بیروت پر اسرائیلی فضائی حملہ، حزب اللہ کے چیف آف اسٹاف شہید
اشاعت کی تاریخ: 24th, November 2025 GMT
اسرائیلی جارحیت کیخلاف برسرپیکار حزب اللہ نے تصدیق کی ہے کہ اس کے اعلیٰ فوجی کمانڈر ہيثم علی طباطبائی، لبنان کے دارالحکومت بیروت پر اسرائیلی فضائی حملے میں شہید ہو گئے ہیں۔
طباطبائی، جو تنظیم کے عسکری ونگ کے چیف آف اسٹاف تھے، اتوار کے روز جنوبی بیروت کے علاقے ضاحیہ میں حزب اللہ کے گڑھ میں ایک اپارٹمنٹ عمارت پر حملے میں کم از کم 5 دیگر افراد کے ساتھ شہید ہوگئے۔
یہ بھی پڑھیں: اسرائیل نے جنوبی لبنان میں حزب اللہ پر حملے تیز کرنے کی دھمکی دے دی
حزب اللہ نے اپنے بیان میں کہا کہ ’عظیم کمانڈر‘ طباطبائی جنوبی بیروت کے علاقے حارة حریک پر اسرائیلی بزدلانہ حملے میں شہید ہوئے۔ بیان میں ان کے عہدے کی صراحت نہیں کی گئی۔
???? ???????? ???????? IDF STRIKES HEZBOLLAH'S LEADERSHIP: HAYTHAM ALI TABATABAI REPORTEDLY DEAD
The IDF just reportedly eliminated Haytham Ali Tabatabai in a strike on Beirut's southern suburbs.
Israeli officials confirmed the target: Hezbollah's de facto military chief and top operational… https://t.co/B86x0RjIzc pic.twitter.com/FdYTBh0AXd
— Mario Nawfal (@MarioNawfal) November 23, 2025
طباطبائی نومبر 2024 میں شروع ہونے والی جنگ بندی کے بعد سے اسرائیل کے ہاتھوں شہید ہونے والے حزب اللہ کے سب سے سینیئر کمانڈر ہیں۔
اسرائیلی فوج نے دعویٰ کیا کہ اس نے حملے میں طباطبائی کو ’ختم‘ کر دیا ہے، جب کہ اسرائیلی وزیر اعظم نیتن یاہو کے دفتر نے کہا کہ وہی اس حملے کا ہدف تھے۔
مزید پڑھیں: لبنان حزب اللہ کو ملک بدر کرے ورنہ غزہ جیسے حالات کے لیے تیار رہے، اسرائیلی وزیراعظم
اسرائیلی میڈیا کے مطابق گزشتہ سال کی جنگ کے بعد یہ تیسری کوشش تھی جس میں انہیں نشانہ بنایا گیا۔
حزب اللہ کے سینئر رہنما محمود قماطی نے کہا تھا کہ اسرائیلی حملہ ’سرخ لکیر‘ پار کرنا ہے اور تنظیم کی قیادت اس بات پر غور کر رہی ہے کہ آیا اس کا جواب دیا جائے یا نہیں۔
’آج جنوبی بیروت کے مضافات پر حملہ پورے لبنان میں اسرائیلی جارحیت میں اضافے کا دروازہ کھول سکتا ہے۔‘
مزید پڑھیں:اسرائیل اور لبنان کے درمیان جنگ بندی پر عملدرآمد کا آغاز
طباطبائی 1968 میں بیروت میں ایک لبنانی ماں اور ایک ایرانی والد کے گھر پیدا ہوئے۔ انہوں نے جنوبی لبنان میں پرورش پائی اور 12 سال کی عمر میں حزب اللہ میں شمولیت اختیار کی۔
لبنان کی وزارتِ صحت کے مطابق حملے میں 28 افراد زخمی بھی ہوئے۔
سرکاری نیشنل نیوز ایجنسی (این این اے) نے رپورٹ کیا کہ حارة حریک کے شارع العريض پر واقع عمارت پر 2 میزائل داغے گئے جس سے گاڑیوں اور اردگرد کی عمارتوں کو شدید نقصان پہنچا۔
مزید پڑھیں:حزب اللہ کے نئے سربراہ نعیم قاسم کون ہیں؟
میڈیا رپورٹس کے مطابق لبنان میں خدشات بڑھ رہے ہیں کہ اسرائیل، جو اب تک مکمل بے خوفی سے کارروائیاں کر رہا ہے، اپنے حملوں میں مزید اضافہ کرے گا۔
حزب اللہ ایک مشکل پوزیشن میں ہے۔ اس کی مزاحمتی صلاحیت بری طرح متاثر ہوئی ہے، اور اگر جواب نہ دیا تو مزید اسرائیلی حملوں کو دعوت مل سکتی ہے۔
