پیپلز پارٹی کا یوم تاسیس : پاکستان کا بین الاقوامی سطح پر مقام بنا چکے ہیں؛ بلاول بھٹو زرداری
اشاعت کی تاریخ: 30th, November 2025 GMT
سٹی 42: پیپلز پارٹی کا یوم تاسیس پر بلاول بھٹو زرداری نے ویڈیو لنک کے ذریعے جیالوں سے خطاب کیا انہوں نے کہا پاکستان کا بین الاقوامی سطح پر مقام بنا چکے ہیں۔آپس میں سیاسی اختلاف ضرور رکھیں لیکن پاکستان کی بات آئے ہم سب ایک ہوکر ہم مخالفین کا مقابلہ کریں.
بلاول بھٹو زرداری نے کہا آج پورے پاکستان کے جیالوں سے مخاطب ہوں۔قائد عوام شہید ذوالفقار علی بھٹو نے جمہوریت اور 1973 کے آئین کی بنیاد رکھی۔شہید بھٹوکا عدالتی قتل ہوا تو اس فلسفے کو بینظیر بھٹو لیکر آگے بڑھیں ۔دو آمروں سے محترمہ نے مقابلہ کیا اور ان کو لیاقت باغ میں شہید کیا گیا۔بلوچستان کے عوام کو حق دلوائے۔خیبر پختون خواہ کے عوام کو ہم نے شناخت دی۔پاکستان کا بین الاقوامی سطح پر مقام بنا چکے ہیں۔
بلاول بھٹو نے کہا ایک طرف بھارت اور دوسری طرف افغانستان پاکستان کی طرف دیکھ رہا ہے۔آپس میں سیاسی اختلاف ضرور رکھیں لیکن پاکستان کی بات آئے ہم سب ایک ہوکر ہم مخالفین کا مقابلہ کریں ۔ہم واحد سیاسی جماعت ہیں جو مثبت سیاست کر رہے ہیں ۔موجودہ بحران سے ملک کو ہم نکال سکتے ہیں۔پاکستان پیپلز پارٹی خود انقلابی آئین سازی کرکے آئے ہیں جس کی کوئی مثال نہیں ملتی۔آئین کی بحالی کیلئے محترمہ بینظیر بھٹو نے جدودجہد کی۔1973 کے بعد سب سے بڑی آئین ترامیم کی جس کو سب مانتے ہیں۔جو ترامیم میں نہیں کرسکے وہ اب کی ہیں۔
بلاول بھٹو نے خطاب میں کہا شہبازشریف نے وفدبھیجا تھا۔صوبوں کو آئینی تحفظ دلایا۔صوبوں کا جو شیئر تھا اس کو پاکستان پیپلز پارٹی نے دلایا ۔اگر صوبوں کو آئینی تحفظ نا دلواتے تو سب سے زائد نقصان پنجاب کا ہوتا ،آئینی ترامیم میں عدالتی اصلاحات لائے ۔آئینی عدالت بنالی اورچارٹرڈ آف ڈیموکریسی کے تحت شق ڈال دی ۔آئینی عدالت میں تمام صوبوں کو برابر کی بنیاد پر نمائندگی دلوائی ۔ملک کے سب سے بڑے مسائل آئینی اور سیاسی ہیں ۔آئینی عدالت کے ججوں کے کندھوں پر بڑا وزن ہے۔ماضی میں ہماری عدالتوں پر اعتماد تھا وہ ختم ہوچکا تھا ۔آئینی عدالت عوام کا اعتماد بحال کرے گی ۔ہمارامستقبل آئینی عدالت بہتر کرے گی
پیٹرولیم مصنوعات کی قیمتوں میں 6 روپے 35 پیسے تک کمی کا امکان
ذریعہ: City 42
کلیدی لفظ: پیپلز پارٹی آئینی عدالت بلاول بھٹو بھٹو نے
پڑھیں:
پیپلز پارٹی کا یومِ تاسیس، رہنماؤں کا بانی چیئرمین اور شہید محترمہ کو خراج عقیدت
فائل فوٹوپاکستان پیپلز پارٹی کے قیام کو 58 برس مکمل ہوگئے، پیپلز پارٹی کے رہنماؤں نے بانی چیئرمین ذوالفقار علی بھٹو اور شہید محترمہ بینظیر بھٹو کو خراج عقیدت پیش کیا۔
صدر آصف علی زرداری نے پیپلز پارٹی کے یومِ تاسیس پر بانی چیئرمین شہید ذوالفقار علی بھٹو اور شہید محترمہ بینظیر بھٹو کو خراجِ عقیدت پیش کرتے ہوئے کہا کہ پارٹی نے ہمیشہ جمہوری نظام کو مستحکم کرنے، اتحاد کو فروغ دینے اور سیاسی عمل کو درست راستے پر رکھنے کے لیے کام کیا۔
وزیراعلیٰ سندھ مراد علی شاہ نے پیپلز پارٹی کے یوم تاسیس پر عوام، جیالوں اور قیادت کو مبارکباد پیش کی اور کہا کہ پیپلز پارٹی نے ہمیشہ عوامی حقوق اور جمہوریت کے لیے جدوجہد کی ہے، ہمیشہ آمریت کا مقابلہ کر کے جمہوریت کی راہ ہموار کی۔
نائب صدر پیپلز پارٹی شیری رحمان نے کہا کہ پیپلز پارٹی نے مشکل ترین حالات میں بھی عدم تشدد کی سیاست کا علم بلند رکھا ہے، شہید محترمہ بینظیر بھٹو آمریت کے دور میں پرامن جدوجہد کےساتھ صوبوں کی زنجیر بن کر ابھریں۔
گورنر پنجاب سلیم حیدر خان نے پیپلز پارٹی کے یوم تاسیس کی تقریب سے خطاب میں کہا کہ بلاول بھٹو نے سفارتی سطح پر پاکستان کا کامیاب مقدمہ جیت کر عوام کے دلوں پر چھاپ چھوڑی ہے۔
انہوں نے کہا کہ پیپلز پارٹی واحد جماعت ہے جس نے ملک کے لیے سب سے زیادہ قربانیاں دیں، لوگ پیپلز پارٹی کو آنے والے الیکشن میں ووٹ کے ذریعے بھرپور نمائندگی دیں گے۔
پیپلز پارٹی پارلیمنٹرینز کی مرکزی ترجمان شازیہ مری نے یومِ تاسیس پر کہا کہ شہید بھٹو نے ہر پاکستانی کو سیاست میں حصہ لینے کا حق دیا، شہید محترمہ بینظیر بھٹو نے شہید بھٹو کی تحریک کو آگے بڑھایا۔
سندھ کے سینئر وزیر شرجیل انعام میمن نے کہا کہ آج کے دن ہم اپنے شہیدوں، کارکنوں اور قائدین کو سلام پیش کرتے ہیں۔
وزیر بلدیات سندھ ناصر حسین شاہ نے کہا کہ آج کا دن یاد دلاتا ہے کہ شہید ذوالفقار بھٹو نے پاکستان کی سیاست کو وقار، ہمت اور سچائی کے نئے معنی دیے۔
وزیراعظم سے چیئرمین جوائنٹ چیفس آف اسٹاف کمیٹی جنرل ساحر شمشاد کی الوداعی ملاقات