اسلام آباد میں فضائی آلودگی پر قابو پانے کیلئے پاک ای پی اے کا جامع ایکشن پلان جاری
اشاعت کی تاریخ: 19th, October 2025 GMT
اسلام آباد میں فضائی آلودگی پر قابو پانے کیلئے پاک ای پی اے کا جامع ایکشن پلان جاری smog WhatsAppFacebookTwitter 0 19 October, 2025 سب نیوز
اسلام آباد (سب نیوز)پاکستان ماحولیاتی ادرارہ برائے تحفظ ماحولیات (پاک ای پی اے)نے وفاقی دارالحکومت اسلام آباد میں فضائی آلودگی اور سموگ پر قابو پانے کے لیے ایک جامع وہیکلز ایمیشن کنٹرول ایکشن پلان متعارف کرادیا ہے۔ یہ اعلان اتوار کو وزارت موسمیاتی تبدیلی و ماحولیاتی رابطہ کاری کے میڈیا ترجمان محمد سلیم شیخ نے کیا۔
انہوں نے بتایا کہ منصوبے میں گاڑیوں کے اخراج کو کم کرنے، صاف ایندھن کے استعمال اور برقی گاڑیوں کے فروغ کے لیے قلیل المدتی اور طویل المدتی اقدامات شامل ہیں۔محمد سلیم شیخ نے کہا کہ گاڑیوں سے خارج ہونے والے زہریلے دھوئیں کی وجہ سے اسلام آباد میں فضائی آلودگی خطرناک حد تک بڑھ چکی ہے۔یہ ایکشن پلان اسلام آباد کے شہریوں کے لیے صاف اور صحت مند فضا کا ایک واضح روڈمیپ فراہم کرتا ہے۔ اب وقتی اقدامات کے بجائے ایک دیرپا نظام نافذ کیا جا رہا ہے جس میں سخت نفاذ، آگاہی اور عوامی شمولیت شامل ہے، ترجمان نے کہا۔ قلیل المدتی منصوبے کے تحت پاک ای پی اے اور اسلام آباد ٹریفک پولیس گاڑیوں کی چیکنگ کریں گے تاکہ قومی ماحولیاتی معیار پر عمل درآمد یقینی بنایا جا سکے۔تمام سرکاری گاڑیوں کے لیے سو فیصد نیشنل انوائرومنٹل کوالٹی اسٹنڈرڈ مطابقت لازمی قرار دی گئی ہے جبکہ نجی و تجارتی گاڑیوں کیلئے تھرڈ پارٹی اخراج ٹیسٹنگ شروع کی جائے گی۔حالیہ مہم کے دوران آٹھ مقامات پر چیکنگ کے دوران دو سو پندرہ گاڑیوں کو جرمانے اور بتیس گاڑیوں کو قبضے میں لیا گیا۔
ترجمان نے کہا کہ ڈیزل سے چلنے والی گاڑیوں، ٹرکوں اور واٹر ٹینکروں پر خصوصی توجہ دی جائے گی، جبکہ پٹرول گاڑیوں میں کیٹالٹک کنورٹرز لازمی ہوں گے۔انہوں نے خبردار کیا کہ کچرا جلانے والوں پر جرمانے عائد کیے جائیں گے۔ترجمان محمد سلیم شیخ نے اس بات پر زور دیتے ہوئے کہا کہ عوامی تعاون کے بغیر صاف فضا ممکن نہیں۔ ہر شہری کو اپنی گاڑیوں کی دیکھ بھال اور ماحول دوست رویوں کو اپنانا ہوگا عوامی تعاون کے بغیر صاف فضا ممکن نہیں۔ ہر شہری کو اپنی گاڑیوں کی دیکھ بھال اور ماحول دوست رویوں کو اپنانا ہوگا۔منصوبے کے طویل المدتی مرحلے (18 تا 60 ماہ)میں برقی گاڑیوں کے فروغ، یورو5 ایندھن 2027 تک اور یورو6 ایندھن 2030 تک متعارف کرانے کے اقدامات شامل ہیں۔ ساتھ ہی پرانے اور زیادہ دھواں چھوڑنے والی گاڑیوں کو مرحلہ وار ختم کرنے کی پالیسی لائی جا رہی ہے۔ترجمان نے کہا، اسلام آباد کو صاف، جدید اور ماحول دوست ٹرانسپورٹ کا ماڈل شہر بنایا جائے گا، تاکہ پاکستان عالمی ماحولیاتی معیار سے ہم آہنگ ہو سکے۔