توشہ خانہ ٹو کیس: عمران خان اور بشریٰ بی بی کے خلاف سماعت 29 اکتوبر تک ملتوی
اشاعت کی تاریخ: 16th, October 2025 GMT
اسلام آباد کی اڈیالہ جیل میں ہونے والی توشہ خانہ ٹو کیس کی سماعت میں پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی کے وکلائے صفائی نے اپنے حتمی دلائل مکمل کرلیے، جس کے بعد عدالت نے مقدمے کی سماعت 29 اکتوبر تک ملتوی کر دی۔
اسپیشل جج سینٹرل اسلام آباد، شاہ رخ ارجمند نے کیس کی سماعت کی، جو اڈیالہ جیل میں ہی منعقد ہوئی۔ عمران خان اور بشریٰ بی بی کو عدالت میں پیش کیا گیا، جہاں ان کے اہل خانہ بھی موجود تھے۔ عمران خان کی بہنیں، ان کے بہنوئی سہیل خان اور قریبی ساتھی نوشیروان برکی نے سماعت میں شرکت کی، جبکہ پی ٹی آئی کی سینیٹر مشال یوسفزئی، پارٹی چیئرمین بیرسٹر گوہر اور جنرل سیکریٹری سلمان اکرم راجہ بھی موجود تھے۔
دوران سماعت عمران خان کے وکیل سلمان صفدر نے دلائل مکمل کیے، جبکہ دیگر وکلاء قوسین فیصل، ظہیر عباس چوہدری اور عثمان گل بھی ان کی قانونی ٹیم کا حصہ تھے۔ پراسیکیوشن کی نمائندگی بلال بٹ اور شہروز گیلانی نے کی۔ عدالت نے واضح کیا کہ آئندہ سماعت پر پراسیکیوشن اور وکلائے صفائی اپنے مزید حتمی دلائل دیں گے۔
یاد رہے کہ اس سے قبل ہونے والی سماعت میں دو وکلائے صفائی کے دلائل مکمل ہو چکے تھے، اور اب کیس اپنے حتمی مرحلے کی جانب بڑھ رہا ہے۔ عدالت کی اگلی کارروائی کا سب کو انتظار ہے، کیونکہ یہ کیس نہ صرف سیاسی طور پر اہم ہے بلکہ قانونی حلقوں میں بھی بڑی توجہ کا مرکز بنا ہوا ہے۔
ذریعہ
ذریعہ: Daily Mumtaz
کلیدی لفظ: خان اور
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی