قوم کے سپوتوں کا بڑا کارنامہ، فتنہ الہندوستان کے 6 دہشتگردوں کا صفایا
اشاعت کی تاریخ: 22nd, October 2025 GMT
بلوچستان کے علاقے دالبندین میں سکیورٹی فورسز کی فتنہ الہندوستان کے خلاف کارروائی میں 6 دہشت گرد مارے گئے۔سیکیورٹی ذرائع کے مطابق سیکیورٹی فورسز نے دالبندین میں فتنہ الہندوستان کی تشکیل کو ناکام بناتے ہوئے ان کے ٹھکانے کو مکمل طور پر تباہ کردیا ہے۔سیکیورٹی ذرائع کے مطابق دہشت گردوں نے پہاڑی پر واقع غار میں پناہ لی ہوئی تھی، جن پر فضائی نگرانی کے ذریعے مسلسل نظر رکھی جا رہی تھی۔ موزوں وقت پر دہشت گردوں کے ٹھکانے کو مؤثر طریقے سے نشانہ بنایا گیا۔سیکیورٹی ذرائع کے مطابق اس مؤثر کارروائی کے نتیجے میں تمام چھ دہشت گرد مارے گئے۔سیکیورٹی ذرائع کا کہنا ہے کہ یہ کامیاب کارروائی سیکیورٹی فورسز اور خفیہ اداروں کی بہترین ہم آہنگی کا نتیجہ ہے۔ بلوچستان میں دہشت گردی کے خاتمے تک سیکیورٹی اقدامات جاری رہیں گے۔سکیورٹی ذرائع کا مزید کہنا تھا کہ یہ اہم کامیابی سکیورٹی فورسز اور خفیہ اداروں کی بہترین ہم آہنگی اور مؤثر رابطے کا نتیجہ ہے.
ذریعہ: Nawaiwaqt
کلیدی لفظ: سیکیورٹی ذرائع
پڑھیں:
ڈی آئی خان : فورسز سے جھٹرپ میں 8خوارج حیدآباد : 2دہشتگر دگرفتار
پشاور ، حیدر آباد (نوائے وقت رپورٹ، این این آئی) سکیورٹی فورسز اور سی ٹی ڈی کی کارروائیوں میں 8 خوارج ہلاک جبکہ 2 دہشتگرد گرفتار کر لیے گئے۔ خیبر پی کے کے ضلع ڈیرہ اسمٰعیل خان میں سکیورٹی فورسز نے سوئی ناردرن گیس کمپنی کی پائپ لائن بچھانے والی ٹیم کی نشاندہی پر فائرنگ کے تبادلے میں 8 خوارج کو ہلاک کر دیا۔ سکیورٹی ذرائع کے مطابق ڈیرہ اسمٰعیل خان میں سوئی ناردرن گیس کمپنی کی پائپ لائن بچھانے والی ٹیم نے دہشت گردوں کی نشاندہی کی۔ پائپ لان بچھانے والے عملے کی اطلاع پر سکیورٹی فورسز نے قریبی جنگل میں فتنہ الخوارج کے ٹھکانے پر کارروائی کرتے ہوئے فائرنگ کے شدید تبادلے میں 8 خوارج کو ہلاک کر دیا۔ سکیورٹی ذرائع کے مطابق خوارج کی یہ تشکیل پائپ پلانن بچھانے والی ٹیم پر حملے کا ارادہ رکھتی تھی۔ حیدرآباد میں کائونٹر ٹیرارزم ڈپارٹمنٹ (سی ٹی ڈی)نے انٹیلیجنس بیسڈ کارروائی کے دوران فتنہ الہندوستان کے 2 روپوش مبینہ دہشت گردوں کو گرفتار کرلیا۔سی ٹی ڈی حکام کے مطابق قاسم آباد کے علاقے سے گرفتار ہونے والے مبینہ دہشت گردوں کے قبضے سے ٹیرر فائنانسنگ فنڈ کی خطیر رقم برآمد ہوئی ہے۔سی ٹی ڈی حکام نے بتایا کہ دہشت گردوں سے فتنہ الہندوستان سے وابستگی کے اہم کاغذی ثبوت و رسید بکس برآمد ہوئے ہیں۔دہشت گرد اپریل 2025 ء میں لونی کوٹ جام شورو کے مقام پر سی ٹی ڈی حیدرآباد کی موبائل پر حملے میں بھی ملوث تھے۔سی ٹی ڈی حکام نے مزید بتایا کہ دہشت گردوں سے حملے میں استعمال ہونے والا اسلحہ بھی برآمد کر لیا گیا ہے، مزید تحقیقات کی جارہی ہیں۔
انڈونیشیا کا چین سے جے-10 لڑاکا طیارے خریدنے کا فیصلہ