ایوارڈ شوز میں مغربی لباس؛ فیشن ڈیزائنر کی پاکستانی اداکاراؤں پر تنقید
اشاعت کی تاریخ: 22nd, October 2025 GMT
معروف اسٹائلسٹ، فوٹوگرافر اور ٹیلنٹ ہنٹر خاور ریاض نے ایوارڈ شوز میں اداکاراؤں کے لباس کے چناؤ کو کڑی تنقید کا نشانہ بنایا۔
خاور ریاض حال ہی میں ایک پوڈ کاسٹ میں شریک ہوئے انھوں نے کہا کہ ایوارڈ شوز میں مغربی انداز اپنانا اپنی پہچان کھونے کے مترادف ہے۔
خاور ریاض نے کہا کہ ہماری اداکارائیں ایوارڈ شوز میں مغربی گاؤنز پہن کر آتی ہیں۔ کیا انھیں پاکستانی ثقافت پسند نہیں، کیا اس پر انھیں فخر نہیں۔
اسٹائلسٹ خاور ریاض نے مشورہ دیا کہ ان اداکاراؤں کو چاہیے کہ قومی لباس اور اپنے ثقافتی وقار اور مشرقی انداز اپناتے ہوئے اپنی شناخت کو ہر چیز پر ترجیح کریں۔
انھوں نے مزید کہا کہ اداکارائیں اکثر انگریزی بولنے کی کوشش کرتی ہیں جبکہ ان کے سامعین خود انگریزی بولنے والے نہیں ہوتے۔
خاور ریاض نے مزید کہا کہ سمجھنے کی بات ہے، انگریزی بولنے کی کوشش میں غلطی ہوتی ہے تو آپ کا مذاق بنتا ہے۔ یہ احساسِ کمتری ہے۔ ہمیں اپنی زبان، ثقافت اور شناخت پر فخر ہونا چاہیے۔
انھوں نے مزید کہا کہ پاکستانی فنکاروں کو اپنی جڑوں کی طرف لوٹنا چاہیے اور خود کو مغرب کی نقل میں کھونے کے بجائے پاکستانی شناخت کو نمایاں کرنا چاہیے۔
خاور ریاض نے مزید کہا کہ اپنی پہچان اور اصل کو بھول جانا سب سے بڑی غلطی ہے۔ اگر ہم خود اپنے کلچر کی عزت نہیں کریں گے تو دنیا کیوں کرے گی؟
یاد رہے کہ خاور ریاض پاکستان کی فیشن اور انٹرٹینمنٹ انڈسٹری میں کئی بڑے نام متعارف کروا چکے ہیں اور اپنی بے باک رائے اور دوٹوک اندازِ گفتگو کے لیے جانے جاتے ہیں۔
.
ذریعہ: Express News
کلیدی لفظ: ایوارڈ شوز میں نے مزید کہا کہ خاور ریاض نے
پڑھیں:
دیوارچین پر پاک چین فیشن شو توجہ کا مرکز بن گیا
اسلام آباد:پاکستان، چین کے تعلقات کی 60 ویں سالگرہ کے موقع پر دیوارِ چین کے تاریخی مقام پر رنگارنگ فیشن شو کا انعقاد کیا گیاجس میں معروف پاکستانی و چینی ڈیزائنرز نے اپنی کلیکشنز پیش کرکے شرکا کے دل جیت لیے۔
چین میں پاکستانی سفیر خلیل ہاشمی نے کہا کہ دیوارِ چین پر فیشن شو پاک چین ثقافتی رشتوں اور اقتصادی تعاون کا نیا سنگ میل ہے۔
چین کی دیوار چین پر پاک چین شاندار فیشن شو کاانقعاد، پاکستانی سفارتخانے بیجنگ اور چاینا انٹرنیشنل کلچرل کمیونیکیشن سینٹرکے اشتراک سے کیا گیا۔
شوکی ترتیب معروف فیشن ایکسپرٹ عدنان انصاری نے انجام دی۔ فیشن شو میں پاکستانی ڈیزائنرز ماہین خان، معظم عباسی، عائشہ طارق، رضوان اللہ اور زین ہاشمی کی کلیکشن پیش کی گئیں۔
چین میں مقیم پاکستانی ڈیزائنر عقیل چوہدری نے جیولری کلیکشن متعارف کرائیں۔
معروف چینی ڈیزائنر لیانگ سویون نے بھی اپنی تخلیقات پیش کیں، شو میں چینی حکام، میڈیا، کاروباری شخصیات، سفارتکاروں کی بڑی تعداد نے شرکت کی۔
پاکستانی سفیر خلیل ہاشمی کا کہنا تھا کہ عظیم دیوارِ چین پاک چین دوستی کی علامت ہے۔
انڈونیشیا کا چین سے جے-10 لڑاکا طیارے خریدنے کا فیصلہ