ڈی آئی خان : فورسز سے جھٹرپ میں 8خوارج حیدآباد : 2دہشتگر دگرفتار
اشاعت کی تاریخ: 21st, October 2025 GMT
پشاور ، حیدر آباد (نوائے وقت رپورٹ، این این آئی) سکیورٹی فورسز اور سی ٹی ڈی کی کارروائیوں میں 8 خوارج ہلاک جبکہ 2 دہشتگرد گرفتار کر لیے گئے۔ خیبر پی کے کے ضلع ڈیرہ اسمٰعیل خان میں سکیورٹی فورسز نے سوئی ناردرن گیس کمپنی کی پائپ لائن بچھانے والی ٹیم کی نشاندہی پر فائرنگ کے تبادلے میں 8 خوارج کو ہلاک کر دیا۔ سکیورٹی ذرائع کے مطابق ڈیرہ اسمٰعیل خان میں سوئی ناردرن گیس کمپنی کی پائپ لائن بچھانے والی ٹیم نے دہشت گردوں کی نشاندہی کی۔ پائپ لان بچھانے والے عملے کی اطلاع پر سکیورٹی فورسز نے قریبی جنگل میں فتنہ الخوارج کے ٹھکانے پر کارروائی کرتے ہوئے فائرنگ کے شدید تبادلے میں 8 خوارج کو ہلاک کر دیا۔ سکیورٹی ذرائع کے مطابق خوارج کی یہ تشکیل پائپ پلانن بچھانے والی ٹیم پر حملے کا ارادہ رکھتی تھی۔ حیدرآباد میں کائونٹر ٹیرارزم ڈپارٹمنٹ (سی ٹی ڈی)نے انٹیلیجنس بیسڈ کارروائی کے دوران فتنہ الہندوستان کے 2 روپوش مبینہ دہشت گردوں کو گرفتار کرلیا۔سی ٹی ڈی حکام کے مطابق قاسم آباد کے علاقے سے گرفتار ہونے والے مبینہ دہشت گردوں کے قبضے سے ٹیرر فائنانسنگ فنڈ کی خطیر رقم برآمد ہوئی ہے۔سی ٹی ڈی حکام نے بتایا کہ دہشت گردوں سے فتنہ الہندوستان سے وابستگی کے اہم کاغذی ثبوت و رسید بکس برآمد ہوئے ہیں۔دہشت گرد اپریل 2025 ء میں لونی کوٹ جام شورو کے مقام پر سی ٹی ڈی حیدرآباد کی موبائل پر حملے میں بھی ملوث تھے۔سی ٹی ڈی حکام نے مزید بتایا کہ دہشت گردوں سے حملے میں استعمال ہونے والا اسلحہ بھی برآمد کر لیا گیا ہے، مزید تحقیقات کی جارہی ہیں۔
.ذریعہ: Nawaiwaqt
کلیدی لفظ: سی ٹی ڈی
پڑھیں:
سکیورٹی فورسز کی زبردست کارروائی: اہم سرغنوں سمیت گل بہادر گروپ کے 70 سے زائد خوارج ہلاک
اسلام آباد: پاکستانی سکیورٹی فورسز نے افغانستان کے پکتیکا صوبے میں دہشت گردوں کے ٹھکانوں پر انتہائی ٹارگٹڈ پریسشن سٹرائیکس کیں، جن میں گل بہادر گروپ کے 70 سے زائد خوارج مارے گئے۔ یہ کارروائی 17 اکتوبر کی رات کو انجام دی گئی، جسے سکیورٹی حکام نے ایک اہم اور بڑی کامیابی قرار دیا ہے۔
سکیورٹی اداروں نے یہ کارروائی انٹیلی جنس رپورٹس کی بنیاد پر کی اور تمام قیاس آرائیاں جو شہریوں کو نشانہ بنانے کا دعویٰ کرتی ہیں، جھوٹی اور دہشت گردوں کی حمایت کے لیے پھیلائی گئی ہیں۔
سکیورٹی حکام کے مطابق گل بہادر گروپ پر سٹرائیکس میں مارے جانیوالے اہم خارجی سرغنوں میں فرمان عرف الکرامہ بھی شامل ہے اس کے علاوہ خارجی سرغنہ گلاب عرف دیوانہ ، خارجی رحمانی، خارجی عادل ، خارجی فضل الرحمان ،خارجی صدیق اللہ داوڑ، خارجی غازی مداخیل، خارجی مقرب اور خارجی قسمت اللہ ہلاک ہوئے ہیں ۔
یہ گروپ دہشت گردی کی متعدد وارداتوں میں ملوث رہا ہے
یہ کارروائی شمال وزیرستان کے کھادی علاقے میں 17 اکتوبر کو گل بہادر گروپ کے ایک گاڑی سے بم دھماکے (VBIED) کے حملے کے فوری بعد کی گئی، جس میں 3 خواتین، 2 بچے اور ایک جوان فوجی شہید جبکہ 6 دیگر زخمی ہوئے۔ حملہ آوروں نے فوجی کیمپ پر قبضے کی کوشش کی، لیکن پاکستانی فورسز نے فوری جوابی کارروائی کرتے ہوئے تمام حملہ آوروں کو ہلاک کر دیا۔
وزیراعظم کے معاون خصوصی کےگھر پر بم حملہ