خواتین کی عزت بچانے والا باڈی بلڈر بے رحمی سے قتل
اشاعت کی تاریخ: 1st, December 2025 GMT
بھارت کی ریاست ہریانہ کے ضلع روہتک سے تعلق رکھنے والا 26 سالہ قومی سطح کے باڈی بلڈر اور پیرا ایتھلیٹ روہت دھنکھڑ کو شادی کی تقریب میں خواتین کو ہراساں کرنے پر اعتراض کرنے کی پاداش میں حملہ کر کے قتل کر دیا گیا۔ روہت ہفتہ کی صبح زخموں کی تاب نہ لاتے ہوئے چل بسے۔
واقعہ جمعہ کی رات پیش آیا جب روہت اپنے دوست جتن کے ہمراہ بھِیوانی میں ایک شادی کی تقریب میں شریک تھے۔ اہلِ خانہ کا کہنا ہے کہ تیگاڈانہ گاؤں سے آئی بارات کے چند افراد نے تقریب کے دوران خواتین سے بدتمیزی کی، جس پر روہت نے انہیں سختی سے منع کیا۔ مختصر تلخ کلامی کے بعد وہ افراد وہاں سے ہٹ گئے لیکن معاملہ یہیں ختم نہ ہوا۔
یہ بھی پڑھیں: سوشل میڈیا انفلوئنسر کی پُراسرار موت، پولیس نے تحقیقات میں کیا انکشاف کیا؟
تقریب کے بعد جب روہت اور جتن واپس لوٹ رہے تھے انہیں ریلوے کراسنگ پر بند پھاٹک کے باعث رکنا پڑا۔ اسی دوران مبینہ طور پر تقریباً بیس حملہ آور ڈنڈوں، لاٹھیوں اور دیگر ہتھیاروں سے لیس ہو کر پہنچے اور دونوں دوستوں کو گھیر کر تشدد کا نشانہ بنایا۔ جتن کسی طرح وہاں سے جان بچا کر نکلنے میں کامیاب ہو گئے مگر روہت کو حملہ آوروں نے بری طرح پیٹا اور شدید زخمی حالت میں چھوڑ کر فرار ہو گئے۔
جتن بعد میں مدد کے ساتھ واپس آئے اور روہت کو مقامی اسپتال منتقل کیا جہاں سے انہیں حالت نازک ہونے پر پی جی آئی ایم ایس روہتک ریفر کر دیا گیا۔ طبی عملے کی مسلسل کوششوں کے باوجود وہ جانبر نہ ہو سکے اور ہفتہ کی صبح انتقال کر گئے۔
یہ بھی پڑھیں: کینیڈا میں کینیڈین شہری کا قتل، انڈیا نے بڑی غلطی کردی، جسٹن ٹروڈو
اطلاع ملنے پر بھِیوانی پولیس اسپتال پہنچی اور اہلِ خانہ کی شکایت پر پوسٹ مارٹم کروایا گیا۔ پولیس نے واقعے کی تفتیش شروع کر دی ہے۔
روہت کے برادر نسبتی راوی خاصا اور چچا ستیش دھنکڑ نے قتل کو ’سوچے سمجھے منصوبے کے تحت‘ قرار دیتے ہوئے ملزمان کے لیے سخت ترین سزا کا مطالبہ کیا۔ ان کے مطابق، ’روہت نے خواتین کی عزت کے لیے آواز بلند کی اور اپنی جان قربان کر دی‘۔
یہ بھی پڑھیں: کچلاک میں نوجوان حماد کاکڑ کا قتل، کیا قاتل اہلیہ تھی؟
روہت دھنکھڑ ایک پیشہ ور باڈی بلڈر تھے اور روہتک کے جِم خانہ کلب میں ممبران کو تربیت دیتے تھے۔ 2018 میں انہوں نے پیرا اولمپک کمیٹی آف انڈیا کی جانب سے دہلی میں منعقدہ نیشنل پاور لفٹنگ چیمپئن شپ میں سونے کا تمغہ جیتا تھا۔
دھنکھڑ کی دائیں ٹانگ میں معذوری تھی اور انہوں نے اسی سال بین الاقوامی سطح پر بھی دو طلائی تمغے جیتے تھے اور اس وقت کے وزیراعلیٰ منوہر لال کھٹر نے یومِ آزادی کی تقریب میں انہیں اعزاز سے نوازا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باڈی بلڈر کا قتل.ذریعہ: WE News
کلیدی لفظ: باڈی بلڈر
پڑھیں:
روہت شرما نے شاہد آفریدی کا ایک دہائی پرانا ریکارڈ توڑ دیا
بھارت کے اوپننگ بلے باز و سابق کپتان روہت شرما نے شاہد آفریدی کا ایک دہائی پرانا ریکارڈ توڑ دیا۔
تفصیلات کے مطابق روہت شرما نے جنوبی افریقا کے خلاف رانچی میں کھیلے جانے والے سیریز کے پہلے ون ڈے میچ میں 57 رنز کی اننگز کھیلی۔
انہوں نے اپنی اننگز میں 5 چوکوں کے ساتھ ساتھ 3 چھکے بھی لگائے اور اس کے ساتھ ہی ون ڈے کرکٹ میں سب سے زیادہ چھکے لگانے کا ریکارڈ اپنے نام کرلیا۔
Rohit Sharma has now hit the most sixes in ODI cricket ???? pic.twitter.com/eCrVsKewnA
— ESPNcricinfo (@ESPNcricinfo) November 30, 20252015 میں ون ڈے کرکٹ سے ریٹائر ہونے والے پاکستانی بولنگ آل راؤنڈر شاہد آفریدی نے 398 میچز میں 351 چھکے لگائے تھے۔
روہت شرما کے ون ڈے کرکٹ میں چھکوں کی تعداد 352 ہوگئی ہے۔
ویسٹ انڈیز کے کرس گیل ون ڈے کرکٹ میں 331 چھکوں کے ساتھ سب سے زیادہ چھکے لگانے والوں میں تیسرے نمبر ہیں۔
سری لنکا کے موجودہ کوچ سنتھ جے سوریا 270 چھکوں کے ساتھ چوتھے نمبر پر ہیں۔
ان کے علاوہ کوئی اور بلے باز ون ڈے کرکٹ میں 250 چھکے بھی نہیں لگا سکا ہے۔
موجودہ کھلاڑیوں میں روہت شرما کے بعد بھارت کے ہی ویرات کوہلی 157 چھکوں کے ساتھ دوسرے اور آسٹریلیا کے گلین میکسویل 155 چھکوں کے ساتھ تیسرے نمبر پر ہیں۔
کینیڈا میں خالصتان کیلیے تاریخی ریفرنڈم