گلشن اقبال ٹاؤن : خستہ حال مشینری و گاڑیوں کو کارآمد بنا دیا گیا
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
251021-02-7
کراچی(اسٹاف رپورٹر) گلشن اقبال ٹاؤن میں بلدیاتی خدمات میں بہتری کی جانب ایک اور اہم قدم، خستہ حال مشینری و گاڑیوں کو مرمت کے بعد دوبارہ کارآمد بنا دیا گیا۔ افتتاحی تقریب نیپا ورکشاپ میں منعقد ہوئی، جہاں امیر جماعت اسلامی ضلع شرقی نعیم اختر نے چیئرمین گلشن اقبال ٹاؤن ڈاکٹر فواد احمد اور وائس چیئرمین ابراہیم صدیقی کے ہمراہ کارآمد بنائی گئی گاڑیوں کا افتتاح کیا۔ اس موقع پر یوسی چیئرمین ماجد خان، وائس چیئرمین آصف حسن، اشعر عماد، عادل محمد، رہنما جماعت اسلامی کامران چشتی، انچارچ میونسپل سروسز راؤ شمشاد اور دیگر افسران بھی موجود تھے۔ اس موقع پر خطاب کرتے ہوئے چیئرمین گلشن اقبال ٹاؤن ڈاکٹر فواد احمد نے کہا کہ اس اقدام سے گلشن اقبال ٹاؤن میں صفائی و دیگر بلدیاتی خدمات کی رفتار اور معیار میں نمایاں بہتری آئے گی۔ جماعت اسلامی ضلع شرقی کے امیر نعیم اختر نے کہا کہ تمام تر وسائل بروئے کار لاکر عوام کی خدمت کررہے ہیں، ان گاڑیوں کو کار آمد بنانے سے صفائی ستھرائی کا نظام بہتر ہوگا اور عوام کو ریلیف ملے گا۔ گلشن اقبال ٹاؤن کے چیئرمین ڈاکٹر فواد احمد اور وائس چیئرمین ابراہیم صدیقی کی سربراہی میں گلشن اقبال ٹاؤن میں کئی منصوبوں پر کام جاری ہے۔ تمام یوسی چیئرمین مل کر کام کررہے ہیں۔ کراچی میں میئر عبدالستار افغانی کی میئر شپ اور نعمت اللہ خان کی نظامت کا دور کراچی کا سنہرا دور تھا۔ اب بھی گلشن اقبال کے مکینوں کو جلد تبدیلی نظر آئے گی۔ انہوں نے کہا کہ بی آر ٹی کی وجہ سے یونیورسٹی روڈ اور گلشن اقبال کے مکینوں کو شدید مسائل کا سامنا ہے جس کے خلاف ہر سطح پر آواز اٹھا رہے ہیں۔
ذریعہ
ذریعہ: Jasarat News
کلیدی لفظ: گلشن اقبال ٹاو ن
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا