اسرائیل غزہ کے حوالے سے جھوٹے بہانوں کی تلاش میں ہے، حماس
اشاعت کی تاریخ: 19th, October 2025 GMT
رکن سیاسی بیورو حماس نے تاکید کی ہے کہ قابض صیہونی رژیم نہ صرف جنگبندی معاہدے کی مسلسل خلاف ورزیاں کر رہی ہے بلکہ وہ اپنے گھناؤنے جرائم کا جواز گھڑنے کیلئے مسلسل جھوٹے بہانوں کی تلاش میں بھی ہے اسلام ٹائمز۔ فلسطینی مزاحمتی تحریک حماس کے مرکزی رہنما عزت الرشق نے اعلان کیا ہے کہ حماس، جنگبندی معاہدے کی پاسداری پر تاکید کرتی ہے۔ اس حوالے سے جاری ہونے والے اپنے بیان میں عزت الرشق کا کہنا تھا کہ حماس اس بات پر تاکید کرتی ہے کہ یہ غاصب صیہونی رژیم ہی ہے کہ جو جنگ بندی معاہدے کی مسلسل خلاف ورزیاں کر رہی ہے۔ المیادین کے مطابق، انہوں نے زور دیتے ہوئے کہا کہ قابض اسرائیلی وزیر اعظم نیتن یاہو کی جانب سے اپنے وعدوں سے گریز اور انکار کی کوششیں اس کے دہشتگرد و انتہا پسند اتحاد کے دباؤ کے تحت انجام پا رہی ہیں اور وہ معاہدے کے ثالثوں و ضامنوں کے سامنے بھی اپنی ذمہ داریوں سے بچ نکلنے کی کوشش میں ہے۔ حماس کے اعلی عہدیدار نے مزید کہا کہ غاصب صیہونی رژیم اپنے جرائم کا جواز گھڑنے کے لئے مسلسل جھوٹے بہانوں کی تلاش میں ہے۔
.
ذریعہ
ذریعہ: Islam Times
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