حقوق مظفرآباد کی آواز کو بلند کرنے والے اب خاموش کیوں دکھائی دیتے ہیں، ملک علاؤالدین
اشاعت کی تاریخ: 22nd, October 2025 GMT
میڈیا سے بات کرتے ہوئے اںھوں نے مزید کہا کہ آزاد جموں و کشمیر میں جاری سیاسی غیر یقینی صورتحال کے پیش نظر نئے وزیراعظم کی تلاش کی بجائے حکومت اور اپوزیشن کو فوری طور پر الیکشن کمیشن کی تشکیل پر متفق ہو کر عام انتخابات کی راہ ہموار کرنی چاہیے۔ اسلام ٹائمز۔ امیدوار قانون ساز اسمبلی حلقہ تین شہر مظفرآباد ملک علاؤالدین نے کہا ہے کہ مظفرآباد کے نام پر ووٹ لے کر آنے والے نہ صرف ہر مشکل کی گھڑی میں منظر سے غائب رہتے ہیں بلکہ جلتی پر تیل بھی چھڑکتے ہیں۔ حقوق مظفرآباد کی آواز کو بلند کرنے والے اب خاموش کیوں دکھائی دیتے ہیں۔ ملک علاؤالدین نے مزید کہا کہ ریاست بھر اور پاکستان کے چاروں صوبوں کا دکھ درد بے روزگاری اور معاشرتی ناسوروں سمیت مظفرآباد کی آسامیوں کو دوسرے حلقوں میں کیوں منتقل کیا جاتا ہے۔ حلقہ تین کی تقرریوں تبادلوں پر ہونے والی سودے بازی کے بعد منہ پر قفل لگا کر آخر ووٹ لینے والے کس مصلحت کا شکار ہیں۔ ازاد امیدوار ملک علاؤالدین نے کہا کہ دارالحکومت مظفرآباد شہر و جلقہ کی تعمیر و ترقی کے فنڈز کہاں جا رہے ہیں۔ اکلوتے کارڈیک ہسپتال سمیت دیگر ہسپتالوں کی مخدوش صورتحال، لاقانونیت، کرپشن، بڑھتے ہوئے جرائم کی شرح اور سی ایم ایچ فلائی اوور کی عدم تکمیل نے حکومتی منتخب نمائندوں کی کارکردگی کا پول کھول دیا ہے۔انہوں نے ارباب اختیار سے یہ بھی سوال کیا ہے کہ کیا تعمیر و ترقی کے فنڈز زمین پر کہیں دکھائی بھی دیتے ہیں۔
انہوں نے کہا کہ صرف دو یونین کونسلیں ہیں مظفرآباد کی جن میں تعمیر و ترقی کا نام تک دکھائی نہیں دیتا۔ نہ تو یو سی پترینڈ اور نہ ہی یو سی گوجرہ میں کسی بھی قسم کی تعمیر و ترقی دکھائی دی ہے۔ ان کے ساتھ سوتیلی ماں جیسا سلوک نہ جانے کیوں روا رکھا گیا ہے اور بدستور یہ سلسلہ جاری ہے۔ انہوں نے کہا کہ حلقہ تین شہر کے عوام بری طرح مایوسی کا شکار ہو چکے ہیں۔ انہوں نے کہا کہ ایسے لوگ جو صرف ووٹ لینے آتے ہیں آج کل وہ بھی دکھائی نہیں دے رہے۔ آخر انہیں زمین نگل گئی یا آسمان کھا گیا ہے۔ نہ اپوزیشن اور نہ ہی حکومتی پارٹی کے لیڈر دکھائی دیتے ہیں۔ شہر مظفرآباد اصل معنوں میں آثار قدیمہ بن رہا ہے۔ انہوں نے شہریوں سے استدعا کی ہے کہ وہ اپنے حقوق کی حفاظت کے لیے از خود میدان میں اتریں۔ جس طرح تاجر برادری نے اپنے حقوق کی حفاظت کے ساتھ ساتھ ریاستی عوام کے حقوق کا بیڑا اٹھایا اور کامیاب ہوئے۔ اسی طرح اب شہریان مظفرآباد کو بھی اپنے حلقے کے حقوق کی حفاظت از خود کرنی ہو گی۔
میڈیا سے بات کرتے ہوئے اںھوں نے مزید کہا کہ آزاد جموں و کشمیر میں جاری سیاسی غیر یقینی صورتحال کے پیش نظر نئے وزیراعظم کی تلاش کی بجائے حکومت اور اپوزیشن کو فوری طور پر الیکشن کمیشن کی تشکیل پر متفق ہو کر عام انتخابات کی راہ ہموار کرنی چاہیے۔ ملک کے موجودہ سیاسی منظرنامے میں یہ تاثر عام ہوتا جا رہا ہے کہ سیاسی قیادتیں اقتدار کے کھیل میں الجھی ہوئی ہیں، جبکہ عوام کو درپیش بنیادی مسائل اور جمہوری عمل کے تسلسل پر خاطر خواہ توجہ نہیں دی جا رہی۔ ایک آزاد، بااختیار اور غیرجانبدار الیکشن کمیشن کا قیام ضروری ہے تاکہ آئندہ عام انتخابات صاف شفاف اور قابلِ قبول انداز میں منعقد ہو سکیں۔
ذریعہ
ذریعہ: Islam Times
کلیدی لفظ: ملک علاؤالدین مظفرا باد کی نے کہا کہ دیتے ہیں انہوں نے نے والے
