تھریڈز میں گروپ چیٹ کا نیا فیچرمتعارف، 50 افراد کی سہولت
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
انسٹاگرام کے ذیلی پلیٹ فارم تھریڈز نے بالآخر اپنے صارفین کے لیے ایک نیا اور دلچسپ فیچر متعارف کرا دیا ہے جس کا انتظار طویل عرصے سے کیا جا رہا تھا۔
کمپنی نے اعلان کیا ہے کہ اب صارفین پلیٹ فارم پر گروپ چیٹس بنا سکیں گے، جن میں زیادہ سے زیادہ 50 افراد شامل کیے جا سکتے ہیں۔ اس نئے فیچر کا مقصد صارفین کے درمیان بہتر رابطہ، باہمی گفتگو اور کمیونٹی انگیجمنٹ کو فروغ دینا ہے۔
میٹا کی جانب سے جاری بیان کے مطابق یہ فیچر بدھ کے روز عالمی سطح پر فعال کر دیا گیا ہے اور اب دنیا بھر کے تھریڈز صارفین اسے استعمال کر سکتے ہیں۔
نئے گروپ چیٹنگ فیچر میں صارفین ٹیکسٹ پوسٹس، ویڈیوز، جفس اور ایموجیز کے ذریعے گفتگو کر سکیں گے، تاہم کمپنی نے واضح کیا ہے کہ یہ چیٹس انکرپٹڈ نہیں ہوں گی، یعنی پیغامات مکمل طور پر خفیہ نہیں ہوں گے۔
تھریڈز کی پروڈکٹ منیجمنٹ کی نائب صدر ایمیلی ڈالٹن اسمتھ نے اس موقع پر بتایا کہ کمپنی مستقبل میں صارفین کے تحفظ اور پرائیویسی کو مزید مضبوط بنانے پر بھی کام کر رہی ہے، مگر فی الحال گروپ چیٹس صرف 18 برس یا اس سے زیادہ عمر کے صارفین کے لیے دستیاب ہیں۔
یہ فیچر تھریڈز کے لیے ایک اہم اضافہ سمجھا جا رہا ہے، کیونکہ اس کے ذریعے پلیٹ فارم اب دیگر میسجنگ ایپس جیسے واٹس ایپ، ٹیلیگرام اور ڈسکارڈ سے زیادہ مقابلے کی پوزیشن میں آ گیا ہے۔ ٹیک ماہرین کے مطابق گروپ چیٹ کا فیچر تھریڈز کے یوزر انگیجمنٹ میں نمایاں اضافہ کر سکتا ہے اور اسے مزید مقبول بنا سکتا ہے۔
.ذریعہ: Jasarat News
کلیدی لفظ: صارفین کے
پڑھیں:
بلدیہ عظمیٰ میں سابق اخوت گروپ کے رہنما و کونسلر مظفر قریشی انتقال کرگئے
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سابق میئر کراچی عبدالستار افغانی کے دست راست بلدیہ عظمیٰ میں اخوت گروپ کے رہنما جماعت اسلامی کے دیرینہ رکن کارساز ٹرسٹ کے بانی ٹرسٹی فیڈرل بی ایریا بلاک 15 کے سابق کونسلر مظفر قریشی کا آج صبح انتقال ہو گیا ہے۔ وہ طویل عرصے سے بستر علالت پر تھے۔ ان کی نماز جنازہ بعد نماز جمعہ مسجد الاخوان بلاک نمبر 15 فیڈرل بی ایریا میں ادا کی گئی اور تدفین محمد شاہ قبرستان میں کی گئی۔ نماز جنازہ میں جماعت اسلامی کے رہنماؤں اور عزیز و اقارب کی بڑی تعداد نے شرکت کی۔ مرحوم مظفر حسین قریشی بلدیہ عظمیٰ کراچی میں اخوت گروپ کے فعال راہنما تھے۔ انہوں نے بحیثیت کونسلر اپنے علاقے کی تعمیر و ترقی میں اہم کردار ادا کیا۔ وہ اپنی کارکردگی کی وجہ سے علاقے کے مقبول کونسلر تھے۔ جماعت اسلامی سندھ کے جنرل سیکرٹری اور سابق ممبر صوبائی اسمبلی اخلاق احمد نے جب شمالی علاقہ جات اور سندھ کے پسماندہ علاقوں میں امدادی سرگرمیوں کے لیے کارساز ٹرسٹ کے نام سے این جی او کی بنیاد رکھی تو آپ اس جدوجہد میں ان کے ساتھ شامل ہو گئے۔ مظفر قریشی نے شمالی علاقہ جات اندرون سندھ اور پسماندہ علاقوں میں غربت کے خاتمے‘ تعلیم کے فروغ اور میڈیکل سہولتوں کی فراہمی کے لیے اخلاق احمد کے ساتھ شانہ بشانہ بھرپور جدوجہد کی۔
موٹرسائیکل سواردونوں افراد کیلئے ہیلمٹ لازمی قرار، ورنہ ای چلان ہوگا