کراچی کو صوبہ بنانے کے معاملے پر وفاقی حکومت کس کے ساتھ کھڑی ہے؟
اشاعت کی تاریخ: 6th, December 2025 GMT
راجا خلیق الزمان انصاری جو کہ وزارت اطلاعات و نشریات (حکومت پاکستان) کے سندھ کے لیے ترجمان مقرر کیے گئے ہیں، کا کہنا ہے کہ حکومت پاکستان کراچی کے لیے صرف سوچ نہیں رہی بلکہ کام کر رہی ہے۔
وی نیوز سے گفتگو کرتے ہوئے انہوں نے کہاکہ کراچی میں امن قائم کرنے کے لیے اقدامات کرنے ہوں، کراچی میونسپل کارپوریشن کی جانب سے گرین لائن بی آر ٹی فیز ٹو کے ترقیاتی کام کو دوبارہ بحال کرنا ہو وفاقی حکومت پیش پیش رہتی ہے۔
مزید پڑھیں: آج سے کراچی تا لاہور شروع ہونے والی شالیمار ایکسپریس میں نیا کیا ہے؟
’سکھر سے حیدر آباد موٹر وے یا کراچی سے حیدر آباد کو جوڑنا ہو، لیاری ایکسپریس وے کا کام ہو، کراچی کینٹ اسٹیشن کو اسٹیٹ آف آرٹ کینٹ اسٹیشن میں تبدیل کرنا ہو، کراچی سے چلنے والی ٹرینز کی اپ گریڈیشن ہو یا پھر ریلوے ٹریک بچھانا ہو، یہ وفاق کی جانب سے کراچی سمیت سندھ بھر کے لیے ترقی کا سفر ہے جو جاری ہے۔‘
راجا خلیق الزمان انصاری نے کہاکہ سندھ میں پیپلز پارٹی کی حکومت ہے جبکہ شہری حکومت بھی انہی کے پاس ہے، چند روز قبل بچے کے گٹر میں گر کر جاں بحق ہونے کا واقعہ پیش آیا، جس کا دکھ پوری قوم کو ہے، یہ ایک افسوس ناک واقعہ تھا، ایسے واقعات سے نمٹنے کے لیے اس شہر کی ذمہ داری ہم سب کو لینا ہوگی۔
’اس بچے کی ناگہانی موت کا مجھ سمیت ہر شہری ذمے دار ہے، ہر وہ شخص ذمہ دار ہے جس نے بنا ڈھکن کے گٹر دیکھا اور اس پر ڈھکن نہیں لگایا۔‘
راجا خیق الزمان انصاری کا مزید کہنا تھا کہ کراچی کے لوگ عام نہیں خاص لوگ ہیں، سب چیزوں کا علم رکھنے کے باوجود پاکستان مسلم لیگ ن کو ووٹ کیوں نہیں کرتے، لسانیت کے بجائے کارکردگی کی بنیاد پر ووٹ کیوں نہیں دیتے؟ کراچی کے لوگوں کو بدلنا ہوگا۔
انہوں نے کہاکہ 18ویں ترمیم کے تحت صوبائی مختاری ایک اچھی چیز ہے لیکن پاکستان ایک وفاقی ملک ہے، یہاں ایک وفاقی حکومت وجود رکھتی ہے تو ہمیں کارکردگی کی بنیاد پر بھی چیزوں کو دیکھنا پڑے گا، 18ویں ترمیم بہتر تو ہے لیکن صوبے میں جس جماعت کی حکومت ہوگی وہی اس سے فائدہ لے سکے گی، کراچی کے لوگ ہمیں آزما کر دیکھیں۔
راجا خلیق الزمان انصاری نے کراچی کو صوبہ بنانے سے متعلق اپنا مؤقف دیتے ہوئے کہاکہ وفاق اس معاملے میں عوام کے ساتھ کھڑا ہوگا، جہاں کی صوبائی اسمبلی چاہے وہاں صوبے ضرور بننے چاہییں، لیکن جہاں کی صوبائی حکومت نہیں چاہے گی وہاں آئینی طور پر صوبہ بن ہی نہیں سکتا۔
مزید پڑھیں: پنک بس کے نئے روٹ کا آغاز، سندھ حکومت نے کراچی کی خواتین کو خوشخبری سنا دی
ان کا کہنا ہے کہ گورنر سندھ کی تبدیلی کا فیصلہ وفاق کرے گا، کچھ عرصہ بعد خبر آتی ہے کہ گورنر سندھ کو ہٹایا جا رہا ہے یہ ایک اعزازی عہدہ ہے گورنر کے پاس کوئی خاص اختیارات ہوتے نہیں، میرے علم میں نہیں کہ گورنر سندھ کو تبدیل کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امن و امان راجا خلیق الزمان کراچی صوبہ میونسپل کارپوریشن وزارت اطلاعات وفاق وی نیوز.
ذریعہ
ذریعہ: WE News
کلیدی لفظ: راجا خلیق الزمان کراچی صوبہ میونسپل کارپوریشن وزارت اطلاعات وفاق وی نیوز راجا خلیق الزمان الزمان انصاری کراچی کے کے لیے
پڑھیں:
سعودی عرب کے ساتھ دفاعی معاہدے کے پابند ہیں اور اس کی پاسداری کریں گے: پاکستان
پاکستان نے یمن کے حوثی گروپ کی جانب سے سعودی آئل ٹینکر پر حملے اور بحیرہ احمر میں تجارتی جہاز رانی کو درپیش خطرات کی پرزور الفاظ میں مذمت کی ہے اور سعودی عرب کی سلامتی و خودمختاری کے لیے اپنی مکمل حمایت کا اعادہ کیا ہے۔وزیراعظم شہباز شریف نے جمعرات کو سعودی عرب کے ولی عہد شہزادہ محمد بن سلمان سے ٹیلی فونک رابطہ کر کے بحرِ احمر میں سعودی آئل ٹینکرز پر حوثی ملیشیا کے حملے کی شدید الفاظ میں مذمت کی۔وزیراعظم نے حملے کو بزدلانہ اقدام قرار دیتے ہوئے کہا کہ ”ایسے اقدامات قطعی ناقابلِ قبول ہیں. یہ بین الاقوامی قانون کی صریح خلاف ورزی ہیں، جہاز رانی اور تجارتی نقل و حمل کی آزادی کے لیے خطرہ ہیں اور علاقائی امن، سلامتی اور استحکام کو نقصان پہنچاتے ہیں“۔وزیراعظم نے سعودی عرب کے ساتھ پاکستان کی مکمل یکجہتی کا اظہار کرتے ہوئے کہا کہ میں خود، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور مملکت کے برادر عوام کے ساتھ مضبوطی اور عزم کے ساتھ کھڑے ہیں۔انہوں نے مزید یقین دہانی کرائی کہ پاکستان مملکت سعودی عرب کی سلامتی، خودمختاری اور علاقائی سالمیت کی مکمل حمایت کرتا ہے اور بحرِ احمر، آبنائے ہرمز اور خطے میں سمندری تجارت کی روانی کو یقینی بنانے کے لیے عالمی برادری اور سعودی عرب کے ساتھ مل کر کام کرتا رہے گا۔گفتگو کے دوران سعودی ولی عہد شہزادہ محمد بن سلمان نے پاکستان کی اس مستقل حمایت اور دونوں ممالک کے درمیان قائم قریبی برادرانہ تعلقات کی تعریف کی۔ اس موقع پر وزیراعظم پاکستان نے خادمِ حرمین شریفین، شاہ سلمان بن عبدالعزیز آل سعود کے لیے بھی نیک خواہشات اور خیر سگالی کے جذبات کا اظہار کیا۔
دوسری جانب، دفترِ خارجہ کے ترجمان طاہر حسین اندرابی نے ہفتہ وار میڈیا بریفنگ کے دوران گفتگو کرتے ہوئے کہا کہ ”گزشتہ ہفتے بھی حوثیوں کی جانب سے حملہ کیا گیا تھا. جس کی وزیراعظم پاکستان نے فوری مذمت کرتے ہوئے سعودی عرب کے ساتھ مکمل یکجہتی کا اظہار کیا تھا“۔