این ڈی ایم اے، 200 ٹن امدادی سامان بذریعہ بحری جہاز سری لنکا روانہ
اشاعت کی تاریخ: 2nd, December 2025 GMT
کراچی (نیوزڈیسک) تباہ کن طوفان اور سیلاب زدہ دوست ملک سری لنکا کی مدد کیلئے اپیل پر پاکستان پیش پیش ہے، این ڈی ایم اے نے دو سو ٹن امدادی سامان بذریعہ بحری جہازسری لنکا روانہ کردیا ، متاثرین کیلئے امدادی اقدامات بھی بلا تعطل جاری ہیں ۔
ترجمان این ڈی ایم اے کے مطابق این ڈی ایم اے کےاسلام آباد میں قائم گودام پرسامان روانگی کی تقریب ہوئی ۔ جس میں وزیرمملکت خزانہ اظہر بلال کیانی اور سری لنکن ہائی کمشنر نے بھی شرکت کی ۔
وزیرمملکت اظہر کیانی نے کہا سری لنکا کےمتاثرین کی امدادکیلئے ہرممکن کوشش جاری رہےگی، این ڈی ایم اےآفات سےتباہی اورمنفی اثرات سےنمٹنےکیلئےہمہ وقت کوشاں ہے،جبکہ سری لنکن ہائی کمشنر نے فوری امداد کی فراہمی پر پاکستانی عوام اورحکومت کا شکریہ ادا کیا ۔
پاکستان کیجانب سے سمندری راستےسے بھجوائے گئے امدادی سامان کو پہنچنےمیں تقریباً آٹھ روزلگیں گے ۔ امدادی سامان میں خیمے،کمبل،رضائیاں، لائف جیکٹس،کشتیاں،پمپس،راشن اور دوائیں شامل ہیں ۔
.
ذریعہ
ذریعہ: Daily Mumtaz
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