جبکہ جواب دینے کی صورت میں وسیع اسرائیلی بمباری کا خطرہ ہے، جو اس کی عوامی حمایت کو بھی نقصان پہنچا سکتا ہے۔‘
مزید پڑھیں:اسرائیل کو لبنان پر حملوں کی قیمت چکانا ہوگی، حزب اللہ کی دھمکی
لبنانی صدر جوزف عون نے عالمی برادری سے اپیل کی کہ وہ اسرائیلی حملوں کو روکنے کے لیے فوری اور مضبوط مداخلت کرے۔
اپنے بیان میں انہوں نے کہا کہ لبنان بار بار عالمی برادری سے مطالبہ کرتا ہے کہ وہ اپنی ذمہ داری نبھائے اور اسرائیلی حملوں کو روکنے کے لیے سنجیدگی سے کارروائی کرے۔
اسرائیل نے ایک سال قبل جنوبی بیروت میں فضائی حملے میں دیرینہ حزب اللہ سربراہ حسن نصراللہ کو بھی شہید کر دیا تھا۔
مزید پڑھیں:لبنان: اسرائیلی حملوں میں حزب اللہ کے اہم کمانڈر سمیت 13افراد ہلاک، 60 سے زائد زخمی
اتوار کا یہ حملہ ایسے وقت میں ہوا ہے جب صرف چند روز بعد پوپ لیو چہاردہم لبنان کے دورے پر آنے والے ہیں، اور حالیہ ہفتوں میں اسرائیلی جارحیت میں اضافہ دیکھا گیا ہے۔
حزب اللہ کے رکن اسمبلی علی عمار نے کہا کہ جنگ بندی کے بعد سے اسرائیل پورے لبنان کو نشانہ بنا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل بیروت جوزف عون حزب اللہ حسن نصراللہ فوجی کمانڈر لبنان
ذریعہ
ذریعہ: WE News
کلیدی لفظ: اسرائیل بیروت حزب اللہ حسن نصراللہ فوجی کمانڈر اسرائیلی حملوں میں حزب اللہ جنوبی بیروت حزب اللہ کے مزید پڑھیں حملے میں کے لیے نے کہا کہا کہ
پڑھیں:
امریکا کے ایران پر مسلسل 13ویں شب بھی حملے، ٹرمپ نے مزید بڑی کارروائی کا عندیہ دے دیا، تہران کا سخت ردعمل
امریکا نے ایران کے خلاف مسلسل تیرہویں رات بھی فضائی حملے کیے ہیں، جبکہ امریکی صدر ڈونلڈ ٹرمپ نے عندیہ دیا ہے کہ وہ ایران کے خلاف ’بہت بڑے حملے‘ کا فیصلہ کرنے کے قریب ہیں۔ دوسری جانب ایران نے خبردار کیا ہے کہ امریکی جارحیت میں مزید اضافہ ہوا تو اس کی قیمت واشنگٹن کو پہلے سے کہیں زیادہ چکانا پڑے گی۔
امریکی سینٹرل کمانڈ (سینٹکام) کے مطابق تازہ کارروائی 2 گھنٹے سے زائد جاری رہی، جس کے دوران ایران کے فوجی اہداف کو نشانہ بنایا گیا۔ امریکی فوج کا کہنا ہے کہ ان حملوں کا مقصد ایران کی عسکری صلاحیت، بالخصوص ساحلی نگرانی، فضائی دفاع اور فوجی انفراسٹرکچر کو مزید کمزور کرنا ہے۔
یہ بھی پڑھیں:ایران امریکا کشیدگی پھر شدت اختیار کرگئی، کیا مشرق وسطیٰ ایک بڑی جنگ کے دہانے پر ہے؟
ادھر امریکی صدر ڈونلڈ ٹرمپ نے صحافیوں سے گفتگو میں کہا کہ ایران نے ابھی تک ’کافی تکلیف نہیں دیکھی‘ اور وہ ایک بڑے پیمانے کے حملے کے بارے میں فیصلہ کرنے کے قریب ہیں۔ امریکی صدر کے اس بیان نے خطے میں کشیدگی مزید بڑھا دی ہے اور عالمی سطح پر خدشات میں اضافہ ہوا ہے کہ جنگ مزید وسیع ہو سکتی ہے۔
ایران کے وزیر خارجہ عباس عراقچی نے امریکی دھمکیوں پر ردعمل دیتے ہوئے کہا کہ ’بے معنی جارحیت‘ کسی مسئلے کا حل نہیں بلکہ اس سے امریکا کو زیادہ بھاری قیمت ادا کرنا پڑے گی۔ ایرانی قیادت کا کہنا ہے کہ ملک اپنی خودمختاری اور دفاع پر کوئی سمجھوتہ نہیں کرے گا۔
???? 13TH STRAIGHT NIGHT OF POUNDING IRAN.
