بنگلہ دیش نے بھارت سے جبری بیدخل کی گئی حاملہ خاتون کو بی ایس ایف کے حوالے کر دیا
اشاعت کی تاریخ: 5th, December 2025 GMT
بنگلہ دیش بارڈر گارڈز (بی جی بی) نے بھارتی خاتون سونالی کو بھارت کی بارڈر سیکیورٹی فورس (بی ایس ایف) کے حوالے کردیا ہے، خاتون کو دو طرفہ سرحدی افواج کی رسمی فلیگ میٹنگ کے دوران حوالے کیا گیا۔
بی جی بی کے مطابق یہ واقعہ 25 جون 2025 کا ہے، جب 6 بھارتی شہری، جن میں 35 ہفتے کی حاملہ سونالی خاتون اور ان کے 2 نابالغ بچے شامل تھے، کو بی ایس ایف نے کوراگرام سرحد کے ذریعے جبراً بنگلہ دیش میں دھکیل دیا تھا۔
یہ بھی پڑھیں: بنگلہ دیش کا حسینہ واجد کے بیانات اور میڈیا پروپیگنڈے پر بھارت سے احتجاج
چپائن نواب گنج میں داخل ہونے کے بعد انہیں مقامی قانون نافذ کرنے والے اداروں نے غیر قانونی داخلے کے الزام میں حراست میں لے لیا اور بعد ازاں عدالت کے حکم پر 22 اگست کو جیل بھیج دیا گیا۔
2 دسمبر 2025 کو انسانی ہمدردی کی بنیاد پر بنگلہ دیش کی عدالت نے انہیں عارضی مقامی تحویل میں دینے اور سفارتی چینلز کے ذریعے وطن واپس بھیجنے کی ہدایت کی۔
وزارت داخلہ بنگلہ دیش اور بی جی بی ہیڈکوارٹر نے بھارت کے ساتھ کثیرالجہتی سفارتی رابطے شروع کیے، جن میں حاملہ خاتون اور نابالغ بچوں کے دھکیلنے سے انسانی حقوق کے خطرات اور بین الاقوامی قوانین کی خلاف ورزیوں کو اجاگر کیا گیا۔ بعد ازاں دونوں فریقین نے ان کی واپسی کو آسان بنانے پر اتفاق کیا۔
یہ بھی پڑھیں: شیخ حسینہ کی برطرفی نے بنگلہ دیش میں بھارت کی مداخلت ختم کردی، بنگلہ دیشی صحافی
بی جی بی کے مطابق واپسی کا عمل احترام اور تحفظ کے ساتھ انجام دیا گیا تاکہ خاتون اور اس کے بچے کی سلامتی یقینی بنائی جاسکے۔
لیفٹیننٹ کرنل غلام کبریا نے میڈیا سے بات کرتے ہوئے کہا کہ بی ایس ایف کے دھکیلنے کے اقدامات بین الاقوامی انسانی حقوق کے معیار اور دو طرفہ سرحدی انتظامی معاہدوں کی واضح خلاف ورزی ہیں۔
انہوں نے کہا کہ ایسے واقعات سرحد پر بار بار انسانی ہمدردی کے بحران پیدا کرتے ہیں اور دونوں ممالک کے دوستانہ تعلقات کو نقصان پہنچاتے ہیں۔
انہوں نے مزید کہا کہ بنگلہ دیش نے انسانی ہمدردی، بین الاقوامی قانون اور پڑوسی تعاون کے اصولوں کی پاسداری کرتے ہوئے، خاص طور پر حاملہ خاتون اور ان کے بچوں کے صحت کے خطرات کو مدنظر رکھتے ہوئے پورے عمل کو شفاف، محفوظ اور باعزت انداز میں انجام دیا۔
یہ بھی پڑھیں: سِلہٹ بارڈر کے قریب بنگلہ دیشی شہری ہلاک، بھارتی قبائلی افراد پر الزام
بی جی بی نے امید ظاہر کی کہ بی ایس ایف مستقبل میں ایسے غیر انسانی اقدامات سے باز آئے گی اور زیادہ انسانی اور قانونی سرحدی انتظام کے لیے کام کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارڈر سیکیورٹی فورس بنگلہ دیش بنگلہ دیش بارڈر گارڈز بھارت حاملہ خاتون سونالی.
ذریعہ
ذریعہ: WE News
کلیدی لفظ: بارڈر سیکیورٹی فورس بنگلہ دیش بنگلہ دیش بارڈر گارڈز بھارت حاملہ خاتون سونالی حاملہ خاتون بی ایس ایف بنگلہ دیش خاتون اور
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار