اسرائیلی خلاف ورزیوں پر مانیٹرنگ اداروں نے آنکھیں بند کرلیں ہیں، نبیہ بیری
اشاعت کی تاریخ: 25th, November 2025 GMT
اپنے ایک بیان میں لبنانی پارلیمنٹ کے سپیکر کا کہنا تھا کہ اسرائیل، لبنان کی اندرونی کمزوریوں اور سیاسی تقسیم سے فائدہ اٹھا رہا ہے تاکہ اپنے حملوں کو جاری رکھ سکے۔ صیہونی خطرے سے نمٹنے کیلیے ملی یکجہتی سب سے موثر ہتھیار ہے۔ اسلام ٹائمز۔ لبنانی پارلیمنٹ کے سپیکر "نبیہ بیری" نے خبردار کیا کہ اگر اسرائیلی اشتعال اسی طرح بڑھتا رہا تو حالات خراب ہو سکتے ہیں۔ انہوں نے کہا کہ "حاره حریک" پر حالیہ اسرائیلی حملہ ثابت کرتا ہے کہ اسرائیل نے جنوبی علاقوں اور بیروت کو دوبارہ سے اپنی جارحیت کا ہدف قرار دے دیا ہے۔ انہوں نے اس تبدیلی کو بہت خطرناک قرار دیا۔ انہوں نے کہا کہ یہ اقدام بیروت اور اس کے مضافات کی حفاظت خطرے میں ڈالنے کے متراف ہے۔ نبیہ بیری نے زور دے کر کہا کہ لبنان کی مقاومت اسلامی، معاندانہ اقدامات کے خاتمے کے لیے سیز فائر کی پوری طرح پابندی کر رہی ہے تاہم اسرائیل، جنگ بندی کے معاہدے کو پامال کرنے کا کوئی موقع ہاتھ جانے نہیں دیتا اور مسلسل لبنان کی خودمختاری کی خلاف ورزی کر رہا ہے۔ انہوں نے مزید کہا کہ لبنان کے خلاف تازہ ترین اسرائیلی جارحیت پر عالمی مانیٹرنگ اداروں کی جانب سے خاموشی سے یہ تاثر ملتا ہے کہ مستقبل قریب میں اسرائیل کے ساتھ تناؤ کے بڑھنے اور پھیلنے کا امکان ہے۔
لبنانی سپیکر نے بعض ملکی جماعتوں کے مؤقف پر حیرت کا اظہار کرتے ہوئے واضح کیا کہ اسرائیل، لبنان کی اندرونی کمزوریوں اور سیاسی تقسیم سے فائدہ اٹھا رہا ہے تاکہ اپنے حملوں کو جاری رکھ سکے۔ نبیہ بیری نے کہا کہ صیہونی خطرے سے نمٹنے کے لیے ملی یکجہتی سب سے موثر ہتھیار ہے۔ اسرائیل اپنے مفادات کے حصول کے لیے تقسیم کرو کی پالیسی پر عمل پیرا ہے، جبکہ لبنانیوں کی باہمی یکجہتی سے ہر قسم کے خطرے کا مقابلہ کیا جا سکتا ہے۔ انہوں نے لبنانی فوج کے موقف کی وضاحت کرتے ہوئے اسے صحیح قرار دیا اور کہا کہ فوج نے خود کو خانہ جنگی میں نہیں گھسیٹا۔ نبیہ بیری نے موجودہ تناؤ کے دوران، اندرونی استحکام برقرار رکھنے کے لیے فوجی ادارے کی اس استقامت کو بنیادی عنصر قرار دیا۔ یاد رہے کہ 23 نومبر 2025ء کو بیروت کے جنوبی مضافات میں واقع "حاره حریک" پر اسرائیل نے فضائی حملہ کر دیا، جس میں لبنان کی مقاومتی تحریک "حزب الله" کے کمانڈر اور چیف آف اسٹاف "ہیثم علی طباطبائی" سمیت چار دیگر مجاہدین شہید ہو گئے۔
ذریعہ
ذریعہ: Islam Times
کلیدی لفظ: نبیہ بیری لبنان کی انہوں نے کہا کہ کے لیے
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا