اے آئی ایجنٹس سے کن افراد کی ملازمتوں کو خطرہ نہیں؟ ایمازون ویب سروسز کے سربراہ نے بتا دیا
اشاعت کی تاریخ: 3rd, December 2025 GMT
ایمازون ویب سروسز کے سی ای او میٹ گارمن نے کہا ہے کہ آرٹیفیشل انٹیلی جنس کی وجہ سے جونیئر ملازمین کو نکالنے کا تصور سب سے بے وقوفانہ بات ہے جو میں نے کبھی سنی ہے۔
گارمن نے یہ بات اے آئی سرمایہ کار میتھیو برمن کے ساتھ گفتگو میں کہی، جہاں انہوں نے ویب سیریز کے کیرو نامی اے آئی کوڈنگ ٹول کی بات کرتے ہوئے ان کاروباری رہنماؤں پر تنقید کی جو سمجھتے ہیں کہ اے آئی کمپنی کے تمام جونیئر افراد کی جگہ لے سکتی ہے۔
گارمن نے وضاحت کی کہ جونیئر اسٹاف نہ صرف نسبتاً کم خرچ ہوتا ہے بلکہ اے آئی ٹولز کے استعمال میں سب سے زیادہ دلچسپی بھی وہی رکھتے ہیں۔
یہ بھی پڑھیے: سعودی عرب نے اوبر کے شریک بانی اور ریڈ سی گروپ کے سی ای او کو شہریت دے دی
انہوں نے سوال اٹھایا کہ اگر آپ 10 سال بعد ایسی ورکر فورس کے ساتھ ہوں جس نے کبھی کچھ سیکھا ہی نہیں تو پھر یہ سسٹم کیسے چلے گا؟
ان کا کہنا تھا کہ کمپنیوں کو بدستور یونیورسٹی سے فارغ التحصیل نوجوانوں کو بھرتی کرنا چاہیے اور انہیں سافٹ ویئر بنانے اور مسائل کو تقسیم کر کے سوچنے کا درست طریقہ سکھانا چاہیے، بالکل اُسی طرح جیسے ہمیشہ سے ہوتا آیا ہے۔
گارمن نے اس خیال کی بھی مخالفت کی کہ اے آئی کی کارکردگی اس بنیاد پر ماپی جائے کہ وہ کتنے فیصد کوڈ لکھتی ہے۔
یہ بھی پڑھیے: اوپن اے آئی میں ’کوڈ ریڈ‘ نافذ: گوگل کے ہاتھوں چیٹ جی پی ٹی کی برتری خطرے میں
انہوں نے کہا کہ اے آئی لا محدود کوڈ لکھ سکتی ہے، مگر ہو سکتا ہے کہ یہ کوڈ خراب ہو۔
ان کے مطابق اکثر کم کوڈ زیادہ بہتر ہوتا ہے، اس لیے مجھے سمجھ نہیں آتی کہ لوگ اس معیار پر اتنا فخر کیوں کرتے ہیں۔
گارمن کے مطابق ایمازون ویب سروسز کے 80 فیصد سے زائد ڈویلپرز مختلف طریقوں سے اے آئی استعمال کر رہے ہیں چاہے وہ یونٹ ٹیسٹ لکھنا ہو، دستاویزات تیار کرنا ہو، کوڈ لکھوانا ہو یا ایجنٹک ورک فلو کے ذریعے تعاون کرنا۔
اے آئی کے دور میں نوجوانوں کے لیے کیریئر مشورہگارمن نے نوجوانوں کو مشورہ دیا کہ وہ صرف مہارتیں یاد کرنے کے بجائے ‘سیکھنے کا طریقہ’ سیکھیں۔
یہ بھی پڑھیے: برطانوی ٹی وی چینل نے اے آئی اینکر متعارف کرا دی
ان کا کہنا تھا کہ اصل مہارت یہ ہے کہ آپ خود کیسے سوچتے ہیں؟ مسائل کو حل کرنے کے لیے تنقیدی سوچ کیسے اپناتے ہیں؟ تخلیقی صلاحیت کیسے پیدا کرتے ہیں؟ اور سیکھتے رہنے کی عادت کیسے ڈویلپ کرتے ہیں؟
گارمن کے مطابق یہی مہارتیں انہیں مستقبل کے بدلتے ہوئے اے آئی ماڈلز اور ٹیکنالوجی کے ساتھ قدم ملا کر چلنے میں مدد دیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمازون ایمیزون اے آئی چیٹ جی پی ٹی مصنوعی ذہانت ملازمت.
ذریعہ
ذریعہ: WE News
کلیدی لفظ: ایمازون ایمیزون اے آئی چیٹ جی پی ٹی مصنوعی ذہانت ملازمت کہ اے آئی گارمن نے
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی