بھارتی بارڈر فورس کے ہاتھوں شہریوں کی ہلاکتیں، بنگلہ دیشی طلبا کا بھارتی ہائی کمشنر کو طلب کرنے کا مطالبہ
اشاعت کی تاریخ: 5th, December 2025 GMT
بنگلہ دیش اسٹوڈنٹ رائٹس کونسل نے جمعے کے روز ڈھاکا یونیورسٹی میں احتجاجی ریلی اور اجتماع منعقد کیا، جس میں بنگلہ دیش بھارت سرحد پر بھارتی بارڈر سیکیورٹی فورس (بی ایس ایف) کے ہاتھوں بنگلہ دیشی شہریوں کی حالیہ ہلاکتوں کی شدید مذمت کی گئی۔
یہ بھی پڑھیں: بنگلہ دیش نے بھارت سے جبری بیدخل کی گئی حاملہ خاتون کو بی ایس ایف کے حوالے کر دیا
راجو مجسمہ کے قریب اجتماع کے بعد طلبہ رہنماؤں نے کیمپس کی مختلف شاہراہوں پر احتجاجی مارچ کیا جو شاہ باغ پر جاکر اختتام پذیر ہوا۔ شرکا نے نعرے لگائے،’ سرحد پر لوگ مر رہے ہیں، عبوری حکومت کیا کر رہی ہے؟، دہلی یا ڈھاکا؟ ڈھاکا، ڈھاکا، بھارتی جارحیت نامنظور۔‘
اجتماع سے خطاب کرتے ہوئے کونسل کے صدر ناظم الحق نے بی ایس ایف کی جانب سے بنگلہ دیشی شہریوں کی ہلاکتوں کے سلسلے کو بے رحمانہ اور مسلسل ظلم قرار دیا۔ انہوں نے چپائنوباب گنج کے حالیہ واقعے کا حوالہ دیتے ہوئے کہا کہ دو شہریوں کو حراست میں لے کر رات بھر تشدد کیا گیا اور بعد میں قتل کر کے ان کی لاشیں دریائے پدما میں پھینک دی گئیں۔
انہوں نے مزید بتایا کہ 29 نومبر کو چواڈانگا میں شہیدُال نامی شخص جبکہ 4 دسمبر کو پٹگرام میں سبوج نامی نوجوان کو قتل کیا گیا، محض ایک ہفتے میں 4 ہلاکتیں ہوئیں۔
یہ بھی پڑھیں: بنگلہ دیش میں عام انتخابات سے قبل سیاسی تشدد میں خطرناک اضافہ
طالب علم رہنما نے دعویٰ کیا کہ 2009 سے اب تک سرحد پر 600 سے زائد بنگلہ دیشی مارے جاچکے ہیں، جن میں کئی کو تشدد کے بعد سرحدی باڑ سے لٹکا دیا گیا۔
ان کا کہنا تھا کہ مسلسل ہلاکتوں کے باوجود کسی حکومت نے مؤثر سفارتی اقدامات نہیں کیے، جس کے باعث سرحدی علاقوں میں خوف اور عدم تحفظ بڑھ رہا ہے۔
انہوں نے مطالبہ کیا کہ بھارتی ہائی کمشنر کو 48 گھنٹے کے اندر دفتر خارجہ طلب کر کے حالیہ واقعات کی وضاحت طلب کی جائے۔ ان کا کہنا تھا، ’اگر ایسا نہ ہوا تو طلبہ برادری بھارتی ہائی کمیشن کی طرف بڑے پیمانے پر احتجاجی مارچ کا اعلان کرے گی۔‘
یہ بھی پڑھیں: شیخ حسینہ، شیخ ریحانہ اور برطانوی رکنِ پارلیمنٹ ٹولپ صدیق کو بنگلہ دیش میں کرپشن کیس میں سزائیں
جنرل سیکریٹری ثناالحق نے بھی بی ایس ایف کی کارروائیوں پر تشویش کا اظہار کرتے ہوئے الزام لگایا کہ برسوں سے بھارتی اثر و رسوخ سرحدی ہلاکتوں اور 2009 کی بی ڈی آر بغاوت جیسے واقعات میں نظر آتا ہے، مگر 15 برسوں میں سیکڑوں اموات کے باوجود مضبوط سفارتی حکمت عملی اختیار نہیں کی گئی۔
رہنماؤں نے خبردار کیا کہ اگر سرحد پر ہلاکتوں کا سلسلہ جاری رہا تو ملک گیر طلبہ مزاحمتی تحریک شروع کی جائے گی۔ اجتماع کی نظامت جوائنٹ سیکریٹری رکیبُ الاسلام نے کی، جبکہ ڈھاکا یونیورسٹی، ڈھاکا کالج اور میٹرو پولیٹن یونٹس کے رہنما بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news احتجاج بنگلہ دیش بھارتی بارڈر فورس شہری شہید طلبا.
ذریعہ
ذریعہ: WE News
کلیدی لفظ: بنگلہ دیش بھارتی بارڈر فورس شہری شہید بنگلہ دیشی بی ایس ایف بنگلہ دیش
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