ضمنی انتخابات: پوسٹل بیلٹ کے لیے اہل ووٹرز 31 اکتوبر تک درخواست جمع کرائیں، الیکشن کمیشن
اشاعت کی تاریخ: 20th, October 2025 GMT
الیکشن کمیشن نے قومی اسمبلی کی 5 اور پنجاب اسمبلی کی 7 نشستوں پرضمنی انتخابات کے لیے پوسٹل بیلٹ پیپرز کی درخواستیں جمع کرانے کی آخری تاریخ 31 اکتوبر 2025 مقرر کردی ہے۔
الیکشن کمیشن کی جانب سے جاری کردہ اعلامیے کے مطابق قومی اسمبلی کے حلقہ این اے 18 ہری پور، این اے 96 فیصل آباد-II، این اے 104 فیصل آباد-X، این اے 143 ساہیوال-III، این اے 185 ڈیرہ غازی خان-II، اور صوبائی اسمبلی کے حلقہ جات پی پی 73 سرگودھا-III، پی پی 98 فیصل آباد-I، پی پی 115 فیصل آباد-XVIII، پی پی 116 فیصل آباد-XIX، پی پی 203 ساہیوال-IV اور پی پی 269 مظفرگڑھ-II کے ضمنی انتخابات کے لیے بذریعہ پوسٹ ووٹ ڈالنے کے لیے تمام اہل ووٹرز اپنے پوسٹل بیلٹ پیپرز کی درخواستیں جمع کرادیں۔
یہ بھی پڑھیں: الیکشن کمیشن نے قومی و صوبائی اسمبلی کے ضمنی انتخابات کا شیڈول جاری کردیا
الیکشن کمیشن کے مطابق قانون کے تحت پوسٹل بیلٹ کی سہولت سرکاری ملازمین، مسلح افواج کے افسران و جوانوں اور ان کے اہلِ خانہ کو حاصل ہے، بشرطیکہ وہ اپنے حلقۂ انتخاب سے باہر تعینات یا مقیم ہوں۔
اسی طرح معذور افراد بھی، جن کے پاس نادرا کی جانب سے جاری کردہ جسمانی معذوری کے لوگو والا قومی شناختی کارڈ موجود ہے اور جو سفر کرنے سے قاصر ہیں، اس سہولت سے استفادہ کر سکتے ہیں، جیل میں قید یا حراست میں موجود افراد کو بھی پوسٹل بیلٹ کے ذریعے ووٹ ڈالنے کا حق حاصل ہے۔
’وہ تمام اہلکار جنہیں ریٹرننگ آفیسر کی جانب سے انتخابی ڈیوٹی پر تعینات کیا گیا ہو، بشمول پولیس اہلکار، اپنے تقرر کے 3 روز کے اندر متعلقہ ریٹرننگ آفیسر کے پاس پوسٹل بیلٹ کے لیے درخواست جمع کرائیں۔‘
مزید پڑھیں: مسلم لیگ ن نے ضمنی انتخابات کے لیے امیدواروں سے درخواستیں طلب کر لیں
الیکشن کمیشن نے واضح کیا کہ پوسٹل بیلٹ حاصل کرنے والے ووٹر پولنگ اسٹیشن پر ووٹ نہیں ڈال سکیں گے۔
’درخواست صرف ووٹر کے متعلقہ دفتر یا محکمہ سے تصدیق شدہ ہونی چاہیے تاکہ غیر مجاز افراد کی جانب سے درخواست دینے کا امکان ختم کیا جا سکے۔‘
الیکشن کمیشن کے اعلامیہ کے مطابق پوسٹل بیلٹ فارم الیکشن کمیشن کی ویب سائٹ www.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن انتخابی ڈیوٹی پنجاب اسمبلی پوسٹل بیلٹ پولنگ اسٹیشن ریٹرننگ آفیسر قومی اسمبلی ویب سائٹ
ذریعہ
ذریعہ: WE News
کلیدی لفظ: الیکشن کمیشن انتخابی ڈیوٹی پنجاب اسمبلی پوسٹل بیلٹ پولنگ اسٹیشن ریٹرننگ آفیسر قومی اسمبلی ویب سائٹ ضمنی انتخابات الیکشن کمیشن کی جانب سے فیصل آباد کے لیے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا