ڈی آئی خان میں پولیس موبائل پر دہشت گردوں کا حملہ، 3 اہلکار شہید
اشاعت کی تاریخ: 3rd, December 2025 GMT
--فائل فوٹو
ڈیرا اسماعیل خان (ڈی آئی خان) میں پنیالہ کے علاقے میں پولیس موبائل پر دہشت گردوں کے حملے میں 3 اہلکار شہید ہوگئے۔
پولیس کے مطابق دہشت گردوں نے ڈگری کالج کے قریب سڑک پر آئی اِی ڈی نصب کر رکھی تھی، پولیس موبائل کے پہنچنے پر آئی اِی ڈی کا دھماکا ہوا۔
پولیس ترجمان کا کہنا ہے کہ دھماکے کے بعد دہشت گردوں نے پولیس اہل کاروں پر فائرنگ کی جس میں اے ایس آئی سمیت 3 پولیس اہلکار شہید ہوئے۔
اسسٹنٹ کمشنر بنوں کا کہنا ہے کہ حملے میں شہید ہونے والوں کی تعداد 4 ہے جس میں 2 پولیس اہلکار بھی شامل ہیں
پولیس کے مطابق حملہ آور موقع سے فرار ہوگئے، دہشت گردوں کی تلاش کے لیے علاقے کی ناکہ بندی کرکے سرچ آپریشن کیا جارہا ہے۔
پولیس کے مطابق شہید اے ایس آئی گل عالم، کانسٹیبل رفیق اور سخی جان کی لاشوں کو ڈی ایچ کیو اسپتال منتقل کردیا گیا ہے۔
وفاقی وزیر داخلہ محسن نقوی نے پولیس گاڑی پر فتنہ خوارج کے حملے کی مذمت کرتے ہوئے جام شہادت نوش کرنے والے 3 پولیس اہلکاروں کو خراج عقیدت پیش کیا۔
محسن نقوی نے شہید اہلکاروں کے لواحقین سے دلی ہمدردی اور تعزیت کا اظہار کرتے ہوئے کہا کہ خیبرپختونخوا پولیس کے بہادر سپوتوں کی قربانی کو سلام پیش کرتے ہیں۔
گورنر کے پی فیصل کریم کنڈی نے بھی ڈیرہ اسماعیل خان پولیس وین پر دھماکے کی مذمت کی اور کہا کہ دہشت گردی کے خلاف جنگ میں پولیس اہلکاروں کی قربانیاں رائیگاں نہیں جائیں گی۔
.ذریعہ: Jang News
کلیدی لفظ: پولیس اہلکار پولیس کے
پڑھیں:
بنوں میں گاڑی پر حملہ، اسسٹنٹ کمشنر شمالی وزیرستان شہید
بنوں کے علاقے میرانشاہ روڈ پر اسسٹنٹ کمشنر شمالی وزیرستان کی گاڑی پر حملہ کیا گیا، حملے میں اسسٹنٹ کمشنر شاہ ولی اللّٰہ بھی شہید ہوگئے۔
اس حوالے سے اسسٹنٹ کمشنر کا کہنا ہے کہ حملے میں 2 پولیس اہلکاروں سمیت 3 افراد جاں بحق ہوئے۔ فائرنگ سے 2 پولیس اہلکار اور ایک ڈرائیور زخمی بھی ہوا۔
انہوں نے کہا کہ میرانشاہ روڈ فلور ملز کے قریب پولیس موبائل پر مسلح افراد کی جانب فائرنگ کی گئی، نامعلوم مسلح افراد زخمی پولیس اہلکاروں سے اسلحہ بھی لے گئے۔
علامہ ساجد نقوی اور علامہ شبیر میثمی کی ایران کی اعلی قومی سلامتی کونسل کے سیکرٹری ڈاکٹر علی لاریجانی سے اہم ملاقات