جا رہا۔ نیٹ ہائیڈل پرافٹ کی مد میں 2200 ارب روپے کے بقایا جات وفاق کے ذمہ ہیں۔ وفاق ہمارا حق نہیں دے رہا کہ پیسے نہیں۔ 9 مئی کے بعد جن لوگوں نے پریس کانفرنس کی وہ بری ہو گئے جو بانی کے ساتھ کھڑے تھے۔ انہیں سزا دی گئی یہ نظام پوری طرح بے نقاب ہو چکا ہے۔ پی ٹی آئی رہنما اسد قیصر نے کارکنوں سے خطاب میں کہا کہ ہمیں جیتنے نہیں دیں گے تو آپ کو بھی جیتنے نہیں دیں گے۔ بانی پی ٹی آئی سے ملاقات نہیں کرائی جو ہمارا آئینی و قانونی حق ہے۔ ہمیں دیوار سے نہ لگایا جائے ہم قانون اور آئین پر یقین رکھتے ہیں۔ ابھی تک ہم افغان جنگ کا خمیازہ بھگت رہے ہیں۔ ہمارے صوبے کے ساتھ سوتیلی ماں جیسا سلوک کیا گیا۔ قطر، ترکیہ اور دیگر ممالک امن کیلئے اپنی کوششیں جاری رکھیں۔ تحریک تحفظ آئین پاکستان کے سربراہ محمود اچکزئی نے کہا کہ آئین بالادست ہو گا تو نظام درست طریقے سے چلے گا، جس معاشرے میں انصاف ہو گا وہاں امن ہو گا۔ علامہ راجہ ناصر عباس نے کہا کہ ملک میں بیروزگاری‘ کرپشن اور بدامنی بڑھ گئی ہے۔ پاکستان میں جس کے پاس طاقت ہے وہ خود کو کسی کا جوابدہ نہیں سمجھتا۔ شاہد خٹک نے کہا کہ سپیکر سردار ایاز صادق نے ہمیں مذاکرات کی دعوت دی ہے جو حکومت ہماری اپنے قائد سے ملاقات نہیں کرا سکتی اس سے بات چیت کا کیا فائدہ ہے۔
موٹرسائیکل سواردونوں افراد کیلئے ہیلمٹ لازمی قرار، ورنہ ای چلان ہوگا