طاہر اندرابی نے کہا کہ ہمارے بحری جہازوں پر حملہ ریڈلائن ہوگی. ہم سعودی عرب کے ساتھ باہمی دفاعی معاہدے کے پابند ہیں اور سعودی عرب کے ساتھ تمام معاہدوں کی پاسداری کریں گے۔انہوں نے خبردار کیا کہ یمن کے مسلح گروہوں کی جانب سے سعودی عرب پر ایسے حملے خطے میں پہلے سے موجود کشیدگی کو مزید بڑھا سکتے ہیں، اس لیے پاکستان تمام فریقین سے تحمل کا مظاہرہ کرنے اور مسائل کا پرامن حل سفارتی راستے سے نکالنے کی اپیل کرتا ہے۔خطے میں امن قائم کرنے اور کشیدگی کم کرنے کے لیے پاکستان نے اپنی سفارتی رفت و آمد میں بھی اضافہ کر دیا ہے۔ترجمان کے مطابق حال ہی میں ایران کے وزیر داخلہ اسکندر مومنی نے پاکستان کا دورہ کیا، جہاں انہوں نے وزیراعظم، فیلڈ مارشل اور وفاقی وزیر داخلہ سمیت اعلیٰ قیادت سے ملاقاتیں کیں تاکہ علاقائی سیکیورٹی کی صورتحال پر تبادلہ خیال کیا جا سکے۔اس کے علاوہ پاکستان اور کویت کے وزرائے خارجہ کے درمیان رابطہ ہوا، جبکہ منیلا میں آسیان ریجنل فورم کے موقع پر نائب وزیراعظم اور وزیر خارجہ اسحاق ڈار نے مصر، عمان، فلپائن، روس اور بنگلہ دیش کے وزرائے خارجہ سے الگ الگ اہم ملاقاتیں کیں۔ان ملاقاتوں کی تفصیل بتاتے ہوئے ترجمان نے کہا کہ ”مصر کے وزیر خارجہ سے ملاقات میں دونوں رہنماؤں نے تمام ممالک کی علاقائی سالمیت اور خودمختاری کے احترام پر زور دیا، جبکہ عمان کے وزیر خارجہ نے خطے میں کشیدگی کے خاتمے اور امن و استحکام کے لیے پاکستان کے سفارتی کردار کو سراہا“۔اس کے ساتھ ساتھ روس کے وزیر خارجہ سرگئی لاوروف اور بنگلہ دیش کے وزیر خارجہ خلیل الرحمان سے بھی باہمی تعلقات اور تعاون کو آگے بڑھانے پر بات چیت کی گئی۔ترجمان دفترِ خارجہ نے مزید بتایا کہ پاکستان کے نائب وزیراعظم و وزیر خارجہ اسحاق ڈار اب شنگھائی تعاون تنظیم (ایس سی او) کے وزرائے خارجہ کونسل اجلاس میں شرکت کے لیے بشکیک پہنچیں گے. جہاں ان کی کرغزستان کے صدر اور دیگر رکن ممالک کے وزرائے خارجہ سے ملاقاتیں متوقع ہیں۔ترجمان نے یہ بھی بتایا کہ کینیڈا کی وزیر خارجہ انیتا آنند نے بھی حال ہی میں پاکستان کا دورہ کیا ہے، جو گزشتہ بیس سالوں میں کسی کینیڈین وزیر خارجہ کا پہلا دورہ تھا اور اس دوران دونوں ممالک کے درمیان دوطرفہ تعلقات کی مضبوطی کے لیے اعلیٰ سطح پر بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار