ٹرمپ نے بال روم بنانے کے لیے وائٹ ہاؤس کی تاریخی عمارت کا ایک حصہ ڈھا دیا، عوام کا شدید ردعمل
اشاعت کی تاریخ: 22nd, October 2025 GMT
صدر ٹرمپ نے وائٹ ہاؤس میں پارٹیوں کے انعقاد کے لیے 250 ملین ڈالر کا نیا بال روم تعمیر کرنے کا منصوبہ شروع کر دیا ہے تاہم اس کے لیے اس تاریخی عمارت کا ایک حصہ گرا دیا گیا ہے جس پر شدید تنقید کی جارہی ہے۔
وائٹ ہاؤس کے تاریخی ایسٹ وِنگ کو پیر کے روز مسمار کرنے کا عمل شروع کر دیا گیا، جہاں سابق امریکی صدر ڈونلڈ ٹرمپ ایک نیا شاندار بال روم تعمیر کر رہے ہیں، اس بال روم کی تعمیر پر اٹھنے والے اخراجات کے بارے میں ٹرمپ کا کہنا ہے کہ اس کی مالی معاونت وہ خود اور ان کے چند ڈونرز کریں گے۔
یہ بھی پڑھیے: سرکاری اخراجات میں کمی کے فیصلے پر ججز کی مخالفت، ڈونلڈ ٹرمپ کا شدید ردعمل
ایسٹ وِنگ، جہاں ماضی میں خاتونِ اوّل کے دفاتر، تھیٹر اور غیر ملکی مہمانوں کے لیے داخلی دروازہ واقع تھا، کی بیرونی دیواریں بھاری مشینری سے گرائی جا رہی ہیں۔ ٹرمپ نے جولائی میں اعلان کیا تھا کہ نیا بال روم موجودہ عمارت کو ‘چھوئے گا بھی نہیں’ بلکہ اس کے قریب تعمیر کیا جائے گا تاکہ وائٹ ہاؤس کی تاریخی عمارت محفوظ رہے۔
تاہم، وعدے کے برعکس ایسٹ وِنگ کی دیواروں کی بڑے پیمانے پر مسماری کی تصاویر وائرل ہوگئی ہیں جس کے بعد ٹرمپ نے پیر کے روز تصدیق کی کہ منصوبے پر کام شروع کر دیا گیا ہے۔ ان کا کہنا تھا کہ نیا بال روم ‘امریکا کا سب سے خوبصورت اور بہترین’ ہوگا، جس سے واشنگٹن مونیومنٹ کا منظر دکھائی دے گا اور تقریباً 999 مہمانوں کے بیٹھنے کی گنجائش ہوگی۔
رپورٹس کے مطابق، یہ نیا بال روم مستقبل میں وائٹ ہاؤس کی سرکاری تقریبات اور استقبالیوں کے لیے استعمال کیا جائے گا، جنہیں پہلے اکثر جنوبی لان میں عارضی ٹینٹ میں منعقد کیا جاتا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
white house ball room بال روم تاریخی عمارت وائٹ ہاوس.ذریعہ: WE News
کلیدی لفظ: بال روم تاریخی عمارت وائٹ ہاوس تاریخی عمارت نیا بال روم وائٹ ہاؤس کے لیے
پڑھیں:
کراچی ایئرپورٹ کی عمارت میں نیولوں کی آزادانہ آمدورفت، مسافروں اور عملے میں خوف و ہراس
کراچی:شہر قائد کے جناح انٹرنیشنل ایئرپورٹ پر ایک غیر معمولی اور تشویشناک صورتِ حال سامنے آگئی، جہاں ایئرپورٹ عمارت میں نیولوں کی موجودگی کا انکشاف ہوا ہے۔
عینی شاہدین اور ویڈیوز کے مطابق نیولے کی ایک جوڑی بین الاقوامی روانگی کے قریب واقع ایریا میں دیکھی گئی، جس سے ایئرپورٹ کے ماحول میں حیرت اور تشویش کی لہر دوڑ گئی۔
ویڈیو میں دونوں نیولے غیر ملکی ایئرلائن کے دفتر کے قریب اطمینان سے گھومتے نظر آ رہے ہیں، جس کے باعث نہ صرف عملہ خوفزدہ ہوگیا بلکہ وہاں موجود مسافروں میں بھی سخت بے چینی پھیل گئی۔
اس حوالے سے متعلقہ ترجمان سے مؤقف جاننے کی کوشش کی گئی تاہم ترجمان نے صرف یہ کہا کہ وہ تفصیلات سے آگاہ کریں گے، مگر تادمِ تحریر کوئی جواب فراہم نہیں کیا گیا۔
وفاق اور صوبوں کے درمیان وسائل کی تقسیم کیلئے قومی مالیاتی کمیشن کا اجلاس آج ہوگا