پڑھیں:
دریائے چناب میں سیلاب، تریموں ہیڈ پر پانی کی سطح بلند، چنیوٹ میں نہر میں شگاف سے فصلیں زیر آب
لاہور:دریائے چناب میں سیلابی صورتحال کے باعث تریموں ہیڈ ورکس پر پانی کی سطح مسلسل بلند ہو رہی ہے، جبکہ چنیوٹ میں سیم نہر میں 50 فٹ چوڑا شگاف پڑنے سے متعدد فصلیں زیر آب آگئیں۔
محکمہ آبپاشی کے مطابق تریموں ہیڈ ورکس پر دریائے چناب میں پانی کی آمد ایک لاکھ 48 ہزار 650 کیوسک جبکہ اخراج ایک لاکھ 36 ہزار 50 کیوسک ریکارڈ کیا گیا ہے۔ محکمہ آبپاشی نے خبردار کیا ہے کہ آئندہ 24 گھنٹوں کے دوران پانی کی سطح میں مزید اضافے کا امکان ہے۔
ضلعی انتظامیہ کے مطابق ممکنہ سیلاب سے نمٹنے کے لیے تمام حفاظتی انتظامات مکمل کر لیے گئے ہیں اور متاثرہ علاقوں کے لیے چار فلڈ ریلیف کیمپ قائم کر دیے گئے ہیں تاکہ کسی بھی ہنگامی صورتحال میں شہریوں کو فوری امداد فراہم کی جا سکے۔
دوسری جانب، چنیوٹ میں جھنگ روڈ بائی پاس کے قریب کانجو موڑ پر سیم نہر میں تقریباً 50 فٹ چوڑا شگاف پڑ گیا، جس کے نتیجے میں کئی ایکڑ رقبے پر کھڑی فصلیں زیر آب آ گئیں۔
حکام کا کہنا ہے کہ دریائے چناب میں آنے والے سیلابی ریلے کے باعث نہر میں پانی کا دباؤ بڑھا، جس سے شگاف پیدا ہوا۔
اطلاع ملتے ہی ڈپٹی کمشنر، محکمہ آبپاشی اور دیگر متعلقہ اداروں کے افسران موقع پر پہنچ گئے، جبکہ نہر کے شگاف کو پر کرنے اور مزید نقصان سے بچاؤ کے لیے ہنگامی بنیادوں پر کارروائی جاری ہے۔
ادھر ترجمان پی ڈی ایم اے کے مطابق مون سون بارشوں کے باعث پنجاب کے دریاؤں میں پانی کے بہاؤ میں اضافہ ہوا جبکہ گزشتہ 24 گھنٹوں کے دوران دریاوں کا بہاؤ مستحکم رہا۔
دریائے سندھ میں تربیلا، کالا باغ اور چشمہ کے مقام پر نچلے درجے کا سیلاب ہے۔ تربیلا 3 لاکھ 42 ہزار، کالا باغ 3 لاکھ 9 ہزار اور چشمہ میں 2 لاکھ 93ہزار کیوسک ہے۔
مزید پڑھیںبھارت کی جانب سے آبی جارحیت، دریائے چناب میں اونچے درجے کا سیلاب، الرٹ جاری
پنجاب میں مون سون کا سلسلہ برقرار، مزید بارشوں اور سیلابی صورتحال کا الرٹ جاری
دریائے چناب میں پانی کے بہاؤ میں کمی ہو رہی ہے جس کے بعد سیلابی صورتحال اونچے سے درمیانے درجے پر آگئی ہے۔ دریائے چناب میں مرالہ، خانکی اور قادر آباد کے مقام پر درمیانے دجے کا سیلاب ہے۔
ہیڈ مرالہ کی مقام پر پانی کا بہؤ 2 لاکھ 8 ہزار، خانکی کے مقام پر 1 لاکھ 65 ہزار اور قادر آباد کے مقام پانی کا بہاؤ 1 لاکھ 90 ہزار کیوسک ہے۔
دریائے راوی میں بلوکی کے مقام پر پانی کا بہاؤ 83 ہزار کیوسک ہے جبکہ جسڑ، شاہدرہ اور ہیڈ سدھنائی کے مقام پر بہاؤ بھی نارمل ہے۔
نارروال نالہ بسنتر میں درمیانے درجے کا سیلاب ہے۔ ارا کینٹ بریج ناکہ ایک میں نچلے درجے اور وزیر آباد نالہ ایک میں درمیانے درجے کا سیلاب ہے۔
دوسری جانب، دریائے ستلج اور جہلم میں پانی کا بہاؤ نارمل ہے۔
ڈی جی پی ڈی ایم اے عمر عباس میلہ کے مطابق بالائی علاقوں میں بارشوں کے سبب دریاؤں کے بہاؤ میں اضافہ ہوا، دریائے چناب کے اپر کیچمنٹس میں بارشیں رک چکی ہیں اور گزشتہ 24 گھنٹوں سے دریائے چناب میں بہاؤ مستحکم ہو چکا ہے۔
ڈی جی نے ہدایت کی کہ دریاؤں کے پاٹ میں موجود شہری فوری محفوظ مقامات پر منتقل ہو جائیں، حکومت پنجاب کی جانب سے ممکنہ سیلاب سے متاثرہ علاقوں میں انتظامات مکمل ہیں۔ شہریوں سے گزارش ہے کہ موسم و سیلاب کی صورتحال کے پیش نظر احتیاطی تدابیر اختیار کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع