حیدرآباد، تجاوزات کیخلاف عوامی حلقوں میں تشویش کا اظہار
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)چیئرمین میاں سرفراز ٹاؤن کی جانب سے حیدرآباد سٹی کے علاقوں میں انکروچمنٹ کے نام پر کی جانے والی حالیہ کارروائی پر عوامی حلقوں نے شدید غم و غصہ کا اظہار کرتے ہوئے کہا ہے کہ تجاوزات کے خلاف آپریشن کے دوران غریب ریڑھی والوں، پتھارے اور تھلے والوں کے کاروباری سامان کو نہ صرف بلاجواز ضبط کیا گیا بلکہ متعدد مقامات پر سامان کو نقصان بھی پہنچایا گیا جو کہ کھلی بدمعاشی اور اختیارات کے ناجائز استعمال کے مترادف ہے۔عوامی حلقوں کا کہنا ہے کہ شہر کے مصروف ترین حیدر چوک،کورٹ روڈ اور گاڑی کھاتہ سمیت چھوٹکی گھٹی کے علاقوں میں ہوٹلوں اور فاسٹ فوڈز کی دکان والوں نے بھاری رشوت کے عیوض کرسیاں،ٹیبلیں اور دیگر سامان سڑکوں ،فٹ پاتھوں پر رکھا ہوا ہے ان کے خلاف کوئی کاروائی نہیں کی جا رہی ہے لیکن مزدور پیشہ افراد کو دھمکیاں دینے کے ساتھ بدتمیزی اور تذلیل آمیز رویہ اختیار کیا جارہاہے اور بھاری جرمانے عائد کرکے سامان بھی ضبط کیا جارہاہے جس کی ویڈیوز اور عینی شہادتیں بھی موجود ہیں ۔عوامی حلقوں کا کہنا ہے کہ روزانہ کی بنیاد پر محنت مزدوری کرکے اپنے بچوں کا پیٹ پالنے والے غریب افراد سے روزگار چھین لینا انتہائی غیر انسانی، غیر اخلاقی اور قابلِ افسوس حرکت ہے۔عوامی حلقوں نے اس غیر شفاف اور غیر قانونی آپریشن پر شدید تشویش کا اظہار کرتے ہوئے اعلیٰ حکام، کمشنر حیدرآباد، ڈپٹی کمشنر و دیگر متعلقہ اداروں سے مطالبہ کیا ہے کہ فوری نوٹس لیتے ہوئے اس ناانصافی کا ازالہ کیا جائے ضبط شدہ سامان فوری طور پر واپس کرایا جائے اورذمہ دار افراد کے خلاف سخت قانونی کارروائی عمل میں لاکر مستقبل میں ایسے غیر انسانی اقدامات کی روک تھام کیلئے مؤثر پالیسی واضع کی جائے۔عوامی حلقوں کا کہنا ہے کہ تجاوزات کے خلاف کارروائی اگر شفاف اور قانون کے مطابق ہو تو قابلِ قبول ہے، لیکن غریب طبقے کی تذلیل اور ان کے بچوں کے رزق پر ڈاکہ ڈالنا کسی صورت برداشت نہیں کیا جائے گا۔
ذریعہ
ذریعہ: Jasarat News
کلیدی لفظ: عوامی حلقوں کے خلاف
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