پارلیمنٹ کیخلاف سازش کرنیوالے لیڈر اپنے گریبان میں جھانکیں، ایاز صادق
اشاعت کی تاریخ: 1st, December 2025 GMT
اسلام آباد(نیوزڈیسک) سردار ایاز صادق نے پارلیمنٹ کی بالادستی اور تحفظ کا واضح پیغام دے دیا۔اسپیکر قومی اسمبلی سردار ایاز صادق نے پارلیمنٹ کی بالادستی، آئین و قانون کے تحفظ کے عزم کا اعادہ کرتے ہوئے جمہوریت دشمن عناصر کو سخت پیغام دے دیا۔
اسپیکرقومی اسمبلی سردار ایاد صادق نے اپنے بیان میں کہا ہے کہ پارلیمنٹ کی بالادستی پر کوئی سمجھوتہ نہیں کیا جائے گا۔ انہوں نے کہا کہ جمہوریت اور ایوان کے خلاف ہر سازش کو ناکام بنایا جائے گا، اور سازش کرنے والے پہلے اپنے گریبان میں جھانکیں۔
سردار ایاز صادق کا کہنا تھا کہ بطور کسٹوڈین پارلیمنٹ کا تحفظ ان کی ذمہ داری ہے، اور پارلیمنٹ، آئین، قانون اور امن و امان پر کوئی سمجھوتہ نہیں ہو سکتا۔ انہوں نے سخت مؤقف اختیار کرتے ہوئے کہا کہ پارلیمنٹ کو جعلی کہنے کا ڈرامہ اب نہیں چلے گا، جبکہ ایوان میں بیٹھ کر اسی کے خلاف سازش کرنے والے ریاست کے دشمن ہیں۔
.ذریعہ: Daily Mumtaz
پڑھیں:
پاکستانی قوم فلسطینی عوام کے حقِ خودارادیت کی مکمل حمایت کرتی ہے، سردار عبدالرحیم
اپنے بیان میں فنکشنل لیگ سندھ کے سیکریٹری جنرل نے کہا کہ فلسطینیوں کی جرأت اور ثابت قدمی دنیا بھر کے مظلوم عوام کیلئے امید و حوصلے کا ذریعہ ہے اور یہ جدوجہد اس وقت تک جاری رہے گی، جب تک قابض قوتوں کا ظلم ختم نہیں ہو جاتا۔ اسلام ٹائمز۔ فلسطینی عوام کے ساتھ یکجہتی کے عالمی دن کے موقع پر پاکستان مسلم لیگ فنکشنل سندھ کے سیکریٹری جنرل سردار عبدالرحیم نے کہا ہے کہ فلسطین کے مظلوم عوام اس وقت تاریخ کے بدترین دور سے گزر رہے ہیں اور ایسے حالات میں مسلم امہ کیلئے خاموشی کسی صورت قابلِ قبول نہیں۔ اپنے بیان میں سردار عبدالرحیم نے کہا کہ فلسطینیوں پر ڈھائے جانے والے مظالم عالمی برادری کے کردار پر بڑا سوالیہ نشان ہیں، انسانی حقوق کی تنظیمیں اور اقوامِ متحدہ متعدد بار فلسطینی عوام کے بنیادی حقوق کے تحفظ کی یقین دہانیاں کراتی رہی ہیں، لیکن عملی اقدامات نہ ہونے کے برابر ہیں، جو افسوسناک ہے۔ انہوں نے کہا کہ دنیا بھر کی مہذب اقوام پر یہ اخلاقی ذمہ داری عائد ہوتی ہے کہ وہ ناصرف فلسطینیوں کی حمایت کریں، بلکہ غزہ اور دیگر علاقوں میں جاری بربریت روکنے کیلئے فیصلہ کن کردار ادا کریں۔ انہوں نے کہنا کہ ہزاروں بیگناہ بچوں، عورتوں، صحافیوں اور عام شہریوں کے قتلِ عام نے پوری انسانیت کو جھنجھوڑ کر رکھ دیا ہے۔
سردار عبدالرحیم نے کہا کہ پاکستانی قوم ہمیشہ سے فلسطینی عوام کے ساتھ کھڑی رہی ہے اور حقِ خودارادیت کے اصول کی مکمل حمایت کرتی ہے۔ انہوں نے کہا کہ جب تک فلسطینی عوام آزادی اور انصاف حاصل نہیں کر لیتے، پاکستانی عوام، سیاسی جماعتیں اور سول سوسائٹی ان کی جدوجہد کے ساتھ کھڑی رہیں گی۔ انہوں نے اقوامِ متحدہ اور عالمی طاقتوں سے مطالبہ کیا کہ وہ مظلوم فلسطینیوں کیلئے فوری اور مؤثر اقدامات کریں، جنگ بندی کرائی جائے اور انسانی امداد کی بلاروک ٹوک فراہمی یقینی بنائی جائے۔ سردار عبدالرحیم نے کہا کہ فلسطینیوں کی جرأت اور ثابت قدمی دنیا بھر کے مظلوم عوام کیلئے امید اور حوصلے کا ذریعہ ہے اور یہ جدوجہد اس وقت تک جاری رہے گی، جب تک قابض قوتوں کا ظلم ختم نہیں ہو جاتا۔
انتخابی عملے کو دھمکیاں دینے کے معاملے پر وزیراعلیٰ خیبرپختونخوا الیکشن کمیشن میں پیش