وفاقی وزیر داخلہ محسن نقوی کا ''فتنہ الخوارج''کے خلاف کامیاب آپریشن پر پاک فوج کو خراج تحسین
اشاعت کی تاریخ: 16th, October 2025 GMT
ویب ڈیسک:وفاقی وزیر داخلہ محسن نقوی نے مہمند میں ‘فتنہ الخوارج’ کے خلاف کامیاب فوجی آپریشن کی تعریف کرتے ہوئے پاک فوج کی پیشہ ورانہ صلاحیتوں کو سراہا جس میں مختلف ذرائع کے مطابق تقریباً 30 خوارجی ہلاک ہوئے۔
محسن نقوی نے کہا "30 خوارجیوں کو جہنم واصل کرنے پر پاک فوج کو سلام، ہمارے افسروں اور جوانوں کی بہادری اور پروفیشنل ازم پر ہمیں فخر ہے۔''
انہوں نے مزید کہا کہ دہشت گردی کے خلاف جنگ میں پاک فوج نے نمایاں کامیابیاں سمیٹی ہیں اور فتنے پھیلانے والے عناصر کا ہر جگہ تعاقب کیا جائے گا تاکہ وہ کہیں بھی محفوظ پناہ نہ پا سکیں۔
قومی انسدادِ پولیو مہم تیسرے روز بھی کامیابی سے جاری
وزیرداخلہ نے عوام کو یقین دلایا کہ سکیورٹی ادارے قوم کے تحفظ کے لیے مربوط اور فیصلہ کن کارروائیاں جاری رکھیں گے اور دہشت گردی کے خاتمے تک آپریشنز عرصہ دراز تک جاری رہیں گے۔
انہوں نے شہداء کے دکھ کو قوم کا دکھ قرار دیا اور لواحقین کے ساتھ اظہار یکجہتی کیا۔
.ذریعہ: City 42
کلیدی لفظ: پاک فوج
پڑھیں:
ایف سی پیڈ کوارٹر کا دورہ ‘ شہدا کی قربانیاں رائیگاں نہیں جائیں گی : وزیرداخلہ
پشاور؍ اسلام آباد (بیورو رپورٹ+ اپنے سٹاف رپورٹر سے ) وفاقی وزیرداخلہ محسن نقوی نے پشاور میں فیڈرل کانسٹیبلری ہیڈ کواٹر پر خود کش دھماکہ کے بعد ایف سی ہیڈ کوارٹر کا دورہ کیا۔ وزیر داخلہ محسن نقوی نے یادگار شہداء پر حاضری دی، پھول رکھے اور فاتحہ خوانی کی۔ انہوں نے دھماکوں سے متاثرہ مقامات کا معائنہ کیا اور فیڈرل کانسٹیبلری کے افسروں اور جوانوں سے ملاقات کے بعد اہم اجلاس کی صدارت کی ۔ وزیر داخلہ محسن نقوی کو فتنہ الخوارج کا حملہ ناکام بنانے کے حوالے سے بریفنگ دی گئی۔ محسن نقوی نے فتنہ الخوارج کا حملہ ناکام بنانے پر فیڈرل کانسٹیبلری کے جوانوں کی شجاعت اور جذبے کو خراج تحسین پیش کیا اور کہا کہ جام شہادت نوش کرنے والے تینوں جوانوں کی قربانی کو سلام پیش کرتا ہوں۔شہداء نے اپنی جانیں قربان کر کے دہشت گردوں کے ناپاک عزائم کو ناکام بنایا۔ ایف سی کانسٹیبلز نے بہادری سے مقابلہ کیا اور 3 خودکش بمباروں کو 3 منٹ میں جہنم واصل کیا۔ جام شہادت نوش کرنے والے جوانوں کی قربانی رائیگاں نہیں جائے گی۔ محسن نقوی نے کہا کہ شہداء کے خاندانوں کا اپنے خاندان کی طرح خیال رکھا جائے گا۔ شہداء نے جوانمردی کی لازوال مثال قائم کی اور دشمن کے حملے کو پسپا کیا۔ جس دلیری سے آپ نے بھارتی سپانسرڈ دہشت گردوں کا مقابلہ کیا وہ قابل تحسین ہے۔ اس موقع پر آئی جی خیبر پی کے پولیس ذوالفقار حمید، کمانڈنٹ فیڈرل کانسٹیبلری نذیر گاڑا اور اعلی حکام بھی موجود تھے۔ قبل ازیں محسن نقوی اور آسٹریلیا کے وزیر داخلہ ٹونی برک کے درمیان ویڈیو لنک کے ذریعے اہم ملاقات ہوئی، جس میں باہمی دلچسپی کے امور اور سکیورٹی تعاون پر تفصیلی تبادلہ خیال کیا گیا۔ ویڈیو کانفرنس میں پاکستان اور آسٹریلیا کے درمیان غیر قانونی امیگریشن کی روک تھام کیلئے اشتراک کار بڑھانے پر اتفاق کیا گیا۔ دونوں ممالک نے انسانی سمگلنگ اور غیر قانونی نقل و حرکت کے خلاف مشترکہ حکمت عملی اپنانے پر زور دیا۔ ویڈیو کانفرنس کے دوران پولیس اور پیرا ملٹری فورسز کے افسران کی ادارہ جاتی استعداد کار میں مزید بہتری کیلئے تربیتی پروگرامز شروع کرنے پر بھی بات چیت کی گئی۔ اس کے علاوہ نیشنل سائبر کرائمز انوسٹی گیشن ایجنسی اور ایف آئی اے کے ساتھ آسٹریلوی اداروں کے درمیان تعاون بڑھانے کے امکانات پر بھی گفتگو ہوئی۔ دونوں وزرائے داخلہ نے دوطرفہ تعاون کو مزید مؤثر بنانے کیلئے مشترکہ ورکنگ گروپ قائم کرنے کا فیصلہ بھی کیا۔ ملاقات میں آسٹریلیا کی کرکٹ ٹیم کے آئندہ دورہ پاکستان کے حوالے سے بھی تبادلہ خیال کیا گیا جس پر وزیر داخلہ محسن نقوی نے آسٹریلوی ہم منصب کو ٹیم کیلئے کیے جانے والے سکیورٹی انتظامات سے آگاہ کیا۔ آخر میں وفاقی وزیر داخلہ محسن نقوی نے آسٹریلوی وزیر داخلہ کو پاکستان کا دورہ کرنے کی باضابطہ دعوت دی۔ جبکہ دونوں وزرائے داخلہ نے دوطرفہ تعلقات کو مزید مضبوط اور مستحکم بنانے کے عزم کا اعادہ کیا۔
وزیرِ اعظم شہباز شریف سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی الوداعی ملاقات