U.S. forces just completed another round of strikes on Iranian military targets.
Command centers.
Drone storage.
Communication networks.
Coastal surveillance.
Maritime capabilities.
AMERICA KEEPS WINING ✌️???????????????? https://t.co/0y5aM7FeEr pic.twitter.com/0AWYpSnco6
— Xander Xand (@Xander24Xand) July 24, 2026
ایرانی ذرائع ابلاغ کے مطابق گزشتہ چند گھنٹوں کے دوران تہران، خنداب، خرم آباد، کنارک اور جاسک سمیت مختلف شہروں میں دھماکوں، میزائل حملوں اور فضائی دفاعی نظام کی سرگرمیوں کی اطلاعات موصول ہوئی ہیں۔ بعض علاقوں میں فضائی دفاعی نظام نے آنے والے اہداف کو روکنے کی کوشش کی، تاہم نقصانات کی مکمل تفصیلات فوری طور پر سامنے نہیں آسکیں۔
دوسری جانب برطانیہ نے اعلان کیا ہے کہ اگر اس کے مفادات یا سرزمین کو کسی بھی قسم کا خطرہ لاحق ہوا تو اس کی مسلح افواج دفاع کے لیے مکمل طور پر تیار ہیں۔ یہ بیان ایران کی پاسدارانِ انقلاب کی اس وارننگ کے بعد سامنے آیا، جس میں کہا گیا تھا کہ اگر امریکی بمبار طیارے برطانوی اڈوں سے ایران پر حملوں کے لیے استعمال ہوئے تو ان اڈوں کو بھی ممکنہ اہداف سمجھا جا سکتا ہے۔
???????? U.S. STRIKES IRAN FOR 13TH CONSECUTIVE NIGHT
The U.S. military has launched another round of strikes against Iran, marking the 13th consecutive night of attacks.
CENTCOM: “US forces started another night of strikes against Iranian military targets at 6:45 p.m. ET (2245 GMT)… pic.twitter.com/iDXtuU2CJE
— Mossad Commentary (@MOSSADil) July 24, 2026
بین الاقوامی ذرائع ابلاغ کے مطابق جنگ کے پھیلنے سے عالمی توانائی منڈی شدید دباؤ کا شکار ہے۔ بحیرہ احمر اور آبنائے ہرمز میں کشیدگی بڑھنے کے باعث خام تیل کی قیمت 100 ڈالر فی بیرل سے تجاوز کر گئی، جبکہ عالمی منڈیوں میں بھی غیر یقینی صورتحال دیکھی جا رہی ہے۔ تجزیہ کاروں کا کہنا ہے کہ اگر تنازع مزید شدت اختیار کرتا ہے تو عالمی تجارت اور تیل کی سپلائی بری طرح متاثر ہو سکتی ہے۔
اقوام متحدہ کے سیکریٹری جنرل انتونیو گوتریس نے بھی صورتحال پر شدید تشویش کا اظہار کرتے ہوئے خبردار کیا ہے کہ مشرقِ وسطیٰ ایک ایسے موڑ پر پہنچ چکا ہے جہاں مزید عسکری کارروائیاں پورے خطے کو ایک بڑے بحران میں دھکیل سکتی ہیں۔ انہوں نے تمام فریقوں پر زور دیا ہے کہ کشیدگی کم کرنے اور سفارتی حل تلاش کرنے کی کوششیں تیز کی جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایران خلیج صدر ٹرمپ مشرق وسطیٰ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی