افغانسان سمیت کوئی بھی حملہ کرے گا تو ہم پاک فوج کے ساتھ کھڑے ہوں گے، سہیل آفریدی
اشاعت کی تاریخ: 18th, October 2025 GMT
وزیراعلیٰ خیبرپختونخوا سہیل آفریدی نے کہا ہے کہ افغانستان سمیت کوئی بھی ملک حملہ کرے گا تو بھرپور جواب دیا جائے گا، پاکستان کے خلاف کسی بھی جارحیت پر ہم اپنی فوج کے شانہ بشانہ کھڑے ہوں گے۔
یہ بھی پڑھیں: ’قائداعظم محمد علی جناح بانی پی ٹی آئی ہیں‘، سہیل آفریدی کی زبان پھسل گئی
پشاور میں صحافیوں سے غیر رسمی گفتگو کرتے ہوئے وزیراعلیٰ سہیل آفریدی نے کہا کہ مجھے کسی کے خلاف نہیں لایا گیا، بلکہ آئین اور قانون کی بالادستی کے لیے آیا ہوں۔ ہمارا ہر قدم آئین کے مطابق ہوگا اور اگر انصاف نہ ملا تو پرامن احتجاج کیا جائے گا۔
انہوں نے کہا کہ یہ صوبہ ہم سب کا ہے، گزشتہ حکومت میں ہم کچھ کمزور تھے مگر اب عدالتوں میں اپنی جنگ لڑ رہے ہیں۔ سہیل آفریدی نے واضح کیا کہ ہم آئینی اور جمہوری طریقے سے اپنی بات منوائیں گے۔
افغان مہاجرین کے حوالے سے وزیراعلیٰ کا کہنا تھا کہ یہاں سے 8 لاکھ افغان مہاجرین واپس جا چکے ہیں جبکہ 12 لاکھ اب بھی موجود ہیں، انہیں باعزت طور پر واپس بھیجا جائے گا۔ اگر انہوں نے اتنا وقت پاکستان میں گزارا ہے تو اب عزت کے ساتھ وطن واپس جائیں۔
یہ بھی پڑھیں: بانی پی ٹی آئی عمران خان سے پوچھے بغیر کوئی کام نہیں کروں گا، وزیراعلیٰ خیبرپختونخوا سہیل آفریدی
انہوں نے کہا کہ میں حکومت چلانے نہیں بلکہ تبدیلی کے لیے آیا ہوں۔ اگر بانی پی ٹی آئی سے ملاقات نہ ہو سکی تو کابینہ سے متعلق مشاورت پارٹی سے کروں گا۔
سہیل آفریدی نے بتایا کہ انہیں پہلے ٹارگٹ کیا گیا اور بعد میں آئینی عمل روکا گیا، جس پر انہوں نے چیف جسٹس کو خط لکھا اور ہائیکورٹ میں درخواست دائر کی ہے، جو اعتراضات دور کرکے پیر کو دوبارہ جمع کرائی جائے گی۔
ایک سوال پر وزیراعلیٰ نے کہا کہ کابینہ میں صرف وہی لوگ شامل ہوں گے جنہیں بانی پی ٹی آئی منظوری دیں گے۔ اہل اور نااہل ارکان کے بارے میں میں خود بانی کو آگاہ کروں گا۔ انہوں نے بتایا کہ بانی نے صرف مزمل اسلم کا نام کابینہ کے لیے تجویز کیا ہے۔
ایڈوائزری کونسل کے حوالے سے سہیل آفریدی نے وضاحت کی کہ پارٹی میں اس پر کوئی بات نہیں ہوئی۔
یہ بھی پڑھیں: سہیل آفریدی نے وزیراعلیٰ خیبرپختونخوا کا عہدہ سنبھالتے ہی پہلا نوٹس کس معاملے کا لیا؟
ان کا کہنا تھا کہ بطور ورکر، پارٹی تنظیم اور وزیراعلیٰ کے طور پر میں صرف عمران خان کو جوابدہ ہوں۔
صنم جاوید سے متعلق سوال پر وزیراعلیٰ نے کہا کہ ہدایات صرف ان کے لیے نہیں بلکہ تمام سیاسی کارکنوں کے لیے تھیں کہ کسی سیاسی ورکر کو گرفتار نہ کیا جائے۔ انہوں نے کہا کہ صنم جاوید سے متعلق رپورٹ ملی ہے لیکن میں مطمئن نہیں، دوبارہ رپورٹ طلب کروں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغان مہاجرین افغانستان پاکستان سہیل آفریدی صنم جاوید وزیراعلیٰ خیبرپختونخوا.ذریعہ: WE News
کلیدی لفظ: افغان مہاجرین افغانستان پاکستان سہیل ا فریدی صنم جاوید وزیراعلی خیبرپختونخوا سہیل آفریدی نے سہیل ا فریدی بانی پی ٹی نے کہا کہ انہوں نے کروں گا کے لیے
پڑھیں:
سپیکر کے پی اسمبلی کا سہیل آفریدی کو عمران خان سے مشورہ کئے بغیر کابینہ بنانے کا مشورہ
پشاور(ڈیلی پاکستان آن لائن)خیبر پختونخوا ( کے پی ) اسمبلی کے سپیکر بابر سلیم سواتی نے وزیراعلیٰ سہیل آفریدی کو بانی پی ٹی آئی عمران خان سے مشاورت کے بغیر ہی صوبائی کابینہ بنانے کا مشورہ دے دیا۔
نجی ٹی وی چینل جیو نیوز کے مطابق ذرائع کا دعویٰ ہے کہ سپیکر کے پی اسمبلی نے وزیراعلیٰ سہیل آفریدی کو مشورہ دیتے ہوئے کہا کہ عمران خان سے ملاقات کے بعد کابینہ میں تبدیلی کی جا سکتی ہے لیکن فی الحال صوبائی کابینہ تشکیل دی جائے تاکہ صوبائی معاملات کو چلانے میں آسانی ہو۔
وزیراعظم شہباز شریف آج برطانیہ سے وطن واپس پہنچیں گے
دوسری جانب وزیراعلیٰ سہیل آفریدی کی زیر صدارت پی ٹی آئی کی پارلیمانی پارٹی کا اجلاس ہوا۔ اس حوالے سے رکن اسمبلی احتشام خان نے بتایا کہ اجلاس میں منگل کو اسلام آباد جانے کا فیصلہ ہوا ہے۔
رکن اسمبلی احتشام خان کے مطابق ارکان اسمبلی اسلام باد ہائیکورٹ کے بعد اڈیالہ جیل بھی جائیں گے۔
مزید :
سونے کی عالمی اور مقامی مارکیٹوں میں قیمت مستحکم، چاندی مہنگی