منصوبے پر عمل درآمد پاک ای پی اے، آئی سی ٹی انتظامیہ، سی ڈی اے، اوگرا اور اسلام آباد ٹریفک پولیس کے اشتراک سے کیا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاق اور پنجاب حکومت سیلاب متاثرین کے مسائل حل کرنے میں ناکام رہی، مزمل اسلم وفاق اور پنجاب حکومت سیلاب متاثرین کے مسائل حل کرنے میں ناکام رہی، مزمل اسلم اسرائیل کا رفح بارڈر بند کرنے کا اعلان، حماس نے مزید 2لاشیں واپس کردیں پاکستان مخالف پروپیگنڈا نہ کرنے پر افغان چینل شمشاد ٹی وی کی نشریات معطل جنوبی وزیرستان سے قندھار کا رہائشی خودکش بمبار گرفتار، ہوش ربا انکشافات پاک فضائیہ کے دستے کی مشترکہ فضائی مشق انڈس شیلڈ ایلفا میں شرکت کیلئے آذربائیجان آمد بند کمروں میں کیے گئے فیصلے عوام پر مسلط کرنے کی اجازت نہیں دینگے، سہیل آفریدیCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: اسلام آباد میں فضائی آلودگی پاک ای پی اے ایکشن پلان
پڑھیں:
چیئرمین سی ڈی اے سے اے ڈی بی کے وفد کی ملاقات، سموگ کے تدارک و ماحولیاتی تحفظ کیلئے تعاون کو مزید فروغ دینے پر اتفاق
چیئرمین سی ڈی اے سے اے ڈی بی کے وفد کی ملاقات، سموگ کے تدارک و ماحولیاتی تحفظ کیلئے تعاون کو مزید فروغ دینے پر اتفاق WhatsAppFacebookTwitter 0 1 December, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی اسلام آباد میں سموگ کے تدارک و ماحولیاتی تحفظ و بہتری کے حوالے سے پیر کے روز سی ڈی اے ہیڈکوارٹرز میں اے ڈی بی کے وفد سے ملاقات ہوئی۔ اے ڈی بی کے وفد میں سنئیر فنانشل سیکٹر اکانومسٹ اینڈریو میکارٹنی اور اے ڈی بی کی اربن ٹیم نے شرکت کی۔ ملاقات میں اسلام آباد میں سموگ کے تدارک، فضائی آلودگی کے خاتمے اور ماحولیاتی تحفظ کے حوالے سے تبادلہ خیال کیا گیا۔
ملاقات میں سی ڈی اے بورڈ کے ممبر ایڈمن طلعت محمود، ممبر انوائرمنٹ اسفندیار بلوچ، ممبر پلاننگ و ڈیزائن ڈاکٹر خالد حفیظ، ڈائریکٹر جنرل ریسورس شکیل احمد سمیت سی ڈی اے کے دیگر سنئیر افسران نے بھی شرکت کی۔اس موقع پر چیئرمین سی ڈی اے محمد علی رندھاوا نے کہا کہ اسلام آباد میں سموگ اور فضائی آلودگی میں کمی سمیت ماحولیاتی تحفظ اولین ترجیحات میں شامل ہے اور اس حوالے سے پالیسی اقدامات سمیت مختلف ماحول دوست پراجیکٹس پر کام کیا جارہا ہے۔چیئرمین سی ڈی اے نے کہا کہ سی ڈی اے نے اپنی ای وی پالیسی میں نیشنل انرجی ایفشنسی اینڈ کنزرویشن اتھارٹی کی ریگولیشنز کو اپنا لیا ہے۔ انہوں نے کہا کہ اسلام آباد میں الیکٹرک گاڑیوں اور چارجنگ اسٹیشنز کے قیام کو فروغ دینے کیلئے بھرپور اقدامات کئے جارہے ہیں۔
چیئرمین سی ڈی اے نے کہا کہ سی ڈی اے نے ماحول دوست 160 الیکٹرک فیڈر بسوں کو اپنے وسائل سے اسلام آباد میں متعارف کروایا ہے۔ انہوں نے کہا کہ ٹرانسپورٹ سیکٹر میں فضائی آلودگی کو کنٹرول کرنے کیلئے گاڑیوں کے کاربن اخراج کے ٹیسٹ کئے جارہے ہیں،مستند ایئر کوالٹی انڈیکس کے حوالے سے اسلام آباد میں مزید مانیٹرنگ اسٹیشنز کی تنصیب پر کام کیا جارہا ہے۔چیئرمین سی ڈی اے نے کہا کہ اسلام آباد شہر میں فضائی آلودگی پھیلانے والے عوامل میں شامل کوڑے کرکٹ کیلئے جدید سالڈ ویسٹ مینجمنٹ منصوبے متعارف کیا جائے گا۔ انہوں نے کہا کہ اس حوالے سے اسلام آباد میں سائنٹیفک لینڈ فل سائٹ کے قیام کے حوالے سے فیزیبلٹی سٹڈی کا آغاز کیا جا جا رہا ہے۔چیئرمین سی ڈی اے نے کہا کہ اسلام آباد میں ماحول دوست منصوبے میں کاربن کریڈٹ کے حصول کو ممکن بنانے کیلئے مختلف پراجیکٹس زیر غور ہیں۔
انہوں نے کہا کہ اسلام آباد میں کاربن کریڈٹ کے حصول کیلئے گرین فنانسنگ کو ممکن بنانے کیلئے اے ڈی بی اپنی معاونت فراہم کر سکتا ہے۔اے ڈی بی کے وفد نے کہا کہ اے ڈی بی اپنی مشاورت کے عمل کو مکمل کرکے مختلف ماحول دوست اقدامات کے حوالے سے اپنی تکنیکی معاونت فراہم کرے گا۔ وفد نے مزید کہا کہ اے ڈی بی اسلام آباد کے پہلے ٹرانسپورٹ ماسٹر پلان کی تیاری اور انٹر سٹی بس ٹرمینلز منصوبے میں اپنی تیکنیکی معاونت فراہم کر رہا ہے۔
ملاقات میں سموگ کے تدارک و ماحولیاتی تحفظ کیلئے اے ڈی بی اور سی ڈی اے کے مابین تعاون کو مزید فروغ دینے کے حوالے سے اتفاق کیا گیا۔چیئرمین سی ڈی اے محمد علی رندھاوا نے کہا کہ ان اقدامات کا مقصد اسلام آباد میں فضائی آلودگی کو کنٹرول کرنا اور شہریوں کو صحت مند اور اعلی معیار زندگی کی فراہمی کو یقینی بنانا ہے۔ انہوں نے مزید کہا کہ اے ڈی بی اور سی ڈی اے کی شراکت داری سے نہ صرف اسلام آباد کا ماحولیاتی معیار بہتر ہوگا بلکہ یہ شہر پورے پاکستان کیلئے پائیدار ترقی کا بہترین نمونہ بھی بن سکے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربدمعاشی کرینگے تو گورنر راج لگ سکتا ہے،ہماری خواہش ہے فیصل کریم کنڈی ہی گورنر رہیں، فیصل واوڈا بدمعاشی کرینگے تو گورنر راج لگ سکتا ہے،ہماری خواہش ہے فیصل کریم کنڈی ہی گورنر رہیں، فیصل واوڈا گرفتار، نظربند اور زیرحراست افراد سے تفتیش بارے بل سینیٹ سے منظور کراچی میں رینجرز کی تعیناتی میں مزید ایک سال کی توسیع، سندھ کابینہ نے منظوری دیدی مریم نواز کے کام کرنے کی رفتار ترکیہ سے بھی تیز ہے، ترک رکن پارلیمنٹ برہان کایاترک کی ملاقات میں گفتگو جسٹس طارق جہانگیری کے استعفے کی خبروں پر انہی کی عدالت میں تذکرہ سری لنکا میں بدترین سمندری طوفان، پاکستان کے ریلیف آپریشن میں بھارتی حکومت رکاوٹ بن گئیCopyright © 2025, All Rights Reserved
رابطہ کریں ہماری ٹیم
بانی پی ٹی آئی سے ملاقات نہ کرانے پر ہمارے خدشات بڑھ رہے ہیں؛ سہیل آفریدی