کراچی ایکسپو سینٹر میں تیسری بین الاقوامی فوڈ اینڈ ایگریکلچر نمائش کا افتتاح
اشاعت کی تاریخ: 25th, November 2025 GMT
کراچی ایکسپو سینٹر میں تیسری بین الاقوامی فوڈ اینڈ ایگریکلچر نمائش کا افتتاح آج منگل کو وفاقی وزیرِ تجارت جام کمال خان نے کردیا ہے۔
تفصیلات کے مطابق یہ نمائش تین روز جاری رہے گی، یہ ملکی سطح پر فوڈ اینڈ ایگریکلچر کی سب سے بڑی بین الاقوامی نمائش ہے۔
وفاقی وزیر تجارت جام کمال خان نے نمائش کے افتتاح کرتے ہوئے کہا کہ افغانستان سے تجارت نہیں، پاکستان کی سیکورٹی اور استحکام ہماری اولین ترجیح ہے۔ ہر چیز ڈالر نہیں ہوتی۔ ہمارا افغانستان سے بڑا کنسرن ہے کہ آپ کی سرزمین پاکستان کے خلاف استعمال نہ ہو۔ اس میں کون سی غلط بات ہے، سیکیورٹی نہیں ملتی تو مجبوراً پاکستان اقدامات کرے گا۔
انہوں نے کہا کہ بحیثیت پاکستانی پہلی ترجیح سیکورٹی اور تحفظ ہونا چاہیئے۔ افغانستان سیکورٹی اقدامات کرے گا تو ہماری طرف سے بھی مثبت اقدام نظر آئے گا۔ جام کمال نے کہا کہ نمائش میں مزید لوگوں کو لانا ہے۔ یورپ، بحرین، آسیان، چین، افریقا، امریکا، کینیڈا، سمیت ملک بھر سے لوگ شریک ہیں۔ آٹھ سو سے زائد غیر ملکی مندوبین شرکت کر رہے ہیں، انہیں پاکستان میں بڑا پوٹینشل نظر آرہا ہے۔
انہوں نے کہا کہ پاکستانی کمپنیوں نے گزشتہ سالوں میں بڑی اچھی کارکردگی دکھائی ہے۔ پاکستانی مصنوعات کی کوالٹی بہترین ہے۔ بیرونی ممالک نے پاکستانی مصنوعات کو اسپیس دیا ہے۔ مجموعی طور پر چینلجز کو دیکھ رہے ہیں۔ افراط زر اور شرح سود میں کمی آئی ہے۔ وزیراعظم نے برآمد کنندگان کے لئے ای ایف ایس سرچارج سے متعلق بڑا فیصلہ کیا ہے۔
انہوں نے مزید کہا کہ مختلف ملکوں کے ساتھ پرانے ایف ٹی ایز پر دوبارہ بات چیت جاری ہے۔ افریقا کی مارکیٹ نئی ہے، اچھی پیشرفت ہے۔ بنگلہ دیش کے ساتھ دوبارہ تجارت بحال ہونا خوش آئند ہے۔ کسی ملک کے لئےمیکرو استحکام سب سے زیادہ اہم ہے۔ ہم مائیکرو اور میکرو اکنامک پر توجہ دے رہے ہیں۔ پہلی بار ہے کہ کسی وزیراعظم نے انڈسٹری کے ساتھ اتنی انٹرایکشن کی۔
.ذریعہ: Express News
کلیدی لفظ: کہا کہ
پڑھیں:
پاکستان ہائی کمیشن اور ایچ ای سی کی مشترکہ کاوش، ڈھاکہ میں پاکستان ایجوکیشن ایکسپو کا انعقاد
پاکستان ہائی کمیشن نے ڈھاکہ میں پاکستان کے ہائر ایجوکیشن کمیشن (HEC) کے تعاون سے ڈھاکہ میں سب سے بڑے پاکستان ایجوکیشن ایکسپو کی میزبانی کی، جس میں بنگلہ دیشی طلبا کے لیے تعلیمی پروگرامز اور اسکالرشپ کے مواقع پیش کیے گئے۔
یہ بھی پڑھیں:ڈھاکہ میں آج پھر زلزلے کے جھٹکے، عوام خوف کا شکار
تقریب میں پاکستان کی 15 سے زائد نمایاں جامعات کے نمائندگان نے حصہ لیا اور اپنے مختلف کورسز اور مواقع کے بارے میں آگاہی فراہم کی۔
یہ ایکسپو پاکستان بنگلہ دیش نالج کوریڈور کا حصہ ہے، جو اگست میں پاکستان کے ڈپٹی وزیر اعظم اور وزیر خارجہ سینیٹر محمد اسحاق ڈار کے بنگلہ دیش کے دورے کے دوران شروع کیا گیا تھا۔
اس موقع پر اسحاق ڈار نے اعلان کیا تھا کہ 500 بنگلہ دیشی طلبا کو پاکستان میں اعلیٰ تعلیم کے لیے اسکالرشپ دی جائیں گی۔ ڈھاکہ اور دیگر بڑے شہروں میں ہونے والی یہ سیریز طلباء میں تعلیمی مواقع کے حوالے سے آگاہی پیدا کرنے کے لیے منعقد کی جا رہی ہے۔
یہ بھی پڑھیں:ڈھاکہ میں آج پھر زلزلے کے جھٹکے، عوام خوف کا شکار
سرکاری ذرائع کے مطابق یہ اقدام دونوں ممالک کی قیادت کے مشترکہ وژن کی عکاسی کرتا ہے، جس کا مقصد تعلیم، تحقیق اور جدت میں تعاون کو مضبوط کرنا ہے۔ منصوبے کو وزیراعظم محمد شہباز شریف کی مضبوط حمایت بھی حاصل ہے۔
تقریب میں بنگلہ دیش کے وزارت نوجوانان و کھیل کے سیکرٹری محمد محبوب العالم بطور چیف گیسٹ شریک ہوئے۔ اس کے علاوہ دیگر سینئر افسران، یونیورسٹی گرانٹس کمیشن کے سیکرٹری ڈاکٹر محمد فخرالاسلام، وائس چانسلرز، پرنسپلز، سول سوسائٹی کے ممبران، پاکستان کے HEC کے نمائندگان، صحافی اور بڑی تعداد میں طلباء بھی موجود تھے۔
نیشنل یونیورسٹی آف کمپیوٹر اینڈ ایمرجنگ سائنسز کے ریکٹر آفتاب احمد نے کلیدی تقریر کرتے ہوئے نالج کوریڈور اور پاکستان کی اعلیٰ جامعات میں دستیاب اسکالرشپ پروگرامز کے بارے میں تفصیل فراہم کی۔
چيف گیسٹ نے تقریب سے خطاب میں اس اقدام کو پاکستان اور بنگلہ دیش کے درمیان تعلیمی تعاون کو مضبوط بنانے کے لیے اہم قدم قرار دیا۔
یہ بھی پڑھیں:ڈھاکہ یونیورسٹی میں علامہ اقبال اور قاضی نذر الاسلام پر چوتھی بین الاقوامی کانفرنس
انہوں نے کہا کہ نالج کوریڈور بنگلہ دیشی نوجوانوں کو تعلیم اور ہنر کی تربیت کے ذریعے بااختیار بنانے کی کوششوں کی حمایت کرتا ہے۔ انہوں نے چٹاگانگ، راجشاہی اور سلہٹ میں مستقبل کے ایکسپوز کی حمایت کی یقین دہانی بھی کرائی اور اس طرح کے تبادلے عوامی رابطوں کو مضبوط بنانے میں مددگار ثابت ہوتے ہیں۔
پاکستان کے ہائی کمشنر برائے بنگلہ دیش، عمران حیدر نے کہا کہ یہ ایکسپو وزیرخارجہ اسحاق ڈار کے اگست کے دورے میں کیے گئے وعدے کی تکمیل ہے۔
انہوں نے کہا کہ نالج کوریڈور تعلیمی نقل و حرکت اور مشترکہ تحقیق کو مضبوط کرتا ہے اور طلباء کو مستقبل کے مواقع کے لیے تیار کرتا ہے۔
عمران حیدر نے پاکستان کی طبی، انجینئرنگ، آئی ٹی، سماجی علوم، زراعت، مصنوعی ذہانت اور جدید ٹیکنالوجیز میں مضبوطیوں کو اجاگر کرتے ہوئے اس اقدام کو تعلیمی شراکت داری اور دونوں ممالک کے درمیان دوستی و اعتماد کی علامت قرار دیا۔
یہ بھی پڑھیں:ڈھاکا میں پاک بنگلہ دیش عسکری تعاون پر اہم ملاقات
ایکسپو میں طلبا نے بھرپور دلچسپی کا مظاہرہ کیا اور جامعات کے نمائندگان سے داخلہ کے عمل، تعلیمی پروگرامز اور اسکالرشپ کی تفصیلات کے بارے میں معلومات حاصل کیں۔
ڈھاکہ کے ایونٹ کے بعد پاکستان ایجوکیشن ایکسپو 26 نومبر کو چٹاگانگ، 28 نومبر کو راجشاہی اور 30 نومبر کو سیلٹ میں منعقد ہو گا تاکہ بنگلہ دیش میں اس کے اثرات کو مزید بڑھایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایجوکیشن ایکسپو بنگلہ دیش پاکستان ڈھاکہ ہائی کمشنر
یادوں کا شہر لندن