کراچی ، بیرونِ ملک ڈانس گروپس بھجوانے والے ایجنٹ سرگرم
اشاعت کی تاریخ: 4th, December 2025 GMT
صدر، طارق روڈ اور گلشن اقبال کے متعدد گیسٹ ہاؤسز میں ایجنٹوں نے ڈیرے جمالیے
عدنان مغل اور عمران فوٹو کاپی کی ویزے لگوانے کے نام پر شہریوںسے بھاری رقوم کی وصولی
کراچی میں بیرونِ ملک ڈانس گروپس بھجوانے اور ویزے لگوانے کے نام پر کام کرنے والے گروپس اور ایجنٹ سرگرم ہوگئے ہیں۔ شہر کے مختلف گیسٹ ہاؤسز میں اُن گروپس نے ڈیرے جمالیے ہیں، جہاں سے شہریوں کو بیرونِ ملک بجھوانے کے لیے بھاری رقوم وصول کی جارہی ہیں۔ معلومات کے مطابق ڈانس گروپس کو خلیجی ممالک اور دیگر ریاستوں میں بھیجنے کے لیے سرگرم گروہوں نے حالیہ دنوں میں اپنی سرگرمیاں تیز کردی ہیں، جبکہ ان کے ساتھ کام کرنے والے ویزہ ایجنٹوں نے اپنے ریٹس میں نمایاں اضافہ کردیا ہے۔ذرائع کے مطابق کراچی کے علاقے صدر، طارق روڈ اور گلشنِ اقبال کے متعدد گیسٹ ہاؤسز میں ایسے گروپس نے عارضی دفاتر قائم کررکھے ہیں، جہاں سے بیرونِ ملک ویزے لگوانے کے خواہشمند افراد کو آمادہ کیا جاتا ہے۔ اس دوران دو معروف ایجنٹ—عدنان مغل اور عمران فوٹو کاپی—نے ویزا پراسیسنگ کے نام پر وصول کی جانے والی رقم 30 سے 40 ہزار روپے سے بڑھا کر 50 سے 60 ہزار روپے کردی ہے۔ایجنٹوں کا دعویٰ ہے کہ وہ دبئی سمیت خلیجی ممالک کے وزٹ اور ورک ویزے ’’گرنٹی‘‘ کے ساتھ لگوا کر دیتے ہیں اور اُن کی ’’رسائی اندر تک‘‘ ہے۔ دونوں ایجنٹس کسی بھی درخواست گزار سے 50 سے 60 ہزار روپے فی ویزہ وصول کررہے ہیں۔ذرائع کے مطابق ایجنٹ یہ تاثر دیتے ہیں کہ قونصل خانوں میں اُن کی باقاعدہ رابطے اور روابط موجود ہیں، تاہم متعلقہ قونصلیٹ انتظامیہ اس معاملے سے مکمل طور پر لاعلم ہے۔ سفارتی ذرائع کا کہنا ہے کہ کوئی بھی شخص یا ایجنسی قونصل خانے کا نام استعمال کرکے ویزہ گارنٹی نہیں دے سکتی، اور ایسی سرگرمیوں کا قونصل خانے سے کوئی تعلق نہیں۔شہریوں کی ایک بڑی تعداد نے شکایت کی ہے کہ ایجنٹس ویزہ لگانے کے نام پر بھاری رقم وصول کررہے ہیں جبکہ ویزہ لگنے یا نہ لگنے کی کوئی تحریری ضمانت موجود نہیں۔ بعض شہریوں کا کہنا ہے کہ یہ گروہ ڈانس ٹروپس اور تفریحی گروپس کی آڑ میں لوگوں کو بیرونِ ملک بھجوانے کا لالچ دیتے ہیں اور اکثر معاملات میں جھوٹے دعوے سامنے آتے ہیں۔قانون نافذ کرنے والے اداروں کا کہنا ہے کہ ایسے ایجنٹوں کے خلاف کارروائی اس وقت ممکن ہے جب شہری باقاعدہ شکایت درج کروائیں، کیونکہ بیشتر افراد دھوکے میں آنے کے باوجود سامنے آنے سے گریز کرتے ہیں۔ذرائع کا کہنا ہے کہ شہر میں ایسے گروہوں اور ایجنٹس کی سرگرمیوں میں اضافہ تشویشناک ہے اور متعلقہ اداروں کو اس حوالے سے فوری کارروائی کی ضرورت ہے۔
.ذریعہ: Juraat
کلیدی لفظ: کا کہنا ہے کہ کے نام پر
پڑھیں:
بیرون ملک باتیں کرنے والوں کو جلد واپس لائیں گے، محسن نقوی
وفاقی وزیر داخلہ محسن نقوی کا کہنا ہے کہ بیرون ملک بیٹھ کر اداروں میں مسائل کی باتیں کرنے والے سن لیں وہ بہت جلد وطن واپس آرہے ہیں، انہیں لایا جا رہا ہے اور ساری باتوں کا جواب دینا ہوگا۔
محسن نقوی نے نے پریس کانفرنس میں وارننگ دیتے ہوئے کہا کہ بیرون ملک بیٹھے اگر یہ سمجھ رہے ہیں کہ فیک نیوز پھیلا کر انہیں بیرون ملک تحفظ ملے گا تو یہ ممکن نہیں۔
وفاقی وزیر داخلہ نے دعویٰ کیا کہ خیبر پختونخوا میں غیر قانونی مقیم افغانوں کو تحفظ دیا جارہا ہے، قومی سلامتی پر کوئی صوبہ اپنی پالیسی بنا کر نہیں چل سکتا، وفاقی حکومت کے فیصلے پر عمل کرنا پڑے گا۔
انہوں نے غیر قانونی افغانیوں کو نکالنے کی ذمہ داری علاقہ ایس ایچ او کو دینے کا اعلان کیا اور کہا کہ ایس ایچ او اپنے اپنے علاقوں میں مقیم غیر قانونی افغانیوں کو نکالے۔
وزیر داخلہ کا کہنا تھا کہ جتنے بھی حملے ہو رہے ہیں ان میں افغان ملوث ہیں، ہماری ساری توجہ ایک چیز پر ہے کہ غیرقانونی مقیم افغانوں کو واپس بھیجیں۔
محسن نقوی نے افغانستان کےنائب وزیر اعظم ملا برادر کے بیان پر ردعمل دیتے ہوئے کہا کہ وہ تاریخ کی بات نہ کریں ہمیں سب معلوم ہے، افغانستان کے پاس ابھی بھی آپشن ہے کہ وہ دہشت گردوں کو لگام دے، ہمارے مطالبات کا جواب دیں۔
ہنگری میں چین کی قدیم تہذیب کی نمائش، ٹیرا کوٹا آرمی کی جھلکیاں