شہدائے سانحہ شب عاشور جیکب آباد کی یاد میں عظمت شہداء کانفرنس منعقد کی جائیگی، علامہ مقصود ڈومکی
اشاعت کی تاریخ: 17th, October 2025 GMT
جیکب آباد میں مختلف شخصیات سے ملاقات کرتے ہوئے علامہ مقصود ڈومکی نے کہا کہ عظمت شہداء کانفرنس کا مقصد شہداء کو خراج عقیدت پیش کرنا اور انکے مشن کو زندہ رکھنا ہے۔ اسلام ٹائمز۔ مجلس وحدت مسلمین پاکستان کے مرکزی سیکرٹری نشر و اشاعت اور ایم ڈبلیو ایم سندھ کے صوبائی آرگنائزر علامہ مقصود علی ڈومکی نے کہا ہے کہ 23 اکتوبر کو شہدائے سانحہ شب عاشور جیکب آباد کی یاد میں عظمت شہداء کانفرنس منعقد کی جائے گی۔ اس کانفرنس کا مقصد شہدائے راہ حق کو خراج عقیدت پیش کرنا اور ان کے مشن کو زندہ رکھنا ہے، جن شہداء نے نواسۂ رسول (ص) حضرت امام حسینؑ سے عشق و وفا میں اپنی جانوں کا نذرانہ پیش کیا۔ ہم شہدائے راہ حق کے مشن اور مقصد کو پایۂ تکمیل تک پہنچائیں گے۔ یہ بات انہوں نے چیئرمین میونسپل کمیٹی جیکب آباد میر غلام عباس خان جکھرانی سے ملاقات کے موقع پر گفتگو کرتے ہوئے کہی۔ اس موقع پر ایم ڈبلیو ایم ضلع جیکب آباد کے صدر نذیر حسین جعفری، ایم ڈبلیو ایم عزاداری ونگ کے صوبائی نائب صدر سید غلام شبیر نقوی سمیت دیگر رہنماء بھی موجود تھے۔
علامہ ڈومکی نے کہا کہ اس عظمت شہداء کانفرنس میں مجلس وحدت مسلمین پاکستان کے مرکزی جنرل سیکرٹری علامہ سید حسن ظفر نقوی، مرکزی صدر عزاداری ونگ علامہ سید اقتدار حسین نقوی، ایمپلائز ونگ کے مرکزی صدر سید سلیم عباس صدیقی، صوبائی آرگنائزر ایم ڈبلیو ایم بلوچستان علامہ سید ظفر عباس شمسی اور دیگر مرکزی و صوبائی رہنماء شریک ہوں گے۔ بعد ازاں، علامہ مقصود علی ڈومکی نے ڈپٹی کمشنر جیکب آباد نواب سمیر حسین لغاری اور ایس ایس پی جیکب آباد سے بھی ملاقات کی۔ ڈپٹی کمشنر سے ملاقات میں چوک شہداء کے نوٹیفکیشن اور یادگار شہداء کی تعمیر سمیت مختلف امور پر تبادلہ خیال کیا گیا۔ علامہ مقصود علی ڈومکی نے یاد دلایا کہ سندھ حکومت نے سانحہ شب عاشور جیکب آباد کے شہداء کی یاد میں یادگار شہداء تعمیر کرنے کا وعدہ کیا تھا، جس پر جلد عملدرآمد ضروری ہے۔
ذریعہ
ذریعہ: Islam Times
کلیدی لفظ: عظمت شہداء کانفرنس ایم ڈبلیو ایم علامہ مقصود جیکب آباد ڈومکی نے
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار