ملک کیخلاف سازش کبھی معاف نہیں کی جائے گی: گورنر پنجاب
اشاعت کی تاریخ: 18th, October 2025 GMT
گورنر پنجاب سلیم حیدر—فائل فوٹو
گورنر پنجاب سلیم حیدر نے کہا ہے کہ ملک کے خلاف سازش کو کبھی معاف نہیں کیا جائے گا۔
لاہور میں گورنر پنجاب نے راولپنڈی بورڈ میں پہلی پوزیشن لینے والے طالب علم کو 2 لاکھ روپے کا چیک دیا ہے۔
سلیم حیدر نے کہا کہ تعلیمی اداروں میں نوجوان نسل کو مثبت سرگرمیوں کی طرف راغب کرنا ہے، نوجوان نسل کو ورغلا کر دھرنوں اور ملک کے خلاف سازشوں میں لے جانے والوں سے سختی سے نمٹا جائے گا۔
پاکستان پیپلز پارٹی (پی پی پی) کی مرکزی مجلسِ عاملہ کے اجلاس میں ملکی سیاسی صورتِ حال کا جائزہ لیا جا رہا ہے۔
انہوں نے کہا کہ پیپلز پارٹی نے ملک کی خاطر ہمیشہ جانوں کا نذرانہ پیش کیا اور کرتی رہے گی، سیاسی اختلافات اپنی جگہ لیکن ملک کے خلاف سازشوں کو کبھی معاف نہیں کیا جائے گا۔
گورنر پنجاب نے مزید کہا کہ پاکستان ہے تو تمام سیاسی جماعتیں ہیں، ن لیگ اور پیپلز پارٹی اتحادی جماعتیں ہیں جو ملکی سلامتی خاطر ایک پیج پر ہیں۔
اُن کا کہنا ہے کہ پاکستان اپنی خود مختاری اور سلامتی پر کسی قسم کا سمجھوتہ نہیں کرے گا، سیاست کی آڑ میں توڑ پھوڑ اور ملک کے خلاف سرگرمیوں میں حصہ لینے والے کسی رعایت کے مستحق نہیں۔
سلیم حیدر نے کہا کہ افغانستان نے بھارت کی پشت پناہی پر پاکستان کے خلاف جنگ کی شرارت کی جو اسے مہنگی پڑی، پاک فوج نے ملک کی خاطر اپنی جانوں کے نذرانے پیش کیے جو فراموش نہیں کیے جا سکتے۔
.ذریعہ: Jang News
کلیدی لفظ: گورنر پنجاب ملک کے خلاف سلیم حیدر نہیں کی نے کہا کہا کہ
پڑھیں:
خیبرپختونخوا میں بدمعاشی ہوئی تو گورنر راج لگ سکتا ہے، فیصل واوڈا
data-id="863a0a8" data-element_type="widget" data-widget_type="theme-post-content.default">
اسلام آباد: سینیٹر فیصل واوڈا نے خیبرپختونخوا میں گورنر راج کے امکان پر ردعمل دیتے ہوئے خبردار کیا ہے کہ اگر بدمعاشی یا غنڈہ گردی کی گئی تو گورنر راج لگ سکتا ہے۔
پارلیمنٹ ہاؤس کے باہر میڈیا سے گفتگو کرتے ہوئے فیصل واوڈا نے کہا کہ صوبے کے وزیراعلیٰ کو اپنی ذمہ داریاں پوری کرنا ہوں گی اور ہائی کورٹ کے آرڈر کے بعد ایک چھوٹی سی غلطی بھی ان کی نااہلی کا سبب بن سکتی ہے، ان کی خواہش نہیں کہ خیبرپختونخوا میں گورنر راج لگے، لیکن اگر سیاسی یا انتظامی غنڈہ گردی جاری رہی تو کوئی اور راستہ نہیں بچے گا۔
انہوں نے صوبے میں گورنر کی تعیناتی کے حوالے سے کہا کہ ان کی ترجیح فیصل کریم کنڈی ہیں اور اگر کسی اور نام کا انتخاب ہوا تو وہ سیاسی اعتبار سے قابل قبول نہیں ہوگا۔
فیصل واوڈا نے بانی پاکستان تحریکِ انصاف (پی ٹی آئی) سے ملاقات کی خواہش رکھنے والوں کو بھی تنبیہ کی کہ اگر وہ دیوار سے ٹکرائیں گے تو کچھ حاصل نہیں ہوگا اور سیاسی حل کے لیے براہ راست وزیراعظم اور صدر مملکت سے رابطہ ضروری ہے، ہر مسئلے کی چابی صدر آصف علی زرداری کے پاس ہے۔
سینیٹر نے مزید کہا کہ سابق وزیراعظم نواز شریف کا بیان اور اسمبلی میں موجودگی ظاہر کرتی ہے کہ وہ موجودہ حکومت کے ساتھ ہیں، جس سے سیاسی توازن اور صورتحال واضح ہوتی ہے۔
خیال رہے کہ خیبرپختونخوا میں سیاسی کشیدگی اور انتظامی مسائل بڑھ رہے ہیں اور صوبے میں گورنر راج کے نفاذ کے حوالے سے گفتگو زور پکڑ رہی ہے۔
خیبر پختونخوا فوڈ اتھارٹی کی کارروائی، مضر صحت دودھ بنانے والا نیٹ ورک بے نقاب