مودی کےریاستی جبر نے لداخ کے عوام کو بغاوت پرمجبور کر دیا
اشاعت کی تاریخ: 16th, October 2025 GMT
لداخ میں مودی حکومت کے آمرانہ ہتھکنڈوں کے خلاف عوام نے ایک بار پھر سڑکوں پر آنے کا اعلان کر دیا –بھارتی جریدے دی وائر کے مطابق، ایپکس باڈی لیہہ اور کارگل ڈیموکریٹک الائنس نے لداخ کو ریاست کا درجہ دینے اور آئینی چھٹے شیڈول میں شامل کرنے کا مطالبہ دہرایا ہے-مقامی رہنماؤں کا کہنا ہے کہ وزارت داخلہ کی یہ سوچ غلط ہے کہ لداخ میں حالات معمول پر ہیں۔ عوام جب تک اپنے آئینی حقوق حاصل نہیں کر لیتے، احتجاج جاری رہے گا-احتجاج میں شامل سونم وانگچک سمیت تمام گرفتار افراد کی رہائی بھی مطالبات کا حصہ ہے-
ذریعہ: Daily Mumtaz
پڑھیں:
دہلی کی آلودگی پر نریندر مودی کی خاموشی ناقابلِ قبول ہے، راہل گاندھی
کانگریس رکن پارلیمنٹ نے مطالبہ کیا کہ پارلیمنٹ میں اس صحت بحران پر فوری، جامع اور تفصیلی بحث کرائی جائے تاکہ عوام کو درپیش اس سنگین مسئلے کے حل کیلئے مؤثر حکمتِ عملی وضع کی جاسکے۔ اسلام ٹائمز۔ کانگریس کے رہنما اور پارلیمنٹ میں لیڈر آف اپوزیشن راہل گاندھی نے جمعہ کے روز وزیراعظم نریندر مودی پر دہلی میں بگڑتی ہوئی فضائی آلودگی کے مسئلے پر تشویشناک خاموشی اختیار کرنے کا الزام عائد کیا ہے۔ انہوں نے مطالبہ کیا کہ پارلیمنٹ میں اس صحت بحران پر فوری، جامع اور تفصیلی بحث کرائی جائے تاکہ عوام کو درپیش اس سنگین مسئلے کے حل کے لئے مؤثر حکمتِ عملی وضع کی جا سکے۔ راہل گاندھی نے اپنے بیان میں کہا کہ دہلی اور این سی آر میں مسلسل دو ہفتوں سے انتہائی خراب سے سنگین سطح تک پہنچنے والی فضائی آلودگی نہ صرف شہریوں کے لئے پریشانی کا باعث ہے بلکہ یہ ایک حقیقی صحت ہنگامی صورتحال کی شکل اختیار کر چکی ہے۔ انہوں نے سوشل میڈیا پلیٹ فارم ایکس پر ایک ویڈیو بھی جاری کی، جس میں وہ دہلی کی چند ماؤں سے ملاقات کرتے نظر آ رہے ہیں، جنہوں نے اپنے بچوں کی صحت، دمے کے بڑھتے کیسز اور تھکن و کمزوری کے بارے میں شدید تشویش کا اظہار کیا۔
راہل گاندھی نے کہا کہ دہلی کے لاکھوں خاندان تھکے، خوفزدہ اور غصے میں ہیں کیونکہ ان کے بچے مسلسل زہریلی ہوا میں سانس لینے پر مجبور ہیں۔ انہوں نے وزیراعظم سے براہِ راست سوال کیا کہ مودی جی، ہندوستان کے بچے آپ کے سامنے گھٹ رہے ہیں، آپ خاموش کیسے رہ سکتے ہیں، آپ کی حکومت میں نہ ہنگامی اقدامات دکھائی دیتے ہیں، نہ کوئی واضح منصوبہ، نہ ہی جوابدہی۔ انہوں نے مطالبہ کیا کہ مرکز ایک سخت، قابلِ نفاذ اور ملک گیر سطح پر مؤثر نیشنل ایکشن پلان تیار کرے، جس میں صنعتی آلودگی پر قابو، گاڑیوں کے اخراج کے سخت پیمانے، فصلوں کی باقیات جلانے کے مستقل حل اور شہروں میں سبزہ کاری کے منصوبوں کو ترجیح دی جائے۔
دہلی کے ماہرینِ صحت کی متفقہ رائے ہے کہ موجودہ فضائی آلودگی انسانی صحت کے لئے شدید خطرہ ہے۔ ڈاکٹروں کے مطابق مسلسل زہریلے ذرات کی نمائش سے بچوں اور حساس مریضوں میں سانس کی نالی میں سوزش، پھیپھڑوں کی کارکردگی میں کمی اور دل و دماغ کے امراض کے بگڑنے جیسے مسائل سامنے آ رہے ہیں۔ ماہرین نے خاص طور پر بچوں، دمے کے مریضوں، ضعیف افراد اور تمباکو نوشی کرنے والوں کے لیے باقاعدہ اسکریننگ اور احتیاطی تدابیر کی ضرورت پر زور دیا ہے۔ راہل گاندھی نے کہا کہ ہمارے بچوں کو صاف ہوا چاہیئے، بہانے نہیں۔ انہوں نے مودی حکومت سے فوری مداخلت کا مطالبہ کیا تاکہ دہلی کے شہریوں کو اس جان لیوا صورتحال سے نجات دلائی جا سکے۔
حزب اللہ کے چیف آف اسٹاف کی نماز جنازہ؛ خوفزدہ اسرائیل کے ڈرون فضا میں چکر لگاتے رہے