بچوں کیلئے خوشخبری: چڑیا گھر میں زرافوں کی واپسی، مریم نواز کا تحفہ
اشاعت کی تاریخ: 18th, October 2025 GMT
وزیراعلیٰ پنجاب مریم نواز شریف کی جانب سے لاہور کے بچوں اور خاندانوں کے لیے ایک خاص تحفہ دیا گیا ہے۔آٹھ سال بعد جنوبی افریقہ سے زرافوں کی ایک نئی جوڑی لاہور پہنچ گئی ہے، جس سے نہ صرف چڑیا گھر میں زندگی کی رونقیں بحال ہو گئی ہیں بلکہ بچوں کی خوشیاں بھی لوٹ آئی ہیں۔
لاہور چڑیا گھر میں 2022 میں نر زرافے کی موت کے بعد اس کے باڑے میں ویرانی چھا گئی تھی، مگر اب اس نئی جوڑی کی آمد سے وہ خالی جگہ پھر سے آباد ہو گئی ہے۔ اس کے ساتھ ہی ایک اور بڑی خبر یہ ہے کہ سفاری پارک لاہور کی تاریخ میں پہلی بار زرافے شامل کیے گئے ہیں، جو عوامی دلچسپی کا نیا مرکز بن چکے ہیں۔
زرافوں کی آمد ممکن ہوئی ہےدو سالہ امپورٹ پابندی کے خاتمے کے بعد، جو کہ ماضی میں غیر معیاری سہولیات اور ناکافی حفاظتی اقدامات کی وجہ سے عائد کی گئی تھی۔ اب پنجاب نے وائلڈ لائف قوانین اور انتظامی نظام میں ایسی اصلاحات کی ہیں جو عالمی معیار کے مطابق ہیں۔
یہ پیش رفت نہ صرف بین الاقوامی سطح پر اعتماد کی بحالی کی علامت ہے بلکہ جنگلی حیات کے تحفظ اور دیکھ بھال کے نئے دور کی شروعات بھی ہے۔ زرافے جیسے پرامن، دلکش جانوروں کو دوبارہ دیکھ کر بچوں کی آنکھوں میں چمک اور چہروں پر خوشی دیکھنا واقعی ایک شاندار لمحہ ہے۔
وزیراعلیٰ مریم نواز کے اس اقدام کو عوامی حلقوں میں خوب سراہا جا رہا ہے، اور امید کی جا رہی ہے کہ یہ سلسلہ جاری رہے گا تاکہ پنجاب بھر کے بچے اور خاندان قدرتی حسن اور جنگلی حیات سے بھرپور لطف اٹھا سکیں۔
ذریعہ: Daily Mumtaz
پڑھیں:
ماحولیاتی آلودگی روکنے کیلئے ڈرون سے بھٹوں کی نگرانی کا نیا نظام متعارف
حکومت پنجاب نے وزیراعلیٰ مریم نواز شریف کی ہدایت پر پہلی بار ڈرون سرویلنس کے ذریعے بھٹوں کی نگرانی کا نیا نظام متعارف کرایا ہے۔ادارہ تحفظ ماحولیات پنجاب کے مطابق موٹروے کے اطراف 112 بھٹوں کی جانچ کی گئی، جن میں سے 77 بھٹے سفید دھواں خارج کر رہے تھے، 34 نان فنکشنل پائے گئے جبکہ صرف ایک بھٹے سے کالا دھواں نکلا۔ای پی اے فورس 24 گھنٹے بھٹوں کی چمنیوں کی نگرانی کر رہی ہے، زیرو پالیوشن پالیسی پر عملدرآمد بلا امتیاز جاری ہے، موٹروے پر سفر کے دوران اگر کسی بھٹے سے کالا دھواں نظر آئے تو 1373 پر اطلاع دیں، ای پی اے فورس فوری کارروائی کرے گی۔سینئر صوبائی وزیر مریم اورنگزیب نے بھٹہ مالکان اور ای پی اے فورس کو شاباش دیتے ہوئے کہا کہ یہی جذبہ ماحولیاتی آلودگی پر قابو پانے میں مدد دے گا۔
صرف عمران خان کے ساتھ بیٹھنا ہی کے پی میں امن وامان اور دہشتگردی کے مسئلہ کا حل ہے، علی امین گنڈاپور