کین ولیمسن انگلینڈ کیخلاف ون ڈے سیریز کیلئے کیوی اسکواڈ میں شامل
اشاعت کی تاریخ: 20th, October 2025 GMT
نیوزی لینڈ کرکٹ ٹیم کے سابق کپتان کین ولیم سن اور آل راؤنڈر نیتھن سمتھ کو انگلینڈ کے خلاف ون ڈے سیریز کے لیے اسکواڈ میں شامل کرلیا گیا۔
سیریز کا پہلا ون ڈے 26 اکتوبر کو تورانگا کے بے اوول اسٹیڈیم میں کھیلا جائے گا جو کین ولیم سن کا آبائی میدان ہے۔
کین ولیم سن گزشتہ ایک ماہ سے معمولی طبی مسئلے کے باعث کرکٹ سے دور تھے اور آسٹریلیا کے خلاف ٹی ٹوئنٹی سیریز کے ساتھ ساتھ زمبابوے کے دورے میں بھی شرکت نہیں کر سکے تھے۔ تاہم اب وہ مکمل طور پر فٹ ہو کر دوبارہ قومی ٹیم کا حصہ بننے جا رہے ہیں۔
سیریز کے لیے نیوزی لینڈ کی قیادت تجربہ کار آل راؤنڈر مچل سینٹنر کریں گے جو حال ہی میں چیمپئنز ٹرافی کے فائنل میں ٹیم کی قیادت کر چکے ہیں۔
اسکواڈ میں مائیکل بریسویل، راچن رویندرا، ڈیون کونوے، ٹام لیتھم، میٹ ہنری اور مارک چیپمین جیسے اہم کھلاڑی شامل ہیں۔ ٹام لیتھم وکٹ کیپنگ کے فرائض انجام دیں گے اور وہ بھی انجری سے صحتیاب ہو کر واپس آئے ہیں۔
دوسری جانب کئی کھلاڑی فٹنس مسائل کے باعث دستیاب نہیں ہوں گے جن میں فن ایلن، لاکی فرگوسن، ایڈم ملنے، ول او رورک، گلین فلپس اور بین سیئرز شامل ہیں۔
اسکواڈ میں شامل نئے چہروں میں کینٹربری کے آل راؤنڈر زیک فولکس بھی شامل ہیں جنہوں نے حال ہی میں نیوزی لینڈ اے کی جانب سے نمایاں کارکردگی دکھائی تھی۔
نیوزی لینڈ اور انگلینڈ کے درمیان تین میچوں کی یہ ون ڈے سیریز 26 اکتوبر سے یکم نومبر تک جاری رہے گی۔
نیوزی لینڈ کا اسکواڈ: مچل سینٹنر (کپتان)، مائیکل بریسویل، مارک چیپمین، ڈیون کونوے، جیکب ڈفی، زیک فولکس، میٹ ہنری، کائل جیمیسن، ٹام لیتھم (وکٹ کیپر)، ڈیرل مچل، راچن رویندرا، نیتھن سمتھ، کین ولیم سن اور ول ینگ
.
ذریعہ
ذریعہ: Express News
کلیدی لفظ: کین ولیم سن نیوزی لینڈ اسکواڈ میں
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