اسپنرنعمان علی کی ٹیسٹ کرکٹ میں شاندار کارکردگی، آئی سی سی رینکنگ میں نیا سنگ میل عبور
اشاعت کی تاریخ: 22nd, October 2025 GMT
قومی ٹیم کے اسپنرنعمان علی نے ٹیسٹ کرکٹ میں اپنی شاندار کارکردگی کے باعث آئی سی سی رینکنگ میں نیا سنگ میل عبور کر لیا ہے، اور وہ اب دنیا کے نمبر ون بولر بننے کےبالکل قریب پہنچ گئے ہیں۔
تازہ ترین آئی سی سی ٹیسٹ رینکنگ کے مطابق، لاہور ٹیسٹ میں جنوبی افریقا کے خلاف شاندار بولنگ کے بعد نعمان علی نےچار درجے ترقی پاتے ہوئے دوسری پوزیشن حاصل کرلی ہے۔ اس کارکردگی کے نتیجے میں انہوں نے جنوبی افریقہ کے کگیسو ربادا کو پیچھے چھوڑ دیا، جو اب پانچویں نمبر پر چلے گئے ہیں۔ نعمان اب **پہلی پوزیشن پر موجود بھارت کے روی چندرن ایشون سے صرف معمولی فاصلے پر ہیں۔
فاسٹ بولرشاہین شاہ آفریدی بھی تین درجے بہتری کے بعد انیسویں نمبر پر آ گئے ہیں، جبکہ ساجد خان اکیسویں اورمحمد عباس ستائیسویں پوزیشن پر موجود ہیں۔
بیٹنگ رینکنگ میں بھی پاکستانی کھلاڑیوں کی پوزیشن میں نمایاں بہتری دیکھی گئی۔ بابر اعظم نے دو درجے ترقی کر کے بائیسویں نمبر پر جگہ بنائی، جبکہ سلمان آغا نے آٹھ درجے چھلانگ لگا کرتیسویں پوزیشن حاصل کرلی۔محمد رضوان نے بھی چار درجے بہتری کے بعدسولہویں نمبر پر پہنچ گئے ہیں۔ تاہم، سعود شکیل ایک درجے تنزلی کے بعدتیرھویں پوزیشن پر آ گئے۔
عالمی بیٹرز کی فہرست میں جو روٹ، ہیری بروک، کین ولیمسن، اسٹیو اسمتھ اوریشسوی جیسوال اپنی اپنی پہلی پانچ پوزیشنز برقرار رکھے ہوئے ہیں۔
یہ حالیہ ترقی پاکستانی کھلاڑیوں کے لیے نہ صرف حوصلہ افزا ہے بلکہ آنے والی ٹیسٹ سیریز میں ٹیم کا اعتماد بھی بڑھائے گی۔
ذریعہ
ذریعہ: Daily Mumtaz
کلیدی لفظ: گئے ہیں
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب آ گیا
لاہور: دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔ فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھیواضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا